Njɔyn 11:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Njisə̀s ə pìə sê vəyn nə, “Ə̀ nyi Mi è zomsêzè, ə̀ nyi Mi èndamze. Ghɨ ghɛ ə pomə se Mi nə̀ ndamə, pi kə ghənə nyi mə ə kwu.

Njɔyn 11:25 ပူးပေါင်းရင်းမြစ်များ

Tom èchùŋ kè kə Lûk tè nyaʼ 23:43

Njisə̀s ə pìə sè vəyn nə, “M pìə se ghò səmɔʼ nə, ghasè ghò nə̀ nə̂ ə nyi ke nâʼà endaʼ echûŋə ə Fèzhə̀ ze ndàyn əmɔʼ.”

Njɔyn 1:4

Ndam ze ekɨ̂m ndô pə̂ sê Kyə̀ ə̀təyn, ə̀ nyi èndam ətəynze ə ze pə̂yn èpayn sê ghɨ ghəkɨ̂m.

Njɔyn 14:19

Ə môtə̀ kə nyi, ə mbi ə fɨnə fe va Mi, pîza ə ghànə fe Mi. Kûmə̀ kə m tə ndamə, ghàyn tə pɔŋɔ ndamə ndò.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 3:16

kə Zhə̀fè tè kɔ̀ŋə tsɛsə̀ mbi, ə fo Vâ ə̀ Vəyn mə è tè nyì ke èmɔ̀ʼ kə nâʼàpî ndè vɛ ə è pomə sê Vəyn tə tàʼa kwu pîza ə è kyi ndam zɛ ə ze tə mîə va.

Njɔyn 3:36

Ə̀ ndə̀m pîndè təmə və sê vayn nə vɨ̂yn, ə è kyi ndam zɛ ə ze tə mîə va, mə ə̀ tə pîndè se nə̀yn eghɛ zɛ ə è pì, ə è tə tàʼa kyî endam zɛ ə ze tə mîə va, pîza ə Zhə̀fè tə pa poynsê Vəyn.”

Njɔyn 5:21

Kè kə Pɨ̀a zòmsə̀ ghɨghe, È və fo ghənə è ndamze, eghɨ kèpî famə endom, Vayn fo kəpî èndam sê nâʼàpî ndè vɛ È kɔ̀ŋɔ̀ se fo endam.

Njɔyn 5:26

Kè kə Pɨ̀a è ngɨŋə̂ Vəyn nyi eluʼ vɛ ə ndame ndô ətəyn, ə̀ nyì kepî famə endom ə È nə̀yn nə Vayn ə nyi eluʼ vɛ ə ndame ndô ətəyn.

Njɔyn 6:35

Njisə̀s ə pìə sê ghənə nə, “M nyi apayn ə kwaŋ kɛ ə ke fo ndam zɛ ə ze tə mîə va. Ghɨ ghɛ ə ghe pə̂yn sê Mi, chɨ̀ŋ tə fɨnə zafə va ghənə, ghɨ ghɛ ə pomə sê Mi, ə tɔŋə pfɨŋve tə tàʼa zaf ə ghənə.

Njɔyn 6:44

Ghɨ vayn kaʼa pəyn sê Mi ə̀ tsɛ̂ kə va mə Pɨ̀a vɛ è tom Mi nji pə̂yn ndò ghənə sê Mi, ə M tə zomsè ghənə ə fetuʼfe kwuŋsəfe.

Ətefɨ̂aʼ 3:15

Ghàyn ə nə̀, ə zhwiə wùə vɛ ə è pə̂ endam ə səmɔʼze sè ghɨghe, pîza Zhə̀fè ə nə̀, È və zòmə̀. Ghàs nyi setsɛ̀ èsaʼ eghɛ nə zɨ̂yn.

Ŋwàʼlè ə̀ Pɔ̂l sê ghɨə Lûmghè 4:17

Ə nyàʼ ə Ŋwàʼlè ə Fèzhə̀ nə Zhə̀fè tè pì sê Aplàghâm nə, “Mə nə̀yn nə o nyi pɨ̀a sê ndaʼà tekɨ̂m.” Nyiəmə Aplàghâm pɨ̀a ghâsènì ə Zhə̀fè əshi. Zhə̀ fɛ ə Aplàghâm pomə nyi Fezhə̀ fɛ ə Fe fo ndamze sê ghɨ ghɛ ə nyi mə ə kwu, ə̀ nyi Fəynfe ə Fe pîə ghɛze mə ze va, ze ə kyànə̀.

Ŋwàʼlè ə̀ Pɔ̂l sê ghɨə Lûmghè 8:2

Kûmə̀ nə lâŋ ə se zuʼ kɛ ə ke pə̂ ghâsènì èndamze kə ghâsènì nyì sə afɨa àmɔ̀ʼ è Njisə̀s Klâys, ə fɨsê mi ə alàŋ ə ghɛ pighe è kwuze.

1 Kɔlìŋ 15:18

Ə zə tyə̂nə̀ kəpi nə ghɨ ghɛ ə nyi mə pomə̂ se Klâys, mə kwu nyi mə ə njìsè.

1 Kɔlìŋ 15:29

Ezhoghɛ e nyi nə ghɨ tə zômə̀ va səmɔʼ, əghɨ etɛghe ə fiə zàyn mômè əghɨ kwutəghe elùʼ, ə tɔf ətəynze ə nyi nə ghe ə? Ezhoghɛ ə ze nyi nə tə zômsə̀ va ghɨ, əghɨ ghə fiə m̀mo əghɨ kwutə nə ghɛ elùʼ kûmə̀ ghè ə?

2 Kolìŋ 4:14

Ghàs ke ndô nə Zhə̀ fɛ ə Fe tè zòmse Pɛ̂pɛ Njisə̀s, tə ndwîsə̀ kəpî ghàs è Njisə̀s, ə pəyn è ghàs, paʼsə̂ kə è ghàyn ə Və ngwùŋ.

Filìpây 1:23

M zhiynə kə ndò əfètəyn ə̀ghɛ nə ghɨ̂yn, kyiŋə nâʼà sə ŋaŋ se za achi kɨ̀yn se ndù sə̂ nyi ghasè Klâys, ə nyi èghɛ zɛ ə ze tsɔ̂fə̀ kwənə,

Filìpây 3:10

M kɔ̂ŋə̀ se kê ə Klâys, kyiŋə se kyî atyaʼ kɛ ə è tè kyi kə è tè zòmə. M kyiŋə sə̂ pa zɨə kə ngəʼ eghɨ kə è tè zɨə. M kɔ̂ŋə̀ se kyiə kəpì etsôs vɛ ə è tè kyi, se zaʼâ kə ə zhwi kepî mi kə tè zhwi Vəyn.

1 Tèsàlonikà 4:14

Ghâsènì pomə̂ ndò nə Njisə̀s ə tə kwu ə kɛsə̂ zômə̀, fɨnə pomə̂ nə Zhə̀fè tə nə̂ ə ghɨ ghɛ ə tè kwu mə ə pomə se Njisə̀s ə pəyn ə nyi yî ghə̀ Njisə̀s.

Etyə̂yn ə paynsêzè 1:18

ə vɛ ə È Fo Ndamze, mə tə kwu, zôyn, fekə m nyîə ndamə nâʼà kə ghè tə ghayn. M nyi vɛ È ə è pì nə zhi tè kwu ə kɛsə̂ sè ndamə, nyi sə̂ nyi ke ndò sə teshìŋə̀ tekɨ̂m! Zôyn m kyi ndô tyaʼke se chɔʼ eluʼ vɛ ə ghɨə kwuəghe nyi ətəyn se nə̀yn nə ghənə kɛse pəyn endam.

Etyə̂yn ə paynsêzè 20:5

Ghɨə mɔ̀ʼɔ ghəkɨ̂m ghɛ ə tè kwu, tə zômə̀ va se zaʼâ kə pìŋ nə sɨ̂nə̀ kam mi. Zɨnə mə nyi ezomə̀ ə shi zɛ ə ghɨ tə zòmə̀.

Etyə̂yn ə paynsêzè 21:4

Fe tə zə̂sə̀ m̀shi nâʼà m̀kɨ̂m ə ghənə shi. Kwuze tə pə̂ ə ze ə fɨyn va, tɨ̂l ətəmze e va, chîze va, fɨake nə fɨnə zafə va wùə kûmə̀ nə ghɛ ə mɨ ghə tsɛ̀.”

Etyə̂yn ə paynsêzè 22:1

Tsì ə̀təyn ə ke chwìtè ə tsò èghaʼâ m̀mò sê mi zɛ ə è fo ndamze, mô mə tə̂ynmè e nyaynə̂ kə anâynè ə ke panə tɔynə, mə m̀ fɨə pə̂ etyə̂ ə̂ fekyə̀ fə efɔ̀yn fɛ ə Zhə̀fè tsɨs ətəyn yî Vâ Ndzè,

Etyə̂yn ə paynsêzè 22:17

Zuʼse yî Zhwìə ndom pi nə, “Pə.” Naʼapi ndè vɛ ə è zɨ ghɛ zɨ̂nə̀ kyi kepî ndò se pì nə, “Pə.” Ə pfɨ̀ŋ m̀mò zuʼsə nâʼàpî ndè e kyiŋə se mɨ mmo, è və pə̀ fiə m̀mo mɛ ə m̀ fo ndamze, ə mɨə səndô.