Njɔyn 11:27 - Ŋwàʼlè ə̀ Fèzhə̀ Mkâyn Mə̂ Fèm

²⁷ Maltà ə pomə ə pìə nə, “M pomə̂ ndò ə Pɛ̂ nə ò nyi vɛ ə chɔʼ ndə̂m, mə za nyi Va Fèzhə̀ vɛ ə Zhə̀fè tè tsɨ̀ne nə È tə pə̂ ə mbi.”

Njɔyn 11:27 ပူးပေါင်းရင်းမြစ်များ

Matyò 11:3

È və pìə nə ghənə pfɨf sê Njisə̀s nə, “Tsàyn sê ghàs” Ə̀ nyì ghô vɛ ə Zhə̀fè tè pi nə è nə̀ tomə ndò mə ghàs ə lɨmtə̂ wùə ndò ə?

Matyò 16:16

Shimùyn Pità ə pìə nə, “Ò nyi vɛ ə chɔʼ ndə̂m, ə Va Fèzhə̀ fɛ ə fe ndamə.”

Matyò 16:20

Njisə̀s ə fo fɨ̀as sê chùmtè èpàm sə vəynse nə kə ghənə tsayn sê wùə nə zhi nyi vɛ ə chɔʼ ndə̂m.

Tom èchùŋ kè kə Lûk tè nyaʼ 2:11

Ə̀ piə Tsàmtè se ghàyn ndâyn ə tɔ̂ŋ ə̀ Ndàfît, ə̀ nyi Klâys Pɛ̂pɛ.

Njɔyn 1:49

Nàtanyèl ə pə̀ynsə̀ nə, “Tyə̀ynsè Ò nyì ke nâʼà Vâ ə̀ Fèzhə̀! Ò nyi fɔ̀yn ə̀ Isìlây!”

Njɔyn 4:42

Ghənə ə pìə sê wùzhɔyn nə vɛ nə, “Ghasə pomə se Njisə̀s zôyn, ə va chi kûmə̀ èghɛ zɛ ə ò pì, kûmə̀ nə ghàs è ngɨŋ sas se ə zɨ zaʼlə ə Vəyn, ə kê səmɔʼ nə È lote nyi Sɔ̀zà ə̀ mbi.”

Njɔyn 6:14

Kə ghɨ ghɛ ə tè nyì fu tè fe ghɛ ekaynə zɛ ə Njisə̀s tè nəyn, ghɨ ətəynghe ə pìə nə, “Səmɔʼ ə̀ vɨ̀nə nyì ke nâʼà Fɨ̀aʼtè vɛ ə tè tsɨ̀ne nə è tə pə̀ ə mbi”

Njɔyn 6:69

Mə zôyn, ghàs pomə̂ ndò ke nə ə̀ nyì ghô wùə è Ŋwaʼa vɛ ə è ndò pə̂yn sê Zhə̀fè.”

Ətefɨ̂aʼ 8:36

Ghənə e sè kwîə ndûə ə ndùə zaʼâ elùʼ vîve, ə fe m̀mo, wùə nə vɛ ə pìə sê Filìp nə, “Fe kə mômə. Ò vayn kàʼa ò fo mi èmôm zôyn kûmə̀ ghè?”

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.