Njɔyn 11:55 - Ŋwàʼlè ə̀ Fèzhə̀ Mkâyn Mə̂ Fèm

⁵⁵ Tuʼ mə̂ Èzaʼa tsɛ̂ mə ghɨə Njûsə̀m ə paʼsə, ghɨghe e kɔʼɔ ə Njèlusalɛ̀m, tsɨ̀ə kə nyi, se shùə se ngɨŋ sə ghənə̂sè endom vɛ lâŋ ə Mosîskè tè chwìtə, se pɨaʼtê se tuʼ fe zaʼâ tsɛfe.

Njɔyn 11:55 ပူးပေါင်းရင်းမြစ်များ

Matyò 26:1

Kə Njisə̀s tè zaʼle mɨsè ə̀ghɛ ghɨ̀yn nâʼà ə̀kɨ̂m, È və pìə sê chùmtè èpàm sə vəynse nə,

Matyò 26:2

“Ghàyn kyi sə̂ ke nə epàm mtuʼ mpɛ̀ nə̀ nə̂ nyi è zhi efɨazhi ezaʼa tsɛve. Ə̀ nyì fumə fetuʼ kə nə̀ fo tsɛsə̀ Vâ wùə ə ghɨghe əgho nə ə paynte awâmnè.”

Ŋwàʼlè ə̀ Mâk 14:1

Ə̀ tè faŋ ke m̀tuʼ mpɛ̀ kə zhi tuʼ fɛ tsì ə̀ Fèzhə̀ tè zaʼ tsɛ sè ndɛ sə ghɨə Isìlâyghè, è tuʼ vɛ kə zhi panə kwaŋ kɛ ə tè nyi mə ə paʼà ndə̀m fèsə̀ʼ ətəyn. Ghɨ kɔʼsə nə eshyə̀ engaŋtəghe yî tyə̀ynsè sə alàŋsè e sè kyiŋə èndom se nyaʼtə̂ kyiə Njisə̀s se zhwi,

Tom èchùŋ kè kə Lûk tè nyaʼ 22:1

Ə tè se nyi kə tuʼ me ghaʼa mɛ ə ghɨ tè zhiə payn ə kwaŋ kɛ ke kyi va fèsə̀ʼ ətəyn, kə m̀ tè paʼsə pə, e tɔŋtə kəpiə nə mtuʼ mè Zaʼâ tsɛ̂m,

Njɔyn 12:1

Ə̀ tè faŋ ke m̀tuʼ mtufə kə tuʼ me Zaʼâ tsɛ̂m zhəte, Njisə̀s ə ndùə ə Petanì, ə nyi tə̀ʼ ə̀ ghə̀ Lazalùs vɛ ə è zòmsè zâ.

Njɔyn 13:1

Ə̀ tè faŋ fetuʼ kə ə zhi Zaʼatsɛze, mə Njisə̀s se ke ndò nə shîŋə̀kè ə kwəyn kə È ndo fâ mbi ə È ndu sê Pɨ̀a Vəyn. È tè nyîə kɔ̂ŋɔ̀ ə̀ghɨ ə mbi ghɛ ə ghe tè pomə sê Vəyn, È və tyə̀ynə̀ èkɔ̂ŋ ə vəyn sê ghənə se nduə fɨ ə kwùŋse.

Njɔyn 18:28

Nâʼà pɨsə̀pɨsə̀, ə njîə Njisə̀s ə Kayfàs apɨəyn, ə ndùə è Vəyn ə tu apàs endaʼke ə tɔʼ. Ghɨ Njûs ə ghaʼâghè ə tàʼa nji fumə tɔʼ, kûmə̀ nə ghənə tè kyiŋə se lotə ndə̀mə sengɨŋ sə ghənə̂sè nə sə nyi èzoze ə Zhə̀fè əshi kè kə ndam endaʼze tyə̂nə̀, endom sə nyi èpɨaʼtêzè se zhi ezaʼa tsɛze.

Njɔyn 2:13

Ə tè se paʼsə̂ pə̂ ashìŋə̀ kɛ ə ghɨ ə Njûsə̀ tè nə̂ e zhiə è zaʼâ tsɛ zə ətəyn, Njisə̀s ə ke ndo ndù endaʼ ə Njèlusalɛ̀mzè.

Njɔyn 2:6

Tɔ̀ynsè tè nyì paʼsê fumə elùʼ mə ə tsof ə tə̂ chi. Ə tè nyì fumə ekyì ə sètɔ̀yn ə ghɨə Isìlâyghè tè ndə̀mə môm sə shûə èwiyn ə ghənəvè ətəyn ashìŋə̀ ə tsəməke. Nâʼàpî tɔ̀yn èkè tè kaʼa è kyi sɔ̀ʼ sə mmòse ewə̀.

Njɔyn 5:1

Epàm mə zɨ̂nə̀, Njisə̀s ə ndùə ə Njèlusalɛ̀m ə fetuʼ fə azhi ə ghɨə Njûsfè.

Njɔyn 6:4

Shîŋə̀ azhi ezaʼa tsɛke tè paʼsə pə̂ ndò.

Ətefɨ̂aʼ 21:24

Njì ndômnè ghɨ̀nə̀ ə ghâynghə̀ ghənə tsɨynte ndəm sèngɨŋ saynse è zoze, ə ndaʼà nâʼà pi ghe vɛ ə pfɨf sè ghò kə ghənə nyi kàʼa kom tu ə ghənə̂vè. Famə endom ə nâʼà pîndè ke nə səmɔʼ zhîzè va ə tə̂ èghɛ zɛ ə nyi mə ə tsàyn kûmə̀ ghò, pîza nə ò lotə̂ ndamə kè kə lâŋ ə Mosîskè tyə̀nə̀.

Ətefɨ̂aʼ 21:26

Tuʼfe komtəfe, Pɔ̂l ə njìə ə̀ghɨ ətəynghe, yighə̀ ghənə ə ndùə ndə̂mə̀ sèngɨŋ sə ghənə̂sè è zoze. Ə ke ndò ndùə ə ndɛ̂ ètsə̀mə ə tsà m̀tuʼ mɛ ə m̀ faŋ kə ghənə zose mɨ̂sè sèngɨŋ sə ghənə̂sè ətəyn, è shîŋə̀ kɛ ə nə̀ fo foze ətəyn se nâʼàpî ndè ə ghənə əfètəyn.

Ətefɨ̂aʼ 24:18

Ə̀ nyì kə m tè nə zɨnə mə kə ghənə tè pə̀yn fe mi ə ndɛ ètsə̀mə mə mə nə̀yn mɨsè ghɛ nə ghɨ̂yn. Nɔ̂yn kyîke tè va fu, tâsè zhize va kepî.

1 Kɔlìŋ 11:28

Nyiəmə, nâʼàpî ndè kyi se fɛtə kyàʼsə naynê ə ngɨŋə̂ vəyn sə shi tsɔ̀fə kə è zhi payn ə kwaŋ ətəynke ə è se mɨ fu wà.

Njə̂m 4:8

Ghàyn pə̀yn paʼse sê Zhə̀fè kə fe pə̀yn paʼse sê ghàyn. Ghɨ əghɛ piə ghɨyn! Ghàyn shù gho ghaynghe əghɛ piə! Ghàyn ghɨ kaŋkaŋə nəghe, ghàyn e kwâʼtə̀ kə ə̀ghɛ ə chûŋghè!