Njɔyn 12:48 - Ŋwàʼlè ə̀ Fèzhə̀ Mkâyn Mə̂ Fèm

⁴⁸ Ghɨ ghɛ ə tə Mi, ə tàʼa pomə tom zɨ̂mzè, nyîə kyi wùə vɛ ə è tə saʼa ghənə. Ghɛ ghɛ M nyi mə mə wàmnè tə pə ə nyi ə̀ghɛ ghɛ ə tə saʼa ghənə ətəyn etuʼ ekwuŋsəve.

Njɔyn 12:48 ပူးပေါင်းရင်းမြစ်များ

Matyò 10:15

M pîə sê ghàyn səmɔʼ nə ə̀ tə nə̂ ə nyi etuʼ ə saʼe, ə Zhə̀fè chwite kosê esəyn ghaʼâzè sê tɔ̂ŋ ə̀ Sondòm è ghɨə Ngòmolà tsɛ̂ kə Fe chwîtə̀ sê ghɨə tɔ̂ŋ nə ghɨ̂nə̀.”

Matyò 21:42

Njisə̀s ə pìə sê ghənə nə, “E za nyi nə ghàyn pâʼà tyəmə̂ tɔŋɔ zɨə eluʼ ə Ŋwàʼlè ə̀ Fèzhə̀ vɨnə ə ve pîə nyiə nə: ‘Chi zɛ ə ghɨ fɨaʼa tè tə ə kɛsê sə echi epòlə̀ ə ndɛze. Ə̀ nəyn Pɛ̂pɛ nyî Ə̀ nyi eghɛ ekayntəze sê ghâsènì.”

Matyò 25:31

Njisə̀s ə pìə kwəynsə̂ nə, “Vâ wùə tə pə̂ kə fɔ̀yn è tsì sekɨ̂m yî vəyn, ə è tsɨsə ə fèkyə̂ fə efɔ̀ynfè se saʼa əghɨ.

Ŋwàʼlè ə̀ Mâk 12:10

Ghàyn pâʼà tyə̂m tɔŋɔ ghɛ zɨ̂nə̀ ə Ŋwàʼlè ə̀ Fèzhə̀ nə: ‘Chi zɛ ə ghɨfɨaʼa tè tə ə kɛsê sə echi epòlə̀ ə ndɛze.

Ŋwàʼlè ə̀ Mâk 16:16

Ə̂ pomə pîndè, ə fiə m̀mo, ə è tə kyî esɔzaze. Ə̀ faŋa pîndè se pomə̂, ə è tə kyî èpɔynsê.

Ŋwàʼlè ə̀ Mâk 8:31

Njisə̀s ə zhə̀tə̀ sè zaʼlə̂ ə sechùmtè èpàm sə vəynse nə, “Va wùə kyi se fe ngəʼ èghaʼâ. Ə chəʼse yî ghɨ kɔʼsə nə eshyə̀ ndɛ̂ Fèzhə̀ghe ghaʼâghè, è tyə̀ynsè sə alàŋsè tə vəyn. Ə zhwi vəyn, ə ə̀ nyi ə mtuʼ mta ə è kɛse zômə̀.”

Tom èchùŋ kè kə Lûk tè nyaʼ 10:16

È və wàmnə̀ zâ ə se pi sê ghɨətom nə ghɛ nə, “Nâʼàpî ndè vɛ ə è zɨ ghàyn, ə zɨ mi. Nâʼàpî ndè vɛ ə è toynse se zɨə ghàyn, ə toynse se zɨə mi. Vɛ ə è toynse mi, ə toynse vɛ ə è tom mi.”

Tom èchùŋ kè kə Lûk tè nyaʼ 17:25

È kyi se fe ngəʼ ə tendom te tsɨ̀ə kə nyi nə ghɨə mbi zo fɨyn tə vəyn tsɔ̀fə kə ghɛ nə ghɨnə kyayn.

Tom èchùŋ kè kə Lûk tè nyaʼ 20:17

Njisə̀s ə naynə̂ kə ghənə nyi ə pfɨfə nə, “Luʼ ə Ŋwàʼlè ə̀ Fèzhə̀ vɨnə tyə̀nə̀ nə ghe, ə ke pi nə:

Tom èchùŋ kè kə Lûk tè nyaʼ 7:30

Pîza, ghɨ Falàsîə è tyə̀ynsè sə alàŋsè ə kwiynsə̂ se kê ekwâʼtè zɛ ə Zhə̀fè tè kyi kûmə̀ ghənə kepî eghɨ kə ghənə tè kwiynse se fi mmo sê Njɔyn.

