Njɔyn 12:42 - Ŋwàʼlè ə̀ Fèzhə̀ Mkâyn Mə̂ Fèm

⁴² Nâʼà pîza, ghɨ ə chisə è ghɨ Njûs yîghe ə pomə sê Njisə̀s, tsɨ̀ə kə nyi, pîza ə tàʼa fɨ ə ndayn kûmə̀ nə ghənə tè fànə nə ə fɨ, ə ghɨə Falàsîə chum ghənə ə ndɛ̂ atsɨ̀ynte.

Njɔyn 12:42 ပူးပေါင်းရင်းမြစ်များ

Matyò 10:32

Ghɨ ghɛ ə pîə ə ndayn nə ə nyi ghɨmə, M tə nə̂ kəpî èghɨ sê ghənə ə pɨ̀a vɨ̂mvè əshi ekwùtwəyn.

Tom èchùŋ kè kə Lûk tè nyaʼ 12:8

M piə sê ghàyn nə, ə tyə̂nə̀ piə ndè ə ghɨghe əshi nə è nyi wùə vɨ̂m, ə Vâ wùə tə pɔŋ pomə ə tsì sə Fezhə̀sè əshi nə è nyi wùə vəyn.

Tom èchùŋ kè kə Lûk tè nyaʼ 23:13

Paylɛ̀t ə tɔŋnə̂ ghɨkɔʼsə nə eshyə̀ ndɛ ètsə̀mə è ghɨə chwitə, è ghɨə mɔ̀ʼɔ

Tom èchùŋ kè kə Lûk tè nyaʼ 6:22

Chùŋ nyi sê ghàyn ezhoghɛ ghɨ pânə̀ ghàyn, chûmə̀ ghàyn ə etsɨ̀ynte, sôylə̀ ghàyn fɨnə pofsə̂ əzə ghaynghe kè kûmə̀ kə Va Wùə.

Njɔyn 11:45

Ghɨ Njûs ghɛ ə tè pə̀yn se zuŋtə̂ Mèli, ə fe èghɛ zɛ ə Njisə̀s nə̀yn, ə pomə sê Njisə̀s.

Njɔyn 12:11

kûmə̀ èghɛ zɛ ə ze kyâyn sê Lazalùs, ghɨ Njûsə̀ setsɨ̀ tè tə ghənə, pomə̂ kə sê Njisə̀s.

Njɔyn 16:2

Ə tə chûmə̀ fɨsə ghàyn ə sendɛ sə atsɨ̀yntese, mə shîŋə̀kè tə pə̂ ə ghɨ ghɛ ə zhwitə ghàyn ə kwàʼtə̀ kə nə ghənə fɨaʼà sê Zhə̀fè.

Njɔyn 19:38

Ə pə̀ kə zɨnə tsɛ̂, Njosɛ̀f vɛ è ndò ə tɔ̂ŋ ə̀ Àlimàtiyà ə pìə sê Paylɛ̀t nə è fo zhi è tyaʼa kə zhi nji pfɨnə Njisə̀sè ə zhi pfɨ̂mə. Njosɛ̀f tè nyì kepî chùmtè epàm ə̀ Njisə̀s, pîza mə è nyaʼtə̂ chumtə̀ kə ndò kûmə̀ nə è tè fànə əghɨ ə Njûsə̀. Paylɛ̀t ə pomə̂, è və ke nduə njiə ndò è pfɨyn ətəynze.

Njɔyn 3:2

Tuʼ fîfe è tuʼve, è və ndùə sê Njisə̀s ə pìə se Vəyn nə, “Tyə̀ynsè, ghàs ke ndô nə ò nyi tyə̀ynsè mə ə̀ tom Fezhə̀. Wùə vîvè vayn kàʼa è nəyn ghɛ ə kayntə ghɛ ə Ò nə̀ ə̀ tsɛ̂ kə va mə Zhə̀fè nyì yî vəyn.”

Njɔyn 7:13

Pîza wùə vîvè e wâmnə̀ va kûmə̀ vəyn ə ndayn, kûmə̀ nə ghənə tè fànə ə ghɨ ghaʼa ə Njûsə̀.

Njɔyn 7:31

Pîza, ghɨghe setsɨ̀ ə fètə̂ ànɔ̀yn ə pomə̂ Vəyn. Ghənə tè pîə nə, “Shîŋə̀ kɛ ə vɛ ə chɔʼ ndə̂m tə pə̂, è tə nə̂ ndò ghɛ ekayntə ghe tsɨ̂ə tsɛ̂ kə wùə vɨ̀nə nyi mə è və nə̀yn ə?”

Njɔyn 9:22

Pɨ̀a vəyn yî nyì ə̀ vəyn tè wàmnə̀ nyî kûmə̀ kə ghənə tè fànə ghɨə chisə ghɨə Njûsghè. Ghənə tè nyi mə ə ndə̀m nə ə̀ tɔ̀ʼ pi ndè nə Njisə̀s nyi wùə vɛ ə nyi mə chɔʼ ndəm, ə chum vəyn, ə è və fɨnə njiə va ə ndɛ̂ atsɨ̀ynte.

Njɔyn 9:34

Ghɨ ətəyn ghe ə pə̀ynsə̀ sə̂ vəyn nə, “Ə tè piə ghô ə pi ə njìə kɔʼsə̂ kə ghò ə fètə̂ təyn, ô sè kyiŋə se zaʼlə ghàs zo?” Ghənə ə ke chùmə fɨsə vəyn ə ndɛ atsɨ̀ynte.

Ətefɨ̂aʼ 5:41

Ghɨətom ə Njisə̀sghè ə ndò elùʼ nə vɛ, saŋnə kə nyi kûmə̀ nə Zhə̀fè ə fe nə ghənə ə kwəyn se kyîə eghomə̂ kûmə̀ ezə Njisə̀szè.

Ŋwàʼlè ə̀ Pɔ̂l sê ghɨə Lûmghè 10:10

Ə̀ nyi epomə̂ ə ghasènìze ə ze nə̂ nə ghâsènì ə nyi chichi ə Zhə̀fè əshi. Ə̀ nyi eghɛ zɛ ə ghâsènì pìə ə ghâsènì echo è pomə̂zè, ə ze nə̂ nə ghâsènì sɔ fɨ.

1 Njɔyn 4:15

Nâʼàpî ndè vɛ ə è pì nə Njisə̀s nyi Va Fèzhə̀, è və nyi sə afɨa amɔ̀ʼ yî Zhə̀fè, Zhə̀fè e nyi sə afɨa amɔ̀ʼ yî vəyn.

1 Njɔyn 4:2

Ghɛ zɛ ə ghàyn kaʼa ə ghàyn nəyn se ke nə wùə kyi tê Sèzuʼ sə Fezhə̀ nyi nə, nâʼàpî ndè vɛ ə è pì nə Njisə̀s Klâys te pə̀yn ə mbi ewìyn ə wûə m̀sɔ̀ŋve, ə nyi mə è nyîə kyi Sèzuʼ sə Fezhə̀ sè.