Njɔyn 12:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Ə̂ fɨaʼà pîndè sê Mi, ə è və kyi se chùmtə mi kə luʼ vɛ m nyi ətəyn, ə wufɨ̀aʼa vɨ̂m ə pɔŋ nyi fu. Pɨ̀a vɨm nə̀ fo èmâʼte sê wùə vɛ è fɨ̀aʼa sê mi.”

Njɔyn 12:26 ပူးပေါင်းရင်းမြစ်များ

Matyò 16:24

Njisə̀s ə ke pì sê chùmtè èpàm sə vəynse nə, “Ə nâʼà pîndè ə ghàyn ə fètəyn kyiŋə se chùmtə Mi, ə è və kyi se lɛ̀sè ə ngɨŋə̂ vəyn, ə è pɨ̀aʼà wâmnè ə vəynke ə è chùmtè Mi.

Matyò 25:21

Pɛ̀ efɨaʼ ə̀ vəyn ə piə sê vəyn nə, ‹Ò nə̀yn àchûŋ. Ò nyi ke nâʼà wùə èfɨ̀aʼa èchùŋ, fɨyn nyi səmɔʼ. Ò vâ nyîə nyi səmɔʼ sə̂ tɔ̂ʼnə̀ èkɛ etətə̂vè, M nə̀ fo ghò èkɛ e tsɨəve nə ò tɔʼne è vəynve. Nji pə ə chyàtə̀ ə mì esaŋnê.›

Ŋwàʼlè ə̀ Mâk 8:34

Njisə̀s ə tɔŋɔ ànɔ̂yn ə ghɨ̀ kɛ è chùmtè èpàm sə vəynse ə pìə sê ghənə nə, “Ə̀ kɔ̀ŋɔ pindè se chùmtə̀ mi, è və màʼà ngɨŋ ə vəyn ə pɨàʼà awâmnè ə vəynke ə chùmtə̀ mi.

Tom èchùŋ kè kə Lûk tè nyaʼ 12:37

Ə pɛ̀ èfɨ̀aʼ kɛsə̂ kwɨlə̂ ə fe əghɨ fɨaʼa vəyn nə ghɨyn ghe kyâʼà, ə saŋnêzè ə nyi sê ghənə. M piə sê ghàyn səmɔʼ nə, kè nâʼà vəyn sə və ngɨŋ nəyn, ə ghənə tsɨsə elùʼ e zhiəe, ə è pɨaʼte ngɨŋ ə vəyn ə è tsɛ̂se fɨazhiəe sê ghənə.

Tom èchùŋ kè kə Lûk tè nyaʼ 6:46

Kûmə̀ ghè ə ghàyn tɔŋtə kə mi nə ‘Pɛ̂, Pɛ̂pɛ,’ shîŋə̀ tèkɨ̂m, nə̂ va ghɛ zɛ m piə sê ghàyn ə?

Tom èchùŋ kè kə Lûk tè nyaʼ 9:23

Njisə̀s ə wàmnə̀ za ə se pi sê nɔ̂yn ə ghɨ kɛ ə ke pə̀yn nə, “Ə̂ kɔ̀ŋɔ̀ pìə ndè se chùmtè ə mi, è və màʼà ngɨŋ ə vəyn, ə è pɨ̀aʼà awâmnè ə vəynke kè tuʼ mè m̀kɨ̂m chûmtə̀ mi.

Njɔyn 10:27

Ndzè sɨmse nyîə zɨə kyə̀ zɨ̂m M ke səynse, se chumtə̀ Mi.

Njɔyn 13:16

M pîə sê ghàyn səmɔʼ nə wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə vəyn, ndùətom e tsɛ̀ va wùə vɛ ə è tom vəyn.

Njɔyn 14:15

Njisə̀s ə pìə kwəynsə̂ nə, “Ə ghàyn kɔ̂ŋɔ̀ mi, ə ghàyn ə ndə̂mə̀ tèsaʼ tɨmte.

Njɔyn 14:3

Mə ə M ndû fɛte mɨ̂sè, ə m kɛse pəyn nji ghàyn, kə ghàyn pəyn ə nyi ghâsènì elùʼ vɛ ə m nyi ətəyn.

Njɔyn 15:20

Kə ghàyn tə lɛse èghɛ zɛ ə m tè zaʼle sê ghàyn nə, ‘Wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə̀ vəyn.’ Ə nyi mə ə tə tsə̀fsè mi, ə nə tsə̂fsè kepî ghàyn zâ. Ə nyi mə ə tè zɨte zaʼlê zɨmze, ə nə pɔŋ zɨte zaynze.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Njɔyn 21:22

Njisə̀s ə pìə nə, “Ə M za nə è və ndamə kə ndò nâʼà kə m nə kɛse pəyn, ngəʼ zɛ̂zè nyi ghè ətə? Ò kyi ke se chùmtè ə Mi.”

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

Ŋwàʼlè ə̀ Pɔ̂l sê ghɨə Lûmghè 14:18

Mə ə ghɨə fɨaʼà sê Klâys famə endom nə vɨ̂yn, ghənə nə̂ nə Zhə̀fè ə saŋnə̂, ghɨə mɔ̀ʼɔghe e pîə nə ghənə ə nə̀yn ghɛ echûŋzè.

2 Kolìŋ 4:5

Ghɛ zɛ ə ghàs ndàʼà vachi kûmə̀ sèngɨŋ sasse, ghàs ndàʼà nə Njisə̀s Klâys nyi Pɛ̂pɛ, è kɨsè nə ghàs nyi əghɨ ghayn ghe fɨaʼaghe kûmə̀ Klâys.

2 Kolìŋ 5:8

Ghâsènì nyîə ngɛse kyi ə̀təm, kɔ̂ŋɔ̀ kə se za ewiyn vɨ̂yn se ndù sə̂ ndamə ə Pɛ̂pɛ elùʼ.

Ngàleshyà 1:10

E za tyə̀nə̀ zôyn nə, m nə̂ èghɛ zɛ ə ghɨ kyiŋə mə zɛ ə Zhə̀fè kyiŋə? E za nyi nə m nə̂ nə ghɨ ghə saŋnə mə? Ə m sè kyiŋə sə̂ nə̂ nə ghɨ ghə saŋnə̂, ə mə fɨyn va wùə è fɨ̀aʼa ə̀ Klâys.

Filìpây 1:23

M zhiynə kə ndò əfètəyn ə̀ghɛ nə ghɨ̂yn, kyiŋə nâʼà sə ŋaŋ se za achi kɨ̀yn se ndù sə̂ nyi ghasè Klâys, ə nyi èghɛ zɛ ə ze tsɔ̂fə̀ kwənə,

Kòlosè 3:24

Ghàyn e ke nə Pɛ̂pɛ tə ndaʼà ghàyn è fɨa vɛ ə è nyi mə è və ndə̀m sê ghɨ vəynghe. Ə̀ nyi sê Pɛ̂pɛ Klâys kə ghàyn fɨ̀aʼà.

Kòlosè 4:12

Ghàyn fi tɔŋtêzè mə ze ndo sê Èpafalàs mə ə̀ nyì kepî wùə mɔʼɔ̂ ə ghàyn anɔ̀yn, ə̀ nyi wùə èfɨ̀aʼa sê Klâys. È nyiə zâŋsə̀ tsə̂mə̀ se ghàyn shîŋə̀ tekɨ̂m, tsə̂m ə vəynze sê Zhə̀fè e nyi nə ghàyn ə tyəm ə ghàyn epomə̂ kə ghɨ ghɛ ə nyi mə ə ndəmə̂, e ke nə ghənə lote nyi ə̀ ghɨ epoməghe, kè endom se ngɨmnê se Zhə̀fè ə Fəynfe ekɔ̀ŋ.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

1 Njɔyn 5:3

Ə ghâsènì fɛtə kɔ̂ŋɔ̀ Zhə̀fè, ə ndə̀mə̀ elwɔ̂ŋ ə vəynve. E tɛ va se ndə̀m ə elwɔ̂ŋ ə vəynve,

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.

Etyə̂yn ə paynsêzè 14:4

Ə̀ ghɨnə nyi ə ndômnè ghɛ ə ghe tè ndəm ngɨŋ sə ghənə̂sè sə̂ nyɨ̂ŋə̀ va è zəynghe, ə faŋə kə zamə è zə ghənə̂zè. Ə̀ nyi ghənə ə tè chùmtə Va Ndzè nâʼàpî ghayn kə è tè nduə. Zhə̀fè ə tə zhɔyn fɨsê tu ə ghənə̂vè ə fètə̂ ə̀ghɨ̀ msɔ̀ŋghe ə chi, ə fo ghənə kə m̀tam mə shîəm sê Zhə̀fè è Vâ Ndzè.