Njɔyn 11:41 - Ŋwàʼlè ə̀ Fèzhə̀ Mkâyn Mə̂ Fèm

⁴¹ Ghənə ə njìə tsɨ̀sə̀ èchi ətəynze. Njisə̀s ə naynə̂ kɔʼsə è Kwùtwəyn ə pìə nə, “M fo àzɔ̀ŋnè kɛke ə Pɛ̂ kûmə̀ nə ò ndamə zɨə ndò tsə̂m zɨmze,

Njɔyn 11:41 ပူးပေါင်းရင်းမြစ်များ

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Matyò 11:26

Èn ə pɛ̂, ə̀ nyi nyiə mə kə Ò tè kyiŋə nə ze kyayn.

Matyò 27:60

ə ndùə pfɨ̂mə̀ vəyn eshyə̀ mə tɨm ə fètə̂ ànayn. Shyə̂ eghaʼâ ətəynze tè nyi eshyə̂ eghaʼâ efeze kə Njosɛ̀f tè kyi. Epàm ətəyn è və chiynə èchi eghaʼâzè se fìyn echo eshyə̀ eghaʼâ ətəynze ətəyn ə ke ndò.

Ŋwàʼlè ə̀ Mâk 15:46

Njosɛ̀f ə zhɔnə àmbɛlaŋ ə koytə̂ è pfɨnə Njisə̀szè ətəyn. È və pfɨ̀mə̀ eshyə̀ zhîze mə ə tsof anayn. Epàm ətəyn è və pɨŋsə̂ èchi eghaʼazè ə fìnə̀ ècho eshyə̀ eghaʼâzè ətəyn.

Tom èchùŋ kè kə Lûk tè nyaʼ 10:21

Ə tè nyi kepî ashìŋə̀ nə kɛ, Zuʼ se Ŋwaʼase ə nə̀, Njisə̀s è saŋnə̂ nâʼà sə ŋaŋ ə ke tsə̀m nə, “Pɨ̀a vɨm, Pɛ̂pɛ vɛ ə ò saʼa wuləke è chia, m fo àzɔ̀ŋnè sê ghò kûmə̀ nə ò ndə̀tə̀ ghɛ ghɨyn sê ghɨ ghɛ ə ghənə kwâʼtə̀ nə ə tɔfə ndò ə tyə̀nə̀ sê ngou. Səmɔʼ ə Pɛ̂, ə̀ kɔ̀ŋ kê ghò se nə̀yn nyiə mə.”

Tom èchùŋ kè kə Lûk tè nyaʼ 18:13

Wùə vɛ ə è tè tənə tâksè za ə piə è tsə̀mə̀ ndò ə tyəmə kə sə aghaf ə tàʼa kɔ̀ŋ naʼapi se naynə̂ kɔʼsə̂ ekwùtwəyn pîza ə ndəmə àgho ə vəyn angàŋtè se maʼlə̀ ewiyn piə nə, ‘Zhə̀fè, kose səyn sê mi, m nyi wùə əghɛ piə!’

Tom èchùŋ kè kə Lûk tè nyaʼ 24:2

ə fe anayn kɛ ə fìyn cho èshyə̀ eghaʼâzè ətəyn, mə və pɨŋse tsɨ̂sè.

Njɔyn 11:22

Pîza, m ke ndô nə pî zôyn, ə Ò pfɨf nâʼàpî ghè sê Zhə̀fè, ə fe nəyn ke kə ə Ò pì.”

Njɔyn 17:1

Ə pə̀ kə Njisə̀s wàmnè mɨ̂sè ghɛ nə ghɨ̂yn ə naynə̂ kɔʼsə̂ è kwùtwəyn ə tsə̀mə̀ nə, “Pɛ̂, shîŋə̀kè ə kwəyn zôyn. Fo pomsê ekayntəze sê Vayn vɛ, kə Vayn vɛ̂vè fo pomsê ekayntəze sê Ghò,

Njɔyn 20:1

Nâʼà pɨsə̀pɨ̂sə̀ ə Sɔndè, lɨmke e pa fɨ̂mə̀, Mèli Màkndàlɛ̂n ə ndò ndûə ə Njisə̀s eshyə̀ eghaʼâzè ə fe mə ə pɨŋsê tsɨ̂sè naynke echo èshyə̀.

Ətefɨ̂aʼ 7:55

Shìtifɨ̀yn tè nyi mə è və lwiyn è Zuʼse Ŋwaʼase. È və naynə̂ kɔʼsə ndùə ekwùtwəyn ə fe èpomsê ə Fezhə̀zè, ə fɨnə fe Njisə̀s, È ve tyəm apàs ekɔyntwɔ ə Fezhə̀kè.

Filìpây 4:6

Kə ghàyn fɨyn kayn mbi kûmə̀ èghɛ. Ghàyn e pɨlə tsə̂mə̀ kə ndò, ndɔnə nâʼàpî ghè sê Zhə̀fè kə ghàyn kyiŋə. Ə ghàyn tsə̀mə̀, ghàyn e fo àzɔ̀ŋnè sê Vəyn.