Njɔyn 10:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Njisə̀s ə pə̀ynsə̀ nə, “M nyi mə mə kàynè tsayn sê ghàyn pîza ghàyn ghe tàʼa pomə̂. Ghɛ ə kayntə ghɛ ə M nə̂ ə Pɨ̀a Vɨm və ezə, nyi ghəynghe ə ghe tsâ kûmə̀ Mi.

Njɔyn 10:25 ပူးပေါင်းရင်းမြစ်များ

Njɔyn 10:32

Njisə̀s ə pìə sê ghənə nə, “Mə nə̀yn ghɛ ə chûŋə̀ setsɨ̀ ə ghanə shi kə Pɨ̀a Vɨm fo tyaʼa nə M nəyn, famə əfètə̂ ə̀ghɛ, ə̀ nyi zɨ̂yn zə ə ghàyn kyiŋə se tɨmnə̂ Mi sə tə?”

Njɔyn 10:37

Ə M nə̂ va fɨ̂aʼ zɛ ə Pɨ̀a Vɨm tom nə M nəyn, kə ghàyn pomə sê Mi.

Njɔyn 10:38

Pîza, ə M nə̂ fɨ̂aʼ ətəyn, ghàyn ə tàʼa pomə pì sê Mi, ghàyn ə pomə̂ ə̀ghɛ ghɨm ghe nəghe, endom kə ghàyn ke kwəynsê sə eshìŋə̀ ekwuŋsəze nə Pɨ̀a nyì ghasè Vəyn, M nyi ghasè Pɨ̀a kə ghè tə ghayn.”

Njɔyn 11:47

Ghɨə Falàsîə yighə̀ ghɨ kɔʼsə nə eshyə̀ ə ngaŋtə ə tɔŋnə̂ zùŋtə̀ ə̀ghɨ̀ atsɨ̀ynte ə pìə nə, “Ə ghâsènì kwi zayn zə? Fe ghɛ ə kayntə ghɛ ə wùə vɨ̂yn ə mɔ̂mə̀ ə.

Njɔyn 12:37

Pî kə nɔ̂yn ə ghɨ̀ nə kɨ̂yn tè fe ghɛ kayntə ghɛ ə Njisə̀s tè nə̂ ə̀kɨ̂m, ghənə ə tàʼa pa pomə̂ sê Vəyn.

Njɔyn 14:11

Ghàyn pomə kə m pi nə, Pɨ̀a vɨ̂m nyì ə Mì ewìyn, M nyi ə Pɨ̀a vɨ̂mvè ewìyn. Ə̀ va za, ghànə pomə̂ kûmə̀ ə̀ghɛ kayntə ghɛ ə ghàyn fe kə m nə̂.

Njɔyn 20:30

Ə̀ tè nyi ə chùmtè èpàm sə Njisə̀sè əshi, È və nə̀ ə̀ghɛ əkayntə setsɨ̀ mə paʼà nyàʼ fa ŋwàʼlè.

Njɔyn 3:2

Tuʼ fîfe è tuʼve, è və ndùə sê Njisə̀s ə pìə se Vəyn nə, “Tyə̀ynsè, ghàs ke ndô nə ò nyi tyə̀ynsè mə ə̀ tom Fezhə̀. Wùə vîvè vayn kàʼa è nəyn ghɛ ə kayntə ghɛ ə Ò nə̀ ə̀ tsɛ̂ kə va mə Zhə̀fè nyì yî vəyn.”

Njɔyn 7:31

Pîza, ghɨghe setsɨ̀ ə fètə̂ ànɔ̀yn ə pomə̂ Vəyn. Ghənə tè pîə nə, “Shîŋə̀ kɛ ə vɛ ə chɔʼ ndə̂m tə pə̂, è tə nə̂ ndò ghɛ ekayntə ghe tsɨ̂ə tsɛ̂ kə wùə vɨ̀nə nyi mə è və nə̀yn ə?”

Njɔyn 8:12

Njisə̀s ə fɨnə wâmnə̀ sê ghɨə Falàsîə pîə nə, “M nyi epayn ə mbize. Ə chùmtè pîndè Mi, ə è tə tàʼa kwì alɨm pîza ə è tə kyî èpayn zɛ ə ze fo ndame.”

Njɔyn 8:24

Mə pì sê ghàyn nə ghàyn nə̀ kwuə ə ghàyn ə sepi. Ghàyn kyi se kwu ə ghàyn tàʼa pomə nə, ‹M nyi wùə vɛ ə M nyi Vəyn.›”

Njɔyn 8:56

Pɨ̀a vâyn Aplàghâm tè nyiə saŋnə̂ nə è tə fe fètuʼ fɛ M tə pə̂ ətəyn. Ə fe fəynfe sè saŋnə̂.”

Njɔyn 8:58

Njisə̀s ə pə̀ynsə̀ sê ghənə nə, “M piə sê ghàyn səmɔʼ nə, ə tè piə piə Aplàghâm mə ‹M nyîə nyi!›”

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Ətefɨ̂aʼ 2:22

Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

Ipilù 2:3

E za tyə̀nə̀ nə, kə ghâsènì se nyi mə zɨə ghɛze kûmə̀ èsɔza ekayntə zɛ ə Zhə̀fè fo, ə ghâsènì tàʼa zɨ, ə ghâsènì tə tàʼa tə fɨ ə ngəʼ zɛ ə Zhə̀fè nyi se tə fo. Tom nə zɨ̂yn nyi mə ə̀ tè ndàʼa ke nâʼà Pɛ̂pɛ sə shi, ghɨ ghɛ ə ghe tè zɨ, ə tə tyə̀yn paynsê sê ghàs nə ze nyi ke nâʼà səmɔʼ.