Njɔyn 10:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ndzè sə mɔ̀ʼɔse nyi ndô mə ə̀ kyi Mi mə se va fa mbàynə̀ sèndzè. M kyi se pə kəpì è səynse. Se nə zɨtə̂ kyə̀ zɨ̂mzè, ə se pəyn sə̂ nyi ə mbàyn èmɔ̀ʼ, kyi ke ngyəyn èmɔ̀ʼ.

Njɔyn 10:16 ပူးပေါင်းရင်းမြစ်များ

Matyò 17:5

Kə è tè pa wâmnə̀, mbàʼ sefɨfə nyaynəse ə tso ə ghənə ətu ə kɨyte ghənə, Kyə̀ ə fɨə fu ə fètə̂ sèmbàʼ pîə nə, “Ə̀ vɨ̂nə nyi Vayn vɛ M kɔ̂ŋə̀, È nə̀ M saŋnə̂. Ghàyn zɨə sê vəyn.”

Tom èchùŋ kè kə Lûk tè nyaʼ 15:8

“Polə za, ghàyn fɨyn kwaʼtè ke nâʼà nə wùzhɔyn kyi ekɛ vəyn kə è ndəm, və ə njisə̀, ə è ghayn ghe ə? Ə e kyàyn za ə è tyayn lâm, ə è zəs ndɛ ə fɛte kyiŋ ekɛ ətəyn se zaʼâ kə è fe.

Njɔyn 10:11

M nyi ngyəyn èchùŋ, zɛ È nyi è pɨaʼtêzè se kwu ə ndzèsè elùʼ.

Njɔyn 10:2

Wùə vɛ ə è njiə ndomve echo mbàyn nyi ngyəynə̀ sèpfɨ.

Njɔyn 10:27

Ndzè sɨmse nyîə zɨə kyə̀ zɨ̂m M ke səynse, se chumtə̀ Mi.

Njɔyn 10:3

Wùə vɛ ə è tsɨ̀ŋnə̀ cho mbàyn nə zɛ ə è chwi cho əndɛve sê vəyn. È tɔŋɔ nâʼàpî ndzè èkè kə zə̂ynzè ezə, è və njìə fɨə è səynse.

Njɔyn 10:4

Shɨ̂ŋə̀ kɛ ə È njì fɨ è ndzè sə vəynse, È ve ndûə ə ghənə əshi, se chumtə̀ ndûə vəyn, kûmə̀ nə se nyîə ke kyə̀ ə̀ vəyn.

Njɔyn 10:5

Ndzè sə təynse vayn kàʼa ə se chumte wùə ə̀ mɔ̀ʼɔ; se pɨlə tə ndô ndò ə kyì ə wùə nə vɨ̂nə mə ngwùŋ kûmə̀ nə se ke va kyə̀ ə̀ vəyn.”

Njɔyn 11:52

È tè paʼà kwu ke sê ghənə. È və tè kwu kepî atu ə ghɔ Fezhə̀ ghɛ ə ghe chyâsè kə ghənə kɛse zûŋtè pə̂yn ə̀ nyi ke sə afɨa àmɔ̀ʼ.

Njɔyn 17:20

M tsə̀mə̀ kə va sê ghənə. Pîza M tsə̂mə̀ kəpî ndò se ghɛ ə ghe tə pomə se Mi tɔynə̂ ə ghənə tom.

Njɔyn 6:37

Nâʼàpî ndè vɛ ə Pɨ̀a Vɨ̂m fo sê Mi nə̀ pə̂ se Mi. M vayn kaʼa M tə chum kɛsê nâʼàpî ndè vɛ ə è pə̀yn sê Mi.

Ətefɨ̂aʼ 15:14

Shimùyn ə kwùʼ tsayn paynsê se ghàs kə Zhə̀fè tè chwìte tɔ̂ʼnè ə Vəyn sə shi sê ghɨ ghɛ ə̀ vachi ə̀ghɨ ə Njûsghè, mə Fe njîə fɨsə̂ ə̀ghɨ ghənə ə fètəyn nə ghə nyi ə̀ghɨ Vəynghe.

Ətefɨ̂aʼ 18:10

kûmə̀ nə M nyi ghâsè ghò. Wùə vayn nə̀yn eghɛ sê ghò. Ò zaʼlə̂ kə ndò kûmə̀ nə ghɨ ghɨmə tsɨ̂ə kə fayn endaʼ nyi.”

Ətefɨ̂aʼ 22:14

È və pìə sê mi nə, ‹Zhə̀ fɛ ə pɨa ghasènìə tè kɔʼsə ə chɔʼ ghô nə ò nəyn kwâʼtè ə Veynze, ə ò fe wùə èfɨaʼa ə̀ Vəyn vɛ ə è nyi chichi, ə ò zɨ kə è wàmnə̀ è kyə̀ vəyn zə ngɨŋ.

Ŋwàʼlè ə̀ Pɔ̂l sê ghɨə Lûmghè 11:25

Ghɛze endətə zhîze nyi m kyiŋə nə ghàyn ə ke ə ghɔnyìə ghɨmə kə ghàyn ə kwaʼtə̀ va nə ə nyiə kyi tsɛsè ètɔf. M kyiŋə nə ghàyn ke nə ghɨ ə Isìlây yîghe tə nə̂ ə ghə tɛ kə ndò e tuke se zaʼâ ashìŋə̀ kɛ ə ghɨ ghɛ ə̀ vachi ə̀ghɨ ə Njûsghè əkɨ̂m mə ghe kyi se pomə̂ tə pomə.

2 Tèsàlonikà 2:13

Ghɔnyìə, ghàs kyi ndô sə fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn. Pɛ̂pɛ ə kɔ̀ŋ ghàyn, ghàyn e nyi anɔ̂yn ə ghɨ̀ kɛ ə fe tè chɔʼ ə zhə̀te se sɔzà tɔynə̂ efɨ̀aʼ zɛ ə Zuʼse Ŋwaʼase nə̂, è kɨsè tɔynə̂ ə ghàyn ekyî epomə̂zè eghɛ zɛ ə ze nyi səmɔʼ kə è nəyn ghàyn ə ghàyn ə nyi ə̀ ghɨə vəyn ghe ŋwaʼaghe.

Ipilù 13:20

M tsə̂mə̀ nə Zhə̀ fɛ ə fe fo pɔ̂ynè sê ghɨghe, ə Fezhə̀ fɛ ə fe tè kɛse nji pəyn è Pɛ̂pɛ ə̀ ghâsènì Njisə̀s Klâys mə è nyi ngyəyn èghaʼâ ə̀ sèndzè sê kwuze tɔynə̂ mndəm mə m̀kàyn mɛ ə ndamə faŋə,

1 Pità 2:10

Ghàyn tè va əghɨə Fezhə̀ sə shi, pîza sè nyi zôyn. Zhə̀fè tè kosə̂ va sə̂yn sê ghàyn pîza sè kosə̂ zôyn nâʼà sə ŋaŋ.

1 Pità 2:25

kûmə̀ nə ghàyn tè tsɨ̀nə kwîə kə kə se ndzè sɛ ə se nyi mə sə njìsè, pîza zôyn Zhə̀fè ə kɛse nji pəyn ghàyn sê ngyəyn, mə za nyi wùə vɛ ə è naynə ghàyn.

1 Pità 5:4

Ə ghàyn nəyn nyi, ə wùə vɛ ə è nyi tu ə sengyəynke tə kɛse pəyn pi etuʼ èkwə̀, ə è ndaʼ ghàyn è fɔ ə tefɔ̀yn ə kayntəke mə ke tə ndamə faŋə.

Etyə̂yn ə paynsêzè 3:20

Fe kə! M tyəm echo ndɛ ngɔʼtə̂, mə ə zɨ pîndè kyə̀ zɨ̂mè ə chwìə, ə m nji pəyn, ə ghasè vəyn zhiə əmɔʼ.