Tom èchùŋ kè kə Lûk tè nyaʼ 9:22

ə fɨnə piə nə, “Va Wùə kyi ke nâʼà se fe ngəʼ èghaʼâ, nə chəʼse yî ghɨkɔʼsə nə eshyə̀ engaŋtəghe è tyə̀ynsè sə alàŋsè tə vəyn, ə zhwi vəyn, ə sè nyi sə mtuʼ mta, ə è kɛse zômə̀.”

Tom èchùŋ kè kə Lûk tè nyaʼ 9:26

Naʼapi ndè vɛ ə è ghomə kûmə̀ mi è zaʼlê zɨme, ə è və ke nə Vâ wùə tə pɔŋɔ ghomə kûmə̀ vəyn ezhoghɛ ə è kɛse pə̀yn əfètə̂ èpomsê zɛ ə è kyi, ə̀ nyi èpomsê ə Pɨ̀aze è tsi sə vəyn sə eŋwaʼase.

Njɔyn 11:24

Maltà ə pìə sê vəyn nə, “M ke ndô nə è tə zômə̀ etuʼ e kwuŋsəve.”

Njɔyn 5:45

Kə ghàyn nə kwaʼtə̀ nə ə̀ nyi Mi vɛ ə M tə ghâmə̀ ghàyn sê Pɨ̀a Vɨ̂mvè nə ghàyn tè pâʼà fi Mi. Mosîs, ə vɛ ghàyn ndə̀m kwaʼtè zaynze ə vəyn ewìyn nyi vɛ ə è tə lotə pîə nə ghàyn nə̀ pofsə̂ ndò.

Njɔyn 6:39

Ə̀ nyi èkɔ̂ŋ ə vɛ È tom Mi nə, kə M njise nâʼà èmɔ̀ʼ əfètə̂ ghɛ ə È fo sê Mi əkɨ̂m, pîza nə M zomse ghənə əkɨ̂m endam ə fetuʼfe kwuŋsəfe.

Njɔyn 8:47

Nâʼàpî ndè vɛ ə è ndò sê Zhə̀fè, zɨə ndò wâmnè ə Fezhə̀zè. Ghɛ zɛ ə ze nə̂ nə kə ghàyn ə zɨə nyi kûmə̀ nə ghàyn va əghɔ Fezhə̀.”

Ətefɨ̂aʼ 17:31

Kûmə̀ nə Zhə̀fè tè nyi mə Fe ə ndə̀m tuʼ fɛ ə Fe tə saʼa ghɨghe əkɨ̂m ətəyn fà mbi, ke chichi. Fe tə nə, ə wùə vɛ ə è chɔʼ ndəm saʼ ghɨ nə ghɨyn sê vəyn. Fe tyə̀yn chwìə nə zɨnə̀ se nâʼà pîndè mə È ndwisə̀ wùə nə vɛ ekwu.”

Ətefɨ̂aʼ 3:23

Ə̀ za faŋ pi ndè se zɨ sê fɨ̀aʼtè nə zɨ̂yn, ə saŋse vəyn ə əfètəyn ànɔ̀yn ə ghɨə Fezhə̀kè.›

Ŋwàʼlè ə̀ Pɔ̂l sê ghɨə Lûmghè 2:16

E za tyə̀nə̀ nə ə Fetuʼ fə saʼfe, Zhə̀fè tə saʼa ə̀ghɨ ə̀kɨ̂m ətə̂ ə̀ghɛ ghɛ ə ghənə kwaʼtə̀, è ghɛ ə ghənə ndə̂tə̀ nə̂ ndô. È tə fo Njisə̀s è tyaʼ nə kɛmə nə È saʼ ghɨghe. Ə̀ ghɨnə nyi əghɛ ghɛ ə m tsâ sê ghɨghe ezhoghɛ ə m ndaʼà tom èchùŋ.

2 Kolìŋ 4:3

Ə tom zɛ ə ghàs ndàʼà nyi mə ə ndə̀tè, ə nyi mə ə ndəte ke sê ghɨ ghɛ ə ghənə njisə̀ ndûə.

