Njɔyn 11:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Pîza kə Njisə̀s zɨ tom ə̀təyn ə pìə nə, “È zafə pi za, va se nə kwu. Zaf ətəynze pə̂yn kê nə Zhə̀fè tyəyn pomsê ə vəynze, è kɨsè nə Va Fèzhə̀ kyi pomsêzè.”

Njɔyn 11:4 ပူးပေါင်းရင်းမြစ်များ

Njɔyn 10:38

Pîza, ə M nə̂ fɨ̂aʼ ətəyn, ghàyn ə tàʼa pomə pì sê Mi, ghàyn ə pomə̂ ə̀ghɛ ghɨm ghe nəghe, endom kə ghàyn ke kwəynsê sə eshìŋə̀ ekwuŋsəze nə Pɨ̀a nyì ghasè Vəyn, M nyi ghasè Pɨ̀a kə ghè tə ghayn.”

Njɔyn 11:40

Njisə̀s ə pìə sê vəyn nə, “Piə mə fə pì sê ghò nə ə ò pomə, ə ò fe pomsê ə Fezhə̀zè ə?”

Njɔyn 12:28

Pɛ̂! tyə̀yn pomsêzè sê zə zɛze.” Kè nyi, kyə̀ ə fɨ ekwùtwəyn ə pìə nə, “M se nyi mə mə tyə̀n pomsê zɨmze, nyi se fɨnə tyə̀ynə kwəynsê.”

Njɔyn 17:1

Ə pə̀ kə Njisə̀s wàmnè mɨ̂sè ghɛ nə ghɨ̂yn ə naynə̂ kɔʼsə̂ è kwùtwəyn ə tsə̀mə̀ nə, “Pɛ̂, shîŋə̀kè ə kwəyn zôyn. Fo pomsê ekayntəze sê Vayn vɛ, kə Vayn vɛ̂vè fo pomsê ekayntəze sê Ghò,

Njɔyn 17:10

Nâʼàpî àkè kɛ M kyi nyi Kɛke, nâʼàpî àkè kɛ ə Ò kyi ə̀ nyi Kɨmke. Mə kyî pomsê ekayntəze kûmə̀ ghənə.

Njɔyn 17:5

Pɛ̂! fo mi èpomsê ekayntəze zôyn, kèpî èpomsê ekayntə zɛ ə M tè kyi ghasè ghò tsɔ̀fə kə pom mbi.

Njɔyn 2:11

Njisə̀s tè nə̀yn eghɛ e kaynte ə vəyn zə shi nə zɨ̂nə̀ endaʼ ə Kanà apàs endaʼ ə Ngalìlîkè. Ə̀ nyì fumə kə è tè tyə̀yn paynsê èpomsê ə vəynze, chùmtè èpàm sə vəynse ə pomə̂ sê vəyn.

Njɔyn 5:23

È nəyn nyi kə ghɨghe əkɨ̂m ə ngɨmnə̂ Vayn kè eghɨ kə ə ngɨmnə Pɨ̀a. Nâʼàpî ndè vɛ ə è ngɨmnə va Vayn, vayn kàʼa è ngɨmne Pɨ̀a vɛ ə È tom Vâ ə̀təyn.

Njɔyn 8:54

Njisə̀s ə pə̀ynsə̀ nə, “Ə M fe kɔʼsə ngɨŋ Zɨ̂m, mə kɔʼsê ətəynze tyə̂nə̀ va ghɛ zhîze. Ə̀ nyi Pɨ̀a Vɨm kə È nə̀ nə Mə kyi èkɔʼsê, ə Vɛ ə ghàyn pìə nə ə̀ nyi Pɨ̀a vàyn.

Njɔyn 9:24

Ghənə ə fɨnə tɔŋɔ wùə vɛ Njisə̀s tè tsuʼ nə ə nyi teshìŋə̀ tèpɛ̀, ə pìə sê vəyn nə, “Pì səmɔʼ ə Zhə̀fè ezə, ghàs nyîə ke nə wùə vɛ ə È tsuʼ ghô nyi wùə ə̀ghɛ epighe.”

Njɔyn 9:3

Njisə̀s ə pə̀ynsə̀ nə, “Fôf ə vəynze kyi va ghɛ zhîze se nə̀yn è pisə vəynse, pî zə pɨa, pî zə nyì. Zɨnə kyayn kə tyaʼa Fezhə̀kè fɨ̂aʼ tɔynə̂ ə vəyn ewìyn.

Ŋwàʼlè ə̀ Pɔ̂l sê ghɨə Lûmghè 11:11

M pfɨfə kəpî nə, shîŋə̀ kɛ ə ghɨə Njûsghè tè tɨm ghol ə ghənə̂ghè ə pfɨ̀ə, ghənə tè pfɨ̀ faŋ ke ndò mə? E va za nâʼà səkɔs! Ə̀ tè nyi kə ghənə nə̂yn pi, Zhə̀fè ə kwàʼtə̀ ə̀ghɨ ghɛ ə̀ vachi ə̀ghɨ Njûsghè ə fo esɔzaze sê ghənə. Fe tè nəyn nyî kə ghɨ Njûsə̀ kɛse ə ghəʼə̀ ə̀ghɨ ghɛ ə̀ va əghɨ ə Njûsə̀.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Filìpây 1:20

Ghɛ e ghaʼà zɛ ə ze nyi ə mì ətəm zôyn, è zɛ m kyiŋə se nə̀yn nyì ke nə kə m tə nəyn èghɛ ə mì efɨ̀aʼ se Zhə̀fè mə ze kaʼa ə ze pəyn èghomə̂zè. Pîza m pɨlə kyiŋə nə nâʼàpî ashìŋə̀ àkè kɛ m nə̂ fɨaʼa təynze, se zhə̀tə ndù zôyn, nə mə nə̂ zeynze fanə̀ va ghɛ zhîze se fo èkɔʼsê sê zə Klâyszè. Ə̀ zɨnə nyi eghɛ zɛ m kyiŋə se nə̀yn, kɨ̀sə m tɛ ndô kɨ̀sə m kwu ndô.

1 Pità 1:21

Ə̀ nyi kûmə̀ Klâys nə vɨ̂yn ə ghàyn pomə sê Zhə̀ fɛ ə fe tè zômsè vəyn, ə ndə̀mə̀ vəyn elùʼ engaŋtəve, ghɛ ətəynze e nə̂, ghàyn e kyi èkyî epomə̂zè, è kɨsè kwaʼtè elɨmtəze sê Zhə̀fè.

1 Pità 4:11

Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.

1 Pità 4:14

Ə ghɨ sôylə̀ ghàyn kûmə̀ nə ghàyn nyi sechùmtè sə Klaysè, ghàyn e saŋnə kə ndò kûmə̀ nə zɨ̂nə mə tyə̂nə̀ nə Zuʼsə Fezhə̀ sɛ ə se kyi tyaʼke nyîə nyi è ghàyn.