Njɔyn 10:1 - Ŋwàʼlè ə̀ Fèzhə̀ Mkâyn Mə̂ Fèm

¹ Njisə̀s ə mɛ̀ ngàyn zhîzè ə pìə nə, “M pîə sê ghàyn kè nâʼà səmɔʼ nə, ə wùə pə̀yn ə zà ècho mbàyn se nji ətəyn ə ndùə kɔʼɔ njiə ndomve elùʼ ə ndôvè, ə è və nyi ke nâʼà wùə èchɔŋɔ.

Njɔyn 10:1 ပူးပေါင်းရင်းမြစ်များ

Matyò 7:15

Ghàyn e tɔ̂ʼnə̀ kûmə̀ sèfɨ̀aʼtè sə akaŋse. Ghənə chwîtə̀ kə piə ghənə nyi è ngɨmnêzè kə se ndzè pîza mə ə ghənə ətəm, ghənə pofə kə se nyam sə epɨase.

Njɔyn 10:7

Njisə̀s ə pìə kwəynsə̂ nə, “M piə sê ghàyn səmɔʼ nə, Ə̀ nyi Mi cho mbàyn ə se ndzè sə təynse.

Njɔyn 3:3

Njisə̀s ə pə̀ynsə̀ sê vəyn nə, “M pîə sê ghò səmɔʼ nə, wùə vayn kàʼa è nji elùʼ efɔ̂yn ə Fezhə̀vè ə̀ tsɛ̂ kə va mə ə kɛsê pîə vəyn.”

Ŋwàʼlè ə̀ Pɔ̂l sê ghɨə Lûmghè 10:15

Wùə kàʼa è ndaʼa zayn tom nə zɨ̂yn sê ghɨ ndɔ̀ʼɔ ə tom və ə? Ə nyi mə ə nyàʼ ə ŋwàʼlè ə̀ Fèzhə̀ nə, “Ə wùə pə̀ è tom èchùŋ, è pə̀ è saŋnêzè.”

Ŋwàʼlè ə̀ Pɔ̂l sê ghɨə Lûmghè 16:18

Kûmə̀ nə ghɨ ghɛ ə ghənə nə̂ kyì əghɛ nə ghɨ̂yn fɨaʼà chîəva sê Pɛ̂pɛ ə̀ ghâsènì Klâys, pîza ghənə nə̂ kə ə̀ghɛ ghɛ ə ghe tsɔ̂fə̀ sê ghənə. Ghənə njîə èwâmnè echùŋè, è wâmnè efɔməze se lɛsə əghɨ ghɛ ə tɔʼ keva ghɛze.

Taytùs 1:11

Ò kyi se nə̀yn nə kə ghənə ə tsɨnə̀ wàmnə̀ nyi kûmə̀ nə ghənə ndùə njiə əghɨghe mpɨəyn, ghənə pofsə̂ kə m̀kɨ̂m è zaʼlê epi nə zɨ̂nə̀. Ghənə nə̂ nyî kè se kyî ekɛ mə nyi afɨa kɛ ə ke pə̂ èghomə̂zè.

Ipilù 5:4

Ghɛ mɔ̀ʼɔze fɨyn nyi kepî nə wùə vayn kàʼa è chɔʼ ngɨŋ ə vəyn sə nyi wùə èkɔʼsə nə èshyə̀ èngaŋtə kwəynə fɨyn kyi m̀kɔʼnè mɛ ə wùə èkɔʼsə nə̂ èshyə̀ engaŋtə kwəynə kyi sə̂ kyi. Ə̀ vəyn chɔʼɔ kə Fèzhə̀ kè eghɨ kə fe tè chɔʼ Ɛlɔ̀t.

1 Pità 1:10

Fɨ̀aʼtèsè tè nyîə wâmnə̀ kûmə̀ àfùʼ əkayntə kɛ ə Zhə̀fè tè nyi mə Fe ə pɨaʼtê ndəm sê ghàyn fɨnə kyiŋə, tɔ̂ʼɔ̀ fɛtə̂ fɨəysə̀ se kê endom vɛ ə Zhə̀fè tə sɔzà ghàyn ətəyn,

2 Pità 2:1

Tyə̀ynsè sə akaŋse ə tə fɨ ə ghɨghe ə fètəyn kèpî kə se tə pə̂ ə sə nyi ə ghàyn ə fètəyn. Ghənə tə nyaʼtə̂ pə̂ è zaʼlêzè mə ze va səmɔʼ se pofsə teluʼ, ə ghənə tə pî pɛ̀ àpɨəyn vɛ ə tè sɔ̀zâ ghənə, ə zɨnə mə pfɨ̀ŋə̀ pəyn è pofsêzè ə ghənə ə tu.

2 Pità 2:3

Tɔynə̂ ə ghənə əshi ə fɨəghe, tyə̀ynsè sə akaŋ nə sɨ̂yn tə nə̂ pə̂ʼlè ə ghàyn ewìyn tɔynə̂ ə ghənə mghâŋghàŋə̀ mə èzômə̀. Zhə̀fè ə tə chɔʼnê nâʼà sə mɨə nə zhi nə̀ pofsə̂ ghənə, mə pofsê ətəynze vayn faŋ se pə̀yn.

1 Njɔyn 4:1

Ghɔ nyì ghɨm ghe kɔ̂ŋə̀, kə ghàyn ə pomə se nâʼàpî ndè vɛ ə è pìə nə zhi nyîə kyi sè Zuʼ, pîza ghàyn mom ghənə se fe nə zuʼ sɛ ə ghənə kyi ndo pə̂yn tê se Zhə̀fè ə. Kûmə̀ nə fɨ̀aʼtè sə akaŋse tsɨəse nyi ndô ə mbi.