Njɔyn 12:3 - Ŋwàʼlè ə̀ Fèzhə̀ Mkâyn Mə̂ Fèm

³ Mèli ə njìə fèmbùʼtə̀ fə mngwɨl mə èlɨ̀mtə̂m, m lɨ̂mtə̀ tsɔ̂fə̀ kə nyî, tɛ èkɛve nâʼà àchûŋ. Ə tè fɛte mngwɨl mə təynmè è nât. Ə kɨmnə̂ ə Njisə̀s əghòl ə zə̂sə̀ è nyuŋ sə atu sə vəynse. Zuʼə̀ mngwɨl ətəynke ə lɨ̀mə̀ kə ndɛ èkɨ̂m.

Njɔyn 12:3 ပူးပေါင်းရင်းမြစ်များ

Tom èchùŋ kè kə Lûk tè nyaʼ 10:42

Pîza ə nyi ke eghɛ èmɔ̀ʼ ə kyiŋə. Mèli ə nji ghɛ echûŋ nə zɛ, mə vâyn kàʼa ə fɨyn fi sê vəyn.”

Tom èchùŋ kè kə Lûk tè nyaʼ 7:46

Ò fè pâʼà kɨmne pi tu kɨmke è kàyn ə̀ m̀ngwɨl, pîza è kɨmne ə̀ghol ghɨmə è ngwɨ̂l mê lɨ̀mtə̂m.

Njɔyn 11:2

Mèli tè nyi wùə vɛ ə è te sɨs ngwɨl me lɨ̀mtə̂ tsofə̂ mɛ ə Njisə̀s əghòl ə zə̀sə̀ è nyuŋ sə atu sə vəynse. Ə tè nyi ànyìə vəyn Lazalùs kə è tè zafə

Njɔyn 11:28

Ə pə̀ kə Maltà pì zɨnə mə, e və kɛsə̂ ndûə ə nyaʼtə̂ tɔŋɔ ànyìə vəyn Mèli ə pìə sê vəyn nə, “Tyə̀ynsè ə pə̀yn pfɨfə ghò.”

Njɔyn 11:32

È və ndùə tâynə̀ elùʼ vɛ ə Njisə̀s tè nyi ətəyn, kè kə è tè fe vəyn ə tɨmə ə̀ ndzɨs ə və shi, ə pìə nə, “Pɛ̂, ə ò tè nyi fâyn, mə ànyì vɨ̂m paʼà kwu.”

Njɔyn 19:39

È tè nyì yî Nìkòndemùs vɛ ə è tè ndù môtè Njisə̀s etuʼve zâ. Ghənə ə njìə nduə è ngwɨl me lɨ̀mtə̂m se fɛte ewiyn ə Njisə̀svè ətəyn. Ə tè fɛte mngwɨl mə təynmè è mɨa è kɨsè alòs. Ngwɨl mə təynm̀ tè nyì se zaʼâ ngɔ̀ʼsè mghɨm ta njòse tâyn.