Njɔyn 10:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Wùə chɔŋɔ pə̂ tsɛ̂ kə se chɔŋ, se zhwi è kɨsè se pofsê. M pəyn kə ghɨghe ə kyi èndam zɛ ze lwinə kwəynə.

Njɔyn 10:10 ပူးပေါင်းရင်းမြစ်များ

Matyò 18:10

Ghàyn tɔ̀ʼnə̀ nə kə wùə lɛ wâ kûmə̀ nə è kɔʼnə̂ va. M pîə sê ghàyn səmɔʼ nə ekwùtwəyn, tsì sɛ ə se naynə ghɔyn nə ghɨ̂yn nyì yî Pɨ̀a vɨm.

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Matyò 21:13

È və pìə sê ghənə nə, “Ə nyaʼ ə Ŋwàʼlè ə̀ Fèzhə̀ nə, Zhə̀fè pi nə, ‘Ə tə nə̂ ə tɔŋtə̂ ndɛ zɨ̂m nə ndɛ ètsə̀mə.’ Pîza ghàyn ghe kɛse zôyn sə ‹Elùʼ ə ghɨ̀ echɔŋəve.›”

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

Ŋwàʼlè ə̀ Mâk 11:17

ə nə̀ pî e zaʼlê ghənə ə ke pfɨf nə, “Piə ə nyàʼ ə Ŋwàʼlè ə̀ Fèzhə̀ nə, ‘Ghɨ tə tɔŋtə̂ ndɛ zɨ̂m nə ndɛ ètsə̀mə sê ghɨ mbighe əkɨ̂m ə?’ Pîza ghànə kɛse zə̂yn zôyn se elùʼ ə ghɨ e chɔŋɔve.”

Tom èchùŋ kè kə Lûk tè nyaʼ 19:10

Va Wùə te pə̀yn se kyiŋə əghɨ ghɛ ə ghe njise se sɔ̀sè əghənə.”

Njɔyn 10:1

Njisə̀s ə mɛ̀ ngàyn zhîzè ə pìə nə, “M pîə sê ghàyn kè nâʼà səmɔʼ nə, ə wùə pə̀yn ə zà ècho mbàyn se nji ətəyn ə ndùə kɔʼɔ njiə ndomve elùʼ ə ndôvè, ə è və nyi ke nâʼà wùə èchɔŋɔ.

Njɔyn 10:11

M nyi ngyəyn èchùŋ, zɛ È nyi è pɨaʼtêzè se kwu ə ndzèsè elùʼ.

Njɔyn 12:47

Ə ghɨə zɨ tom Zɨ̂mzè ə tàʼa ndə̀mə zɨ̂ynzè, M tə tàʼa saʼa ghənə. M tè paʼà pə̀yn chi se saʼa mbi, pîza se pɨlə sɔzà ə ghɨ mbighe.

Njɔyn 12:6

È tè paʼà wàmnè nyi kûmə̀ nə è tè kyi èkwâʼtè se tɔ̀ʼnè è ghɨ afɨfə. Ə̀ tè nyi kûmə̀ nə è tè nyi wùə chɔŋɔ, ə̀ ndə̂mə̀ vəyn shəyn èkɛ, faŋa va se njiə vîve ətəyn se nə̀yn eghɛ vəynze kɔ̀ŋzè ətəyn.

Njɔyn 3:17

Zhə̀fè tè paʼà tom Vâ vəyn ə mbi nə è pəyn saʼ ə̀ghɨ. Pîza È tè tom Vəyn nə È pəyn Sɔza ə̀ghɨ.

Njɔyn 5:40

Pîza, ghàyn e kɔ̂ŋə̀ va se pə̀yn se Mi kə ghàyn ə kyî èndam zɛ ə ze tə mîə va.

Njɔyn 6:33

Kûmə̀ nə M nyi kàyntè àpayn ə kwaŋ kɛ ə Zhə̀fè fo mə ke ndo ekwùtwəyn fo ə̀ghɨ mbiə èndam zɛ ə ze tə mîə va.”

Njɔyn 6:51

M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”

Ŋwàʼlè ə̀ Pɔ̂l sê ghɨə Lûmghè 2:21

Ghàyn zaʼlə̂ ə̀ghɨ əmɔ̀ʼɔ, kûmə̀ ghè ə ghàyn vayn kàʼa zaʼle ngɨŋ saynsə? Ghàyn zaʼlə̂ nə kə chɔŋə, pîza ghàyn ghe chɔŋə ə?

1 Timotì 1:15

Ə̀ zɨnə nyi ewâmnè ə səmɔʼze, mə ə kyi se lotə pomə kè kə ze nyi, mə ə mɛnə̂ chîəva ndô, nə Klâys Njisə̀s tè pə̀yn ə mbi se sɔzà əghɨ pighe, m lote nyi kàyntè ə̀ wùə èpi əfètə̂ ə̀ghɨ̀ ə pighe.

Ipilù 6:17

Sê ghɨ ghɛ ə ghənə tè kyi se kyî etsɨ̂nè nə zɨ̂yn, Zhə̀fè tè kyiŋə se tyə̀nə paynsê nə zhi tə kwiynə̂ va ghɛ zɛ ə zhi pɨaʼte, nyiəmə è və paʼsə̂ èkâyntè ə vəynze sê tsɨnè ətəynze.

Ipilù 7:25

Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.

2 Pità 1:11

Famə endom ə Zhə̀fè fi ndzɨsê ghàyn è təm ə vəynghe əkɨ̂m elùʼ vɛ ə Pɛ̂pɛ ə̀ ghâsènì Njisə̀s Klâys tə nə̂ ə è və saʼa ə̀ ghɨə vəynghe sə teshìŋə̀ tèkɨ̂m.