Njɔyn 10:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Ghɨ Njûs yîghe ə pə̀ zùŋtə̀ ə Və ə ngwùŋ ə pfɨfə sê vəyn nə, “Tsàyn sê ghàs nə Ò ndə̀mə̀ tânə̀ zàyn ghàs nə ə kwaʼtə̀ kə ndò kê va səmɔʼ ə? Lote tsàyn sè ghàs səmɔʼ nə ə̀ nyi ghô vɛ ə chɔʼ ndə̂m ə?”

Njɔyn 10:24 ပူးပေါင်းရင်းမြစ်များ

Matyò 11:3

È və pìə nə ghənə pfɨf sê Njisə̀s nə, “Tsàyn sê ghàs” Ə̀ nyì ghô vɛ ə Zhə̀fè tè pi nə è nə̀ tomə ndò mə ghàs ə lɨmtə̂ wùə ndò ə?

Ŋwàʼlè ə̀ Mâk 8:32

Njisə̀s ə wàmnə̀ paynsə̂ sê ghənə nyi kè sə ashìŋə̀, Pità ə shìyntə̀ fɨə ndûə è vəyn epàm, ə zɔ̂.

Tom èchùŋ kè kə Lûk tè nyaʼ 3:15

Ə̀ tè nyi kə ghɨə naynə̂ Njɔyn, nyaʼâ kayntə̂ kə sê ngɨŋ sə ghənə̂sè nə ə̀ nyi vəyn vɛ ə chɔʼ ndə̂m mə.

Njɔyn 1:19

Ghɨ èghaʼâ ə Njûs ghɛ ə tè nyi ə Njèlusalɛ̀m tè tom əghɨ ə kɔʼsə nə eshyə̀ ndɛ̂ ètsə̀mə, è ghɨ esas ə ndɛ Levìghè nə ndu pfɨf sê Njɔyn Fo M̀mò nə, è nyi nde ə.

Njɔyn 10:31

Ghɨ nə ghɛ ə se fɨnə komtə̂ əchi se tɨmnə̂ vəyn ətəyn.

Njɔyn 10:33

Ghənə ə pìə sê Vəyn nə, “Ghàs kyiŋə va se tɨmnə̂ ghò kûmə̀ ə̀ghɛ ə chûŋ ghɛ ə Ò nə̀yn. Pîza, ghàs kyiŋə se tɨmnə̂ ghò kûmə̀ nə Ò mɔ̀msə̀ se pì nə Ò nyi Fezhə̀.”

Njɔyn 16:25

“M wâmnə̀ ə sengàyn se pì əghɛ ghɨ̀yn se ghàyn. Pîza shîŋə̀kè pə̀ ndò mə M tə nə̂ ə Mə wàmnə̀ va ə sengàyn, pîza M lote wâmnè ə ndayn sê ghàyn kûmə̀ Pɨ̀a Vɨ̂m.

Njɔyn 8:25

Ghənə ə pfɨfə sê Njisə̀s nə, “Ò nyi nâʼà ndè?” Njisə̀s ə pə̀ynsə̀ nə, “M nyi wùə vɛ ə M fe tsàyn sê ghàyn ə zhə̀te nə M nyi Vəyn.

Njɔyn 8:53

Ò tsɨ̀ə tsɛ ndò pɨ̀a vâsvè Aplàghâm vɛ ə è tè kwuə? Fɨ̀aʼtè sə tè kwu kepî, Ò kwàʼtə̀ nə Ò nyi nde?”

Njɔyn 9:22

Pɨ̀a vəyn yî nyì ə̀ vəyn tè wàmnə̀ nyî kûmə̀ kə ghənə tè fànə ghɨə chisə ghɨə Njûsghè. Ghənə tè nyi mə ə ndə̀m nə ə̀ tɔ̀ʼ pi ndè nə Njisə̀s nyi wùə vɛ ə nyi mə chɔʼ ndəm, ə chum vəyn, ə è və fɨnə njiə va ə ndɛ̂ atsɨ̀ynte.

2 Kolìŋ 3:12

Kûmə̀ nə ghàs kyi ndô kwaʼtè nə zɨnə mə, ə̀ za nyi eghɛ zɛ ə ghàs ngɛse kyi ə̀təm.