Njɔyn 12:32 - Ŋwàʼlè ə̀ Fèzhə̀ Mkâyn Mə̂ Fèm

³² Ə nə̀ kɔʼsə̂ mi ekwùtwəyn, ə m tɔŋɔ nâʼà ə̀ghɨ ə̀kɨ̂m, ə ghe pə̀yn sê mi.”

Njɔyn 12:32 ပူးပေါင်းရင်းမြစ်များ

Njɔyn 1:7

è və pə̀ tsâ sê ghɨə kûmə̀ èpayn nə zɨ̂yn kə ghɨghə kɨ̂m zɨ tom ə̀təyn ə pomə.

Njɔyn 12:34

Nɔ̂yn əghɨ̀ kɛ ə ke tè nyì fu ə pə̀ynsə̀ vəyn nə, “Saʼ zasze zaʼlə̂ nə vɛ ə chɔʼ ndə̂m kyi se ndamə faŋ, Ò kwì zayn sə̂ pîə nə, ə kyi se kɔʼsê ə Vawùə ekwùtwəyn ə? Va Wùə nə vɨnə nyi nâʼà ndè?”

Njɔyn 18:32

Ghənə tè pi nyi se lwiynse eghɛ zɛ ə Njisə̀s tè pi kûmə̀ èkyì ekwu zɛ ə È tè kyi se kwu.

Njɔyn 19:17

È və pɨ̀aʼà awâmnè ə Vəynke sə və ngɨŋ fumə endaʼ ə njiə ndûə è kəynke elùʼ vɛ ə tè tɔŋtə nə, “Ewɔf-Atuve” tɔŋtə̂ eluʼ ətəynve ewàmnè ə Ipilòzè nə, (Ngolngotà.)

Njɔyn 3:14

Kə Mosîs tè paynte fûsè ə mbamke ə mbàŋ ə ndwìsə̀ tyəmsə̂ elùʼ ashəshəve, ə̀ nyì kepî èghɨ kə kyi se tə ndwîsə̀ tyəmsə Vâ wùə.

Njɔyn 6:44

Ghɨ vayn kaʼa pəyn sê Mi ə̀ tsɛ̂ kə va mə Pɨ̀a vɛ è tom Mi nji pə̂yn ndò ghənə sê Mi, ə M tə zomsè ghənə ə fetuʼfe kwuŋsəfe.

Njɔyn 8:28

Njisə̀s ə pìə sê ghənə nə, “Ghàyn tə kɔʼsə̂ Va wùə ə awâmnè, ə paynte Vəyn, ə ke nə, ‘M nyi wùə vɛ M pîə nə M nyi Vəyn,’ Ə fɨyn kê nə M nə̂ va ghɛ sə mìə ngɨŋ, pîza piə kə èghɛ zɛ Pɨ̀a nyi mə È və pì nə M pi.

Ngàleshyà 3:13

Klâys ə tə zhɔyn tuə ghasènìke se ndi zɛ ə Lâŋà pə̀yn è zə̂yn endom nə è və tə fi ndi ə̀təyn ə ghâsènì elùʼ, kè kə nyi mə ə nyàʼ nə, “Ndi ə̀ Fèzhə̀ nyì nâʼàpî sê ndè vɛ ə nyi mə ə ghaŋsê vəyn awâmnè.”

1 Timotì 2:6

vɛ ə è fo ngɨŋ ə Vəyn ə kwu se zhɔyn atu əghɨ̀ ə̀ kɨ̂mkè. Kə shîŋə̀ kɛ ə Zhə̀fè tè chɔʼ kwəyn, Zhə̀fè ə nə̀ nə Njisə̀s Klâys ə nyi chwìə nə zhi kyiŋə se sɔzà əghɨ ə̀kɨ̂m.

Ipilù 2:9

Pîza ghâsènì fe Njisə̀s vɛ ə Zhə̀fè tè nə̀yn sə fendiŋə̀ nyì, è və kɛsə̂ sə wûə fɨnə ngaŋtə kwəynə va pî kə setsì sə vəynse, kə tɔynə̂ ə afùʼ ə Fezhə̀kè, ə è kwu, ə è sɔza ə̀ghɨ ə̀kɨ̂m. Kûmə̀ èkwu zɛ ə è tè tsɛ̀ tɔynê ətəyn, Zhə̀fè ə màʼtə̀ vəyn è pomsêzè, è kɨsè kɔʼsêzè.

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

1 Njɔyn 2:2

Ə̀ nyi vəyn vɛ ə tè fo sə efo kûmə̀ sèpi sɛ ə ghâsènì tè nəyn, È və kwuə se zhɔyn atu ə ghasènìke, ə̀ va ke ə ghâsènì ə tu, pîza sê ghɨghe ə kɨ̂m ə mbi.

Etyə̂yn ə paynsêzè 5:9

Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.