Njɔyn 12:27 - Ŋwàʼlè ə̀ Fèzhə̀ Mkâyn Mə̂ Fèm

²⁷ Njisə̀s ə fɨnə pîə nə, “Zôyn nyî, kwâʼtè zɨmze nyîə fo ètsôs sê mi nâʼà sə ŋaŋ, m ke va nə m piə nə ghe, ‘Pɨ̀a vɨ̂m, m kaʼa m pi nə kə Ò pomə nə ngəʼ zɨ̀nə pəyn sê Mìə? Pîza ə̀ nyi kûmə èghɛ nə zɨnə mə ə M tè pəyn, kə M tə tsɛ tɔynê fa ashìŋə̀ ə ngəʼ kɨ̂yn.

Njɔyn 12:27 ပူးပေါင်းရင်းမြစ်များ

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Matyò 11:26

Èn ə pɛ̂, ə̀ nyi nyiə mə kə Ò tè kyiŋə nə ze kyayn.

Matyò 26:42

È və kɛse ndò ə ndùə sè tsə̂mə̀ pîə nə, “Pɨ̀a vɨ̂m, ə ò va se fiə tsɨ̀sè akɛ̀ ə ngəʼ kɨ̂nə̀ ə mì ətu, mə m paʼà pɨ̀aʼà kəynke, o nə̀ èghɛ zɛ ə ò kàʼa ò nəyn.”

Matyò 26:45

È və tsə̀mə̀ mɨ̂sə̀ ə kɛsə̂ ndûə sê chùmtè èpàm sə vəynse ə pfɨfə sê ghənə nə, “Piə e za nyi nə ghàyn pa tɔ̀ʼɔ̀ pɨəynə kə ndò, zɨ̂tə̀ ə? Ghàyn e ke nə shîŋə̀kè ə kwəyn e sè kyiŋə se fo Va Wùə ə ghɨ pighe əgho.

Tom èchùŋ kè kə Lûk tè nyaʼ 22:44

È və kwàʼtə ngəʼ èghaʼâ zɛ è nə̀ nə̂ ə è və nyi ətəyn, e kwûəmə tsɛsə̀, è və fɨnə tɔ̀ʼɔ̀ tsə̂mə̀, zuʼseke ə fɨə ə ə vəyn ewìyn, kyaʼà kə mndəm, tàyntə̀ ə chi.

Tom èchùŋ kè kə Lûk tè nyaʼ 22:53

Piə ma zɨsə kə ghâsènì tuʼ mə m̀kɨ̂m ə Ndɛ Ètsə̀mə, ghàyn kyiə va mə? Naʼapi sə kàyn, ə kwəyn ashìŋə̀ kaynke, mə nyi ashìŋə̀ kɛ ə Pɛ̀ atyaʼa lɨma saʼa ətəyn.”

Njɔyn 11:41

Ghənə ə njìə tsɨ̀sə̀ èchi ətəynze. Njisə̀s ə naynə̂ kɔʼsə è Kwùtwəyn ə pìə nə, “M fo àzɔ̀ŋnè kɛke ə Pɛ̂ kûmə̀ nə ò ndamə zɨə ndò tsə̂m zɨmze,

Njɔyn 12:23

Njisə̀s ə pìə sê ghənə nə, “Shîŋə̀kè ə kwəyn zôyn kə Zhə̀fè ndwise kɔyn ə Vâ Wûəkè ekwùtwəyn.

Njɔyn 13:21

Ə pə̀ kə Njisə̀s pì ghɛ nə ghɨnə nyi, kwàʼtè ə vəynze e fo ètsôs sê vəyn nâʼà sə ŋaŋ. È və ke piə paynsê sê chùmtè èpàm sə Vəynse nə, “M pîə sê ghàyn səmɔʼ nə wùə èmɔ̀ʼ nyîə nyi ə ghà əfètəyn, nyi se pəʼlə mi.”

Njɔyn 18:37

Paylɛ̀t ə pfɨfə sê Vəyn nə, “Piə e za tyə̀nə̀ nə ò nyi fɔ̀yn ə?” Njisə̀s ə pə̀ynsə̀ nə, “Ə̀ pì ghô nə M nyi fɔ̀yn. Ə tè piə Mi nə M pəyn ə mbi, kə Mə nyi tsɛ̀ èsaʼ səmɔʼ. Naʼapî ndè vɛ ə è nyi wùə ə̀ səmɔʼ nyîə zɨə sê Mi.”

1 Timotì 1:15

Ə̀ zɨnə nyi ewâmnè ə səmɔʼze, mə ə kyi se lotə pomə kè kə ze nyi, mə ə mɛnə̂ chîəva ndô, nə Klâys Njisə̀s tè pə̀yn ə mbi se sɔzà əghɨ pighe, m lote nyi kàyntè ə̀ wùə èpi əfètə̂ ə̀ghɨ̀ ə pighe.

Ipilù 2:14

Ghɔyn nə ghɨyn ə è tè pìə, nyi ke nâʼà ə̀ghɨ, kyi sènjyàse wìynse è ndə̂mə̀m. Ə̀ za nyi eghɛ zɛ ə ze tè nəyn, Njisə̀s è ngɨŋə̂ vəyn e sè nyi kepî wùə kə ghənə kə è kwu ə è pofse vəyn vɛ ə è nə̂ nə ghɨ ghə kwuə, mə za nyi ndə̂plè.

Ipilù 5:7

Ə̀ tè nyi kə Njisə̀s pa ndamə fa chi, è nə̂ è və tsə̂mə̀ sê Zhə̀fè, pɨa chîə. È tè tsə̂mə̀ nyì kûmə̀ nə è tè ke ndô nə Zhə̀fè nyîə kyi àtyaʼ se sɔza vəyn ekwu. Zhə̀fè ə tə zɨ vəyn kûmə̀ nə è və tə tsosê ngɨŋə̂ vəyn, ə fo zə̂ynzè sê Zhə̀fè.