Njɔyn 11:28 - Ŋwàʼlè ə̀ Fèzhə̀ Mkâyn Mə̂ Fèm

²⁸ Ə pə̀ kə Maltà pì zɨnə mə, e və kɛsə̂ ndûə ə nyaʼtə̂ tɔŋɔ ànyìə vəyn Mèli ə pìə sê vəyn nə, “Tyə̀ynsè ə pə̀yn pfɨfə ghò.”

Njɔyn 11:28 ပူးပေါင်းရင်းမြစ်များ

Matyò 26:18

È və pìə sê ghənə nə, “Ghàyn nji ndu sê wùə vîvè endaʼ ə ghàyn tsayn sê vəyn nə, ‹Tyə̀ynsè pi nə shîŋə̀ kɨmke ə pə̀yn, chùmtè èpàm sɨmse è mi nə̀ zhiə èfɨazhiə ezaʼa tsɛve ə ghò əndɛ.›”

Ŋwàʼlè ə̀ Mâk 10:49

Njisə̀s ə tyəmə̂ ə pìə nə, “Ghàyn tɔŋɔ pəyn vəyn sê mi.” Ghənə ə tɔŋɔ wùə èfòfə ə̀təyn ə pìə sê vəyn ashìŋə̀ nə kɛ nə, “Kə ò fayn. Ndwi pə. È tɔŋɔ ghò.”

Ŋwàʼlè ə̀ Mâk 14:14

Ghàyn pi sê pɛ̀ ndɛ vɛ è ndù nji ətəyn nə, ‘Tyə̀ynsè pfɨf nə, Lôm ə̀ ndɛ ə̀ghɨ motə pə zâyn ə ghasè chùmtè èpàm sɨmse zhi fɨazhiə ezaʼa tsɛve ə tə?’

Tom èchùŋ kè kə Lûk tè nyaʼ 22:11

ə piə sê pɛ ndɛ nə vɛ nə, ‘Tyə̀ynsè pfɨf nə, Lôm ə ndɛ ə̀ ghɨə motə pə zɛ zàyn kə m zhi fɨazhiə ezaʼa tsɛe ətəyn ghasè chùmte pam sɨmse ə?’

Njɔyn 1:41

Kè sə ashìŋə̀, è və kyiŋə ànyì ə̀ vəyn ə pìə sê vəyn nə, “Ghàs ə fe sɔ̀zà mə za nyi vɛ ə nyi mə ə chɔʼ.’” (Mə za nyi Klâys)

Njɔyn 1:45

Filìp ə fe Nàtanyèl ə pìə sê vəyn nə, “Ghàs ə fe wùə vɛ Mosîs tè nyaʼ kûmə̀ vəyn ə ŋwàʼlè àlâŋ nə, ə̀ nyi kepî vɛ ə fɨ̀aʼtèsè tè nyaʼ kûmə̀ vəyn. È nyi Njisə̀s vɛ ə è ndò pə̂yn endaʼ ə Nazalɛ̀tzè, mə nyi vâ Njosɛ̀f.”

Njɔyn 10:3

Wùə vɛ ə è tsɨ̀ŋnə̀ cho mbàyn nə zɛ ə è chwi cho əndɛve sê vəyn. È tɔŋɔ nâʼàpî ndzè èkè kə zə̂ynzè ezə, è və njìə fɨə è səynse.

Njɔyn 11:20

Kə Maltà tè zɨ nə Njisə̀s pə̀ ndò ə fɨə ndûə se njiə vəyn endom, Mèli ə faŋa kə ə ndɛ.

Njɔyn 11:29

Kə Mèli zɨ, ə zàŋsə̀ fɨə ndûə se kwəynê yî Njisə̀s.

Njɔyn 11:30

Njisə̀s e pa nyi ke elùʼ vɛ ə Maltà tè kwəyne yî vəyn ətəyn endom, ndɔ̀ʼɔ è nyiəm nji əfètəyn èndaʼ.

Njɔyn 13:13

Ghàyn tɔŋtə̂ mi nə tyə̀ynsè, fɨnə tɔŋtə̂ nə Pɛ̂pɛ, e nyi ke nâʼà səmɔʼ kûmə̀ nə ə̀ lote nyi àfɨa kɛ m nyi kəynke.

Njɔyn 20:16

Njisə̀s ə ke tɔŋtə vəyn nə, “Mèli!” Mèli ə feʼtə̂ naynə̂ Njisə̀s ə pɨa pîə ewàmnè ə Ipilò nə, “Làponi!” (Mə e tyə̂nə̀ nə, “Tyə̀ynsè.”)

Njɔyn 21:7

Chùmtè èpàm ə̀ Njisə̀s zɛ ə È tè ngəsə̂ kɔ̂ŋɔ̀ zâ, ə pìə sê Pità nə, “Wùə vîə nyì zâ, ə̀ nyi Pɛ̂pɛ!” Ə pə̀ kə Shimuyn Pità zɨ zâ, ə njìə fèpfɨ̂ fə vəynfe ə màʼa ə vəyn ewìyn, (kûmə̀ nə, è tè nyi mə è və chɔʼ ndəm), ə tânə̀ ə tsô.

1 Tèsàlonikà 5:11

Kûmə̀ nyî m pìə nə, ghàyn e fo ə̀təm ə tɛ sê ngɨŋ saynse, tsâmtə̀ kəpî sèngɨŋ saynse kè kə ghàyn nə̀ zôyn.

Ipilù 12:12

Ghàyn e tɛ, kyi ə̀təm ə tɛghe, kə ghɨ ghɛ ə ndwisə̀ kɔyntə ghənə̂tè ekwùtwəyn mə ghənə pɔ. Ə ndam zaynze ə sezuʼze kɛse pəyn kè eghəs kə afɨəyn kɛ ə ke nyi mə kə ndəm ə pofə kɛsə tɛ ətəyn.