2 Tèsàlonikà 1:8

Ə̀ tə pə̂ nyi kə è tso pə̂ yî tsì sə vəyn nə sɛ, ə wûsmə pɛ̂, ə è fɨ̂aʼ è wus nə vɨnə̀ se fo ètsôs sê ghɨ ghɛ ə ghənə tè tə Zhə̀fè, nə̂ va ghɛ zɛ ə tom èchùŋ kûmə̀ Pɛ̂pɛ ə̀ ghâsènì Njisə̀s Klâys pìə.

Ipilù 10:25

Kə ghâsènì ə nyi kə ə ghɔnyì ə mɔ̀ʼɔghe ə ghənə kɛsə pə̂ va elùʼ atsɨ̀ynte. Ə ghâsènì ə pɨlə fo ə̀təm ə tɛghe sengɨŋ sə ghasènìse, fo zɔmtə̂ ndûə kə ndò kə ghâsènì fe nə tuʼ fɛ ə Pɛ̂pɛ kɛsə pə̂ ətəyn paʼsə̂ pə̂ ndò.

Ipilù 12:25

Ghàyn e tɔ̂ʼnə̀ kə wùə sê ghàyn nə tə se zɨtê sê vəyn vɛ ə è wàmnə̀. Ghɔ Isìlây ghè ə tè tə se zɨtê sê wùə vɛ ə è tè pəyn è tom ə̀ Fèzhə̀ fa mbi, zamə ə tàʼa faŋ se tsosə ghənə. E za tyə̀nə̀ nə ə ghâsènì ke tə se zɨə kyə̀ wùə vɛ ə è ndo ekwùtwəyn, ə ghâsènì tə kyî ètsôs ə və tsɨə tsɛ̂ və ghənə̂vè.

Ipilù 2:3

E za tyə̀nə̀ nə, kə ghâsènì se nyi mə zɨə ghɛze kûmə̀ èsɔza ekayntə zɛ ə Zhə̀fè fo, ə ghâsènì tàʼa zɨ, ə ghâsènì tə tàʼa tə fɨ ə ngəʼ zɛ ə Zhə̀fè nyi se tə fo. Tom nə zɨ̂yn nyi mə ə̀ tè ndàʼa ke nâʼà Pɛ̂pɛ sə shi, ghɨ ghɛ ə ghe tè zɨ, ə tə tyə̀yn paynsê sê ghàs nə ze nyi ke nâʼà səmɔʼ.

Ipilù 4:12

Ghɛ zɛ ə Zhə̀fè pì nyi kə ze nyîə ndamə, kyi àtyaʼ, tɔfə tsɛ̂ efɛ̂ eghɔ̀ŋ zɛ ə ze tɔfə pɨ̂asvè èpɨ̀a. E nyîə se njiə ndûə nâʼà ə fètəyn, se nduə tàyn elùʼ vɛ ə təmə yî zuʼse kə̂mnə̀ fɨnə ndûə tânə̀ elùʼ vɛ ə fɔmze yî zhûŋəke pə̂ kə̂mnə̀. Ze ke ndô ghɛ ghɛ ə ghɨ kwâʼtə̀, è ghɛ ə ghənə kyiŋə.

1 Pità 1:5

Ghaʼ nə zɨnə nyì sê ghàyn ghɛ ə Zhə̀fè tɔ̀ʼnə̀ è tyaʼ ə vəynke tɔynə̂ ekyî epomə̂ zɛ ə ghàyn kyi, ghàyn e nyi se tə kyi esɔ̂za zɛ ə fe pɨaʼte se fo sê ghàyn ə fetuʼ fe kwuŋsəfe.

2 Pità 3:3

Ghɛ ə shize nyi nə ghàyn kyi sə̂ ə̀ ke nə ə̀ tə pə̂ ə nyi mtuʼ mê kwùŋsə̂mè, ə ghɨ yîghe pfɨ̀ŋə̀ fɨ pəyn mə ə̀ nyi əghɛ ghɛ ə njà sewìyn sə ghənə kyiŋə chisə ghənə, ə ghənə ə nyə̂ʼsə̀ ghàyn,

2 Pità 3:7

Pîza kwutwəyn vɛ ə ve nyi zôyn, è chi kɛ ə ke nyi zôyn nyi mə ə̀ pisə̂ zâ Fèzhə̀ tɔynə̂ kəpî fɛ ə vəyn ewàmnè kə shîŋə̀kè tə kwəyn, ə è pofse ghənə è wusve. È pisə̂ zâ ghənə sê shîŋə̀ kɛ ə è tə saʼà pofsə ghɨ ghɛ ə ghe ke va vəyn.