Njɔyn 12:47 - Ŋwàʼlè ə̀ Fèzhə̀ Mkâyn Mə̂ Fèm

⁴⁷ Ə ghɨə zɨ tom Zɨ̂mzè ə tàʼa ndə̀mə zɨ̂ynzè, M tə tàʼa saʼa ghənə. M tè paʼà pə̀yn chi se saʼa mbi, pîza se pɨlə sɔzà ə ghɨ mbighe.

Njɔyn 12:47 ပူးပေါင်းရင်းမြစ်များ

Matyò 18:10

Ghàyn tɔ̀ʼnə̀ nə kə wùə lɛ wâ kûmə̀ nə è kɔʼnə̂ va. M pîə sê ghàyn səmɔʼ nə ekwùtwəyn, tsì sɛ ə se naynə ghɔyn nə ghɨ̂yn nyì yî Pɨ̀a vɨm.

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Tom èchùŋ kè kə Lûk tè nyaʼ 19:10

Va Wùə te pə̀yn se kyiŋə əghɨ ghɛ ə ghe njise se sɔ̀sè əghənə.”

Tom èchùŋ kè kə Lûk tè nyaʼ 9:56

Nyi, Njisə̀s yî chùmtè èpàm sə vəynse ə ndò ə ndùə ə tə̀ʼ zhize.

Njɔyn 12:48

Ghɨ ghɛ ə tə Mi, ə tàʼa pomə tom zɨ̂mzè, nyîə kyi wùə vɛ ə è tə saʼa ghənə. Ghɛ ghɛ M nyi mə mə wàmnè tə pə ə nyi ə̀ghɛ ghɛ ə tə saʼa ghənə ətəyn etuʼ ekwuŋsəve.

Njɔyn 3:17

Zhə̀fè tè paʼà tom Vâ vəyn ə mbi nə è pəyn saʼ ə̀ghɨ. Pîza È tè tom Vəyn nə È pəyn Sɔza ə̀ghɨ.

Njɔyn 5:45

Kə ghàyn nə kwaʼtə̀ nə ə̀ nyi Mi vɛ ə M tə ghâmə̀ ghàyn sê Pɨ̀a Vɨ̂mvè nə ghàyn tè pâʼà fi Mi. Mosîs, ə vɛ ghàyn ndə̀m kwaʼtè zaynze ə vəyn ewìyn nyi vɛ ə è tə lotə pîə nə ghàyn nə̀ pofsə̂ ndò.

Njɔyn 8:26

Ghɛ tsɨ̀ə kə nyi kə M kàʼa ə M pi kûmə̀ ghàyn, fɨnə tsɨ̀ə kəpi kə M kaʼa M pi nə ghàyn ə nə̀yn pofsê. Vɛ ə È tom Mi nyi Wùə səmɔʼ. Ghɛ ghɛ M tsâ sê ghàyn fa mbi nyi ke ə̀ghɛ ghɛ M zɨ sê Vəyn.”

2 Pità 3:15

Ghàyn ke nə Pɛ̂pɛ ə̀ ghâsènì kolə ə̀təm nyi, fo èndom sê ghàyn kə ghàyn kyi sɔzaze. Ànyìə ghâsènì Pɔ̂l vɛ ə ghâsènì kɔ̀ŋɔ̀ ə tə nyàʼ kepî ghɛ ghɨ̀yn sê ghàyn è tɔf eghaʼâzè mə ə̀ fo Fezhə̀ sê vəyn,

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.