Njɔyn 10:32 - Ŋwàʼlè ə̀ Fèzhə̀ Mkâyn Mə̂ Fèm

³² Njisə̀s ə pìə sê ghənə nə, “Mə nə̀yn ghɛ ə chûŋə̀ setsɨ̀ ə ghanə shi kə Pɨ̀a Vɨm fo tyaʼa nə M nəyn, famə əfètə̂ ə̀ghɛ, ə̀ nyi zɨ̂yn zə ə ghàyn kyiŋə se tɨmnə̂ Mi sə tə?”

Njɔyn 10:32 ပူးပေါင်းရင်းမြစ်များ

Matyò 11:5

Tsàyn sê vəyn nə, fòfvè kàʼa ve fe, m̀ngə̂s e kwîə, ghɨ akwùsghè e tɛ. Ghɨ ghɛ ə tè nyi mə ə kwùʼ e zɨə ə̀ghɛ, ghɨ ghɛ ə tè nyi mə ə kwutê è kɛsə̂ ndwîə, e ndàʼà tom èchùŋ sê ghɨ afɨfə.

Njɔyn 10:25

Njisə̀s ə pə̀ynsə̀ nə, “M nyi mə mə kàynè tsayn sê ghàyn pîza ghàyn ghe tàʼa pomə̂. Ghɛ ə kayntə ghɛ ə M nə̂ ə Pɨ̀a Vɨm və ezə, nyi ghəynghe ə ghe tsâ kûmə̀ Mi.

Njɔyn 10:31

Ghɨ nə ghɛ ə se fɨnə komtə̂ əchi se tɨmnə̂ vəyn ətəyn.

Njɔyn 10:33

Ghənə ə pìə sê Vəyn nə, “Ghàs kyiŋə va se tɨmnə̂ ghò kûmə̀ ə̀ghɛ ə chûŋ ghɛ ə Ò nə̀yn. Pîza, ghàs kyiŋə se tɨmnə̂ ghò kûmə̀ nə Ò mɔ̀msə̀ se pì nə Ò nyi Fezhə̀.”

Njɔyn 10:37

Ə M nə̂ va fɨ̂aʼ zɛ ə Pɨ̀a Vɨm tom nə M nəyn, kə ghàyn pomə sê Mi.

Njɔyn 5:36

Pîza, M kyi ndô tsɛ̀ èsaʼ è tsɨ̂ə tsɛ vɛ Njɔyn tè kyi. Fɨ̂aʼ tɛ M nə̂, mə nyi tefɨaʼ tɛ ə Pɨ̀a Vɨ̂mvè tè fo nə Mə nə̂, fɨ̂aʼ tə təynte wâmnə̀ ndò ə Mì azhəm chwîtə̀ nə ə̀ Mi tè tom Pɨ̀a.

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Ətefɨ̂aʼ 2:22

Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

1 Njɔyn 3:12

Ghâsènì kyi va sə̂ nyi kə Kên. È tè nyi wùə ə̀ ndə̂plè, ə zhwiə ànyìə vəyn. È tè zhwi vəyn kûmə̀ ghè? Kûmə̀ nə Kên tè nyiə ndamə nə̂ ə̀ghɛ ə pighe, ànyìə vəyn e nə̂ ghɛ ə ghe tè nyi chichi ə Zhə̀fè ə shi.