Njɔyn 12:23 - Ŋwàʼlè ə̀ Fèzhə̀ Mkâyn Mə̂ Fèm

²³ Njisə̀s ə pìə sê ghənə nə, “Shîŋə̀kè ə kwəyn zôyn kə Zhə̀fè ndwise kɔyn ə Vâ Wûəkè ekwùtwəyn.

Njɔyn 12:23 ပူးပေါင်းရင်းမြစ်များ

Matyò 25:31

Njisə̀s ə pìə kwəynsə̂ nə, “Vâ wùə tə pə̂ kə fɔ̀yn è tsì sekɨ̂m yî vəyn, ə è tsɨsə ə fèkyə̂ fə efɔ̀ynfè se saʼa əghɨ.

Matyò 26:45

È və tsə̀mə̀ mɨ̂sə̀ ə kɛsə̂ ndûə sê chùmtè èpàm sə vəynse ə pfɨfə sê ghənə nə, “Piə e za nyi nə ghàyn pa tɔ̀ʼɔ̀ pɨəynə kə ndò, zɨ̂tə̀ ə? Ghàyn e ke nə shîŋə̀kè ə kwəyn e sè kyiŋə se fo Va Wùə ə ghɨ pighe əgho.

Ŋwàʼlè ə̀ Mâk 14:35

È və tɛtə̂ ndùə əshi, ə tɨmə ə̀ngwuʼ ə chi tsə̂mə̀ nə, ə ndom ətəyn nyi, kə m tsɛ tɔynê fa ekyì ètsòs vɨ̀nə.

Ŋwàʼlè ə̀ Mâk 14:41

Kə è kɛse pə̀yn, nə ə̀ nyi tèshiŋə̀ tèta, È və pìə sê ghənə nə, “Ghàyn pa pɨənə kə ndò, zɨ̂tə̀ ə? zə kwəyn. Shîŋə̀kè ə kwəyn. Ghayn fe kə, ə nə̀ pəʼlə̂ Va wùə sê ghɨ piə.

Njɔyn 12:16

Ə̀ tè nyì kə ghɛ nə ghɨyn kyàynə̀, chùmtè èpàm sə Njisə̀sè e fe kê va. Pîza kə Njisə̀s zòmə̀, ə kɛse ndùə elùʼ epomsə ə vəynve, ghənə ə ke Pɨ̀əytè nə ə̀ nyi əghɛ mə ə tə nyàʼ kûmə̀ vəyn nâʼà ə̀kɨ̂m, ghɨghe ə fɨnə nə̂ kə za sê vəyn.

Njɔyn 12:27

Njisə̀s ə fɨnə pîə nə, “Zôyn nyî, kwâʼtè zɨmze nyîə fo ètsôs sê mi nâʼà sə ŋaŋ, m ke va nə m piə nə ghe, ‘Pɨ̀a vɨ̂m, m kaʼa m pi nə kə Ò pomə nə ngəʼ zɨ̀nə pəyn sê Mìə? Pîza ə̀ nyi kûmə èghɛ nə zɨnə mə ə M tè pəyn, kə M tə tsɛ tɔynê fa ashìŋə̀ ə ngəʼ kɨ̂yn.

Njɔyn 13:1

Ə̀ tè faŋ fetuʼ kə ə zhi Zaʼatsɛze, mə Njisə̀s se ke ndò nə shîŋə̀kè ə kwəyn kə È ndo fâ mbi ə È ndu sê Pɨ̀a Vəyn. È tè nyîə kɔ̂ŋɔ̀ ə̀ghɨ ə mbi ghɛ ə ghe tè pomə sê Vəyn, È və tyə̀ynə̀ èkɔ̂ŋ ə vəyn sê ghənə se nduə fɨ ə kwùŋse.

Njɔyn 7:39

Njisə̀s tè wàmnə kûmə̀ Sezuʼ se Ŋwaʼa sɛ ə tè nyi se fo sê ghɨ ghɛ ə ghe pomə sê Vəyn. Ə̀ tè nyi zâ, Zhə̀fè nyi ndɔʼɔ fe nyiəm fo Sèzuʼ se Ŋwaʼase sê Vəyn kûmə̀ nə è tè pa nyi ndɔ̀ʼɔ È ndwise kɔyn ə Njisə̀s vè ekwùtwəyn se fo epomsê sê Vəyn.