Njɔyn 10:28 - Ŋwàʼlè ə̀ Fèzhə̀ Mkâyn Mə̂ Fèm

²⁸ M fo ghənə èndam zɛ ə ze tə mîə va, mə ndzè sə təynse tə kwuə va. Mə wùə vayn kaʼa è kyi fi səynse ə Mì əgho.

Njɔyn 10:28 ပူးပေါင်းရင်းမြစ်များ

Ŋwàʼlè ə̀ Mâk 13:22

Ghɛ ə kaŋkaŋə pîə nə ə nyi vɛ Zhə̀fè chɔʼ ndə̀m, è ghɛ ə kaŋkaŋə pîə nə ə nyi sèfɨ̀aʼtè, tə fɨə mtuʼ nə mɛ. Ghənə tə nə̀ ə tyəynə̀ sèchwìə, fɨnə nə̂ əghɛ ə kayntəghe. Ghənə tə nə̂ nyiə se kyìŋsə nâʼàpî ə̀ghɨ Fèzhə̀ ghɛ ə Zhə̀fè chɔʼ, ə ghənə kyi ndom ətəyn.

Tom èchùŋ kè kə Lûk tè nyaʼ 23:46

Njisə̀s ə chîə nâʼà è kyə̀ etɛ ə piə nə, “Pɛ, m fo àzhwìsè kɨmke ə ò gho!” È və wamnə̀ pə̂ nyi ə tɨmə àzhwìsè ə kwûŋsə̀ a.

Njɔyn 10:29

Ghɨ ghɛ ə Pɨ̀a Vɨm fo sê Mi nyîə ngaŋtə̂ tsɛ nâʼàpî ghè, mə wùə vayn kyiə fiə ghənə ə Pɨ̀a Vɨ̂mvè ə gho.

Njɔyn 11:25

Njisə̀s ə pìə sê vəyn nə, “Ə̀ nyi Mi è zomsêzè, ə̀ nyi Mi èndamze. Ghɨ ghɛ ə pomə se Mi nə̀ ndamə, pi kə ghənə nyi mə ə kwu.

Njɔyn 14:19

Ə môtə̀ kə nyi, ə mbi ə fɨnə fe va Mi, pîza ə ghànə fe Mi. Kûmə̀ kə m tə ndamə, ghàyn tə pɔŋɔ ndamə ndò.

Njɔyn 17:2

kè kə Ò nyi mə O fo tyaʼa sê Vəyn e tùə ghɨ ə̀kɨ̂m kə È nəyn, ə ghɨ ghɛ ə O fo sê Vəyn kyi ndam zɛ ə ze tə mîə va.

Njɔyn 18:9

È və pìə nyi kə ghɛ zɛ ə È tè pì sê Pɨ̀a Vəyn kwəyn nə, “Pɛ̂, M tè pâʼà njìsè maʼà nâʼà wùə èmɔ̀ʼ əfètə̂ ə̀ghɨ̀ ghɛ ə Ô tè fo sê Mi.”

Njɔyn 3:36

Ə̀ ndə̀m pîndè təmə və sê vayn nə vɨ̂yn, ə è kyi ndam zɛ ə ze tə mîə va, mə ə̀ tə pîndè se nə̀yn eghɛ zɛ ə è pì, ə è tə tàʼa kyî endam zɛ ə ze tə mîə va, pîza ə Zhə̀fè tə pa poynsê Vəyn.”

Njɔyn 4:14

Pîza, ghɨ ghɛ ə mɨ mô mɛ m nə̀ fo sê ghənə tə fɨnə kyîə va pfɨ̀ŋ ə̀ m̀mò. Mo mɛ M nə̀ fo sê ghənə nə̀ nə̂ mə nyi ə ghənə ə fètəyn kə tɔŋ m̀mò zɛ ə è zomə tsɛ̂ va. Mo mə təynmè nə̀ fo ghənə èndam zɛ ə ze tə mîə va.”

Njɔyn 5:24

M pîə sê ghàyn səmɔʼ nə nâʼàpî ndè vɛ ə è zɨə ghɛ zɨme ə pomə̂ sê Vəyn vɛ ə È tom Mi, kyi ndam zɛ ə ze tə mîə va. Ə tə saʼa va vəyn, pîza mə e və kàynè tsɛ elùʼ ekwu ə njiə elùʼ endam.

Njɔyn 6:27

Kə ghàyn nə fɨaʼa sê fɨazhiə vɛ ə ve pofə, ghàyn è pɨlə fɨaʼà sê fɨazhiə vɛ ə ve kyi ndam zɛ ə ze tə mîə va. Ə̀ vɨnə nyi efɨazhiə vɛ ə Vâ Wùə tə fo sê ghàyn kûmə̀ nə Zhə̀fè, mə za nyi Pɨ̀a, nyi mə È və ndə̀m chwìə èfɨ̀aʼa ə Vəyn wìyn.”

Njɔyn 6:37

Nâʼàpî ndè vɛ ə Pɨ̀a Vɨ̂m fo sê Mi nə̀ pə̂ se Mi. M vayn kaʼa M tə chum kɛsê nâʼàpî ndè vɛ ə è pə̀yn sê Mi.

Njɔyn 6:47

M tsâ se ghàyn səmɔʼ nə, vəyn vɛ è pomə kyi endam mə ze tə mîə va.

Njɔyn 6:68

Shimuyn Pità ə pə̀ynsə̀ nə, “Se fɨnə ndù sê ndè ə Pɛ̂? Ò nyiə kyi èwâmnè zɛ ə ze nə̂ nə wùə ə kyi èndam zɛ ə ze tə mîə va.

Ətefɨ̂aʼ 7:59

Ghənə ə faŋa sè tɨmnə̂ kə ndò Shìtifɨ̀yn, è ve tsə̂mə̀ ə pìə nə, “Pɛ̂pɛ Njisə̀s, njì zuʼ sɨmse.”

Ŋwàʼlè ə̀ Pɔ̂l sê ghɨə Lûmghè 5:17

E nyi nə pi zɛ wùə èmɔ̀ʼ tè nəyn, ə nə̀yn ghɨghe əkɨ̂m e nyi etyə̂ àtyaʼ ekwuke. Pîza ghɛ zɛ ə wùə mɔʼɔ èmɔ̀ʼ nə̀yn nyiə ngəs kyi àtyaʼ. Zɨnə mə tə nə̂ əghɨghe əkɨ̂m ghɛ ə ghe nyi mə fi fùʼ ə Fezhə̀ ə tsɨəghe, tə pə̂ ə nyi choze emɔ̀ʼ yîghə̀ Zhə̀fè, ə kyi ndam zɛ ə ze tə mîə va, ə fɨave ekɨ̂m ə nyi ə ghənə etyə̀.

Ŋwàʼlè ə̀ Pɔ̂l sê ghɨə Lûmghè 5:2

Ə̀ chwi vəyn èndomve sê ghâsènì ətə epomə̂ zɛ ə ghâsènì kyi, ze nə̂ nə ghâsènì ə ke àfùʼ ə Fezhə̀kè. Nyiəmə ghâsènì saŋnə̂ nâʼà sə ŋaŋ kûmə̀ nə ghâsènì kyi ndô kwâʼtèzè nə ə tə kyîə èpomsê ə Fezhə̀zè.

Ŋwàʼlè ə̀ Pɔ̂l sê ghɨə Lûmghè 5:21

Nyiəmə, kə pi kyi tyaʼke se pə̀yn kwuze, ə̀ nyi kepî zamə kə fùʼ Fezhə̀kè kyi kepî àtyaʼ se nə̀yn əghɨ nə ghə nyi chichi ə Zhə̀fè əshi, se kyî endam zɛ ə ze tə mîə va tɔynə̂ se Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 5:9

Ghâsènì nyi achûŋ ghasènìə ghə̀ Zhə̀fè kûmə̀ m̀ndəm mə Njisə̀s mɛ ə m̀ tè sɨ̀sə ə ghâsènì elùʼ. Ə ndəm mɛ ə m̀ tè sɨ̀sə ə ghâsènì elùʼ ndəm ghâsènì achûŋ ə Zhə̀fè əshi, piə zɨnə mə chwîtə̀ sê ghâsènì nə Klâys tə sɔzâ ndò ghâsènì ə Zhə̀fè enyɔ̀ʼsè etɔŋve ə È tsɨ tsɛ piə?

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 8:1

Zhə̀fè nə̀ va nə wùə pfɨ saʼ ezhoghɛ ə è nyì sə afɨa àmɔ̀ʼ yî ghə̀ Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 8:29

Ghɨ ghɛ ə Zhə̀fè tè nyi mə fe ə kàynè chitê nə tsɨnè ə̀ ghənə ə nyi kə zə Vâ Vəyn, kə vayn nə vɨnə mə tə pəyn ə è və nyi Vâ ə̀shi se ghɔnyì ə vəynghe.

Filìpây 1:6

M ke ndô səmɔʼ nə ghàyn tə mɨ̂sə̀ ndò fɨ̂aʼ echûŋ nə zɨ̂yn ə Zhə̀fè zhə̀tè ə ghàyn əfètəyn nyî tsɔ̀fə Klâys se pə̀yn.

2 Tèsàlonikà 2:13

Ghɔnyìə, ghàs kyi ndô sə fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn. Pɛ̂pɛ ə kɔ̀ŋ ghàyn, ghàyn e nyi anɔ̂yn ə ghɨ̀ kɛ ə fe tè chɔʼ ə zhə̀te se sɔzà tɔynə̂ efɨ̀aʼ zɛ ə Zuʼse Ŋwaʼase nə̂, è kɨsè tɔynə̂ ə ghàyn ekyî epomə̂zè eghɛ zɛ ə ze nyi səmɔʼ kə è nəyn ghàyn ə ghàyn ə nyi ə̀ ghɨə vəyn ghe ŋwaʼaghe.

1 Timotì 1:16

Pîza Zhə̀fè tè tyəyn esəyn ekoze sê mi nâʼà sə ŋaŋ endom kə Klâys Njisə̀s tyəyn mɨ̂sè èwəynsê ewìyn ə Vəynze, endom vɛ ə è lɛ̀sè fo mi, vɛ m nyi fɔ̀yn ə̀ghɛ ə pighe. Zɨnə mə tè nyi se tyə̀yn ə chwìə sê ghɨ ghɛ ə ghe tə̂ pə̂ pomə se Klâys epàm, kə ghɨ nə ghɨnə̀ ə nyi kàʼa kyi ndam zɛ ə ze tə mîə va.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

Ipilù 7:25

Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.

1 Pità 1:5

Ghaʼ nə zɨnə nyì sê ghàyn ghɛ ə Zhə̀fè tɔ̀ʼnə̀ è tyaʼ ə vəynke tɔynə̂ ekyî epomə̂ zɛ ə ghàyn kyi, ghàyn e nyi se tə kyi esɔ̂za zɛ ə fe pɨaʼte se fo sê ghàyn ə fetuʼ fe kwuŋsəfe.

1 Njɔyn 1:2

Tom nə zɨ̂yn ə è fo ndam zɛ e tə mîə va nyî, tè tyəyn ngɨŋ ə vəyn, ghàsə fe sè tyəm kə setsɛ̀ èsaʼ sê Vəyn. Ghàs wàmnə̀ sê ghàyn kûmə̀ tom nə zɨ̂yn kə è tè nyì yî Pɨ̀a, ə nə̀ nə ghàs ə ke Vəyn.

1 Njɔyn 2:19

Ghɨ ghɨ̀nə tè fɨ ə ghâsènì ə sendɛ sə Fezhə̀sè, pîza mə ghənə tè va afɨa àmɔ̀ʼ ghasènyìə ghə̀ ghənə. Ə̂ tè nyi kə ghənə ə nyi ə̀ghɨ ə ghasènìghe, mə ghənə ə tə faŋ ghasènyìə ghə̀ ghənə. Ə̀ tè nyì kə ghənə ndô, zɨnə mə ə tyə̀nə̀ ə ndayn nə ghənə əkɨ̂m tè va ghasè nyìə ghə̀ ghənə.

1 Njɔyn 2:25

Famə afɨa àmɔ̀ʼ, ə ghâsènì kyi ndam zɛ ə ze tə mîə va mə za nyi vɛ ə Zhə̀fè kɨmne ndə̂m tè tsɨ̀ne se ghâsènì.

1 Njɔyn 5:11

Ghɛ zɛ ə Zhə̀fè pìə nyi nə, fe ə fo ndam zɛ ə ze tə mîə va sê ghâsènì, ndam nə zɨ̂nə̀ e nyi ə vəyn ə Vayn.

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.

Njût 1:21

Ghàyn ndu ke èshike sə̂ ndamə èndam zaynze endom vɛ ə ghɨ ghɛ ə kɔ̂ŋə̀ Zhə̀fè kyi sə̂ ndamə kə ghàyn lɨmtə nə Pɛ̂pɛ ə̀ ghâsènì Njisə̀s Klâys pəyn tyəyn ekosê esəyn sê ghâsènì tɔynə̂ endam zɛ ə è tə fo sê ghâsènì mə ze tə mìə va.

Njût 1:24

Sê Vəyn vɛ ə è kàʼa è ndəm ghàyn nə kə ghàyn pfɨ, è kɨsè se pə̀yn ghàyn è saŋnê eghaʼâzè mə ghàyn kyi va ləʼke ə və shi, ə̀ nyi eluʼ epomsəve.