Njɔyn 1:45 - Ŋwàʼlè ə̀ Fèzhə̀ Mkâyn Mə̂ Fèm

⁴⁵ Filìp ə fe Nàtanyèl ə pìə sê vəyn nə, “Ghàs ə fe wùə vɛ Mosîs tè nyaʼ kûmə̀ vəyn ə ŋwàʼlè àlâŋ nə, ə̀ nyi kepî vɛ ə fɨ̀aʼtèsè tè nyaʼ kûmə̀ vəyn. È nyi Njisə̀s vɛ ə è ndò pə̂yn endaʼ ə Nazalɛ̀tzè, mə nyi vâ Njosɛ̀f.”

Njɔyn 1:45 ပူးပေါင်းရင်းမြစ်များ

Matyò 10:3

Filìp è Pàtòlòmiyâ, è Tɔ̀mɔ̂s è Matyò vɛ è tè tənə tâksè, è Njə̂m ə vâ Àfeyùs, è Tàtyə̂s,

Matyò 13:55

Ə̀ vɨnə va ke nâʼà vâ wùə vɨ̀nə è kɔmə fɨave nyîə? Ə va Mèli kə è piə və? Ghɔnyiə vəynghe va Njə̂m, è Njosɛ̀f, è Shimùyn è Njondàs ə̀?

Matyò 2:23

È və ndùə sè ndamə ə tɔ̂ŋ zhîzè e tɔŋtə̂ nə Nazalɛ̀t. Ghɛ zɛ ə Zhə̀fè tè pi tɔynə̂ ə sèfɨ̀aʼtè nə: “Ə tə kê vəyn kə wùə ə Nazalɛ̀t ə pə̀ səmɔʼ.”

Matyò 21:11

Nɔ̂yn ə ghɨ̀ kɛ ə pə̀ynsə̀ kə nə, “Ə̀ nyi Njisə̀s ə fɨ̀aʼtè vɛ è ndò ə tə̀ʼ ə Nazalɛ̀t apàs endaʼ ə Ngalìlîkè.”

Ŋwàʼlè ə̀ Mâk 14:67

Kə è fe Pità e zɨtə̂ èwus, è və tɨmə naynə̂ vəyn ə pìə nə, “Ò tè nyì kepî ghâyn Njisə̀s vɛ ə è ndò pə̂yn ə Nazalɛ̀t.”

Ŋwàʼlè ə̀ Mâk 6:3

Piə ə nyi va wùə vɨ̂yn ə è kwìə kɔmə fɨa və? Pîə nyi vâ Mèli? Piə ghɔnyì ə vəynghe nyi Njə̂m, è Njosɛ̀f, è Njondàs, è Shimùyn? Piə ghɔnyì ə vəynghe zənə ndamə ə ghâsènì əfètəyn nə?” Kûmə̀ zamə ghənə zhə̀tə̀ sə̂ pànə̀ vəyn.

Tom èchùŋ kè kə Lûk tè nyaʼ 18:37

Ə piə sê vəyn nə ə tsɛ̀ Njisə̀s, ə vâ wùə Nazalɛ̀t.

Tom èchùŋ kè kə Lûk tè nyaʼ 2:4

Njosɛ̀f ə fɨə ə tɔ̂ŋ ə̀ Nazalɛ̀t ə Ngalìlî ə kɔʼɔ ə Petlɛ̀ghêm ə Njòndyâ mə ə̀ za nyi tɔ̂ŋ ə̀ fɔ̀yn Ndàfît kûmə̀ nə è tè nyi wùə èsas ə ndɛ̂ Ndàfîtzè. È tè ndùə se nyàʼ əzə ə yî Mèlighe kə è tè njiə sə zhwi. Ə̀ nyi za Mèli e nyi èndwɔ̂.

Tom èchùŋ kè kə Lûk tè nyaʼ 2:48

Ə pə̀ kə pɨ̀a vəyn è nyiə vəyn fè vəyn za, ghɛ ətəynze e kwə̂mə̀ sê ghənə! Nyiə vəyn ə pfɨfə sê vəyn nə, “Vayn vɨm, kûmə̀ ghè ò nə̀yn kyi eghɛ nyiə sê ghàs ə? Ghasè pɛ̂ ə kyiŋ gho sè fànə̀.”

Tom èchùŋ kè kə Lûk tè nyaʼ 24:27

È və wàmnə̀ zâ, ə pìə paynsə̂ əghɛ ghɛ ə tè pì ə Ŋwàʼlè ə Fèzhə̀ kûmə̀ ngɨŋə̂ vəyn, sè zhə̀tè kə ə ŋwàʼlè ə Mosîs se ndùə tayn əfètə̂ sèfɨ̀aʼtè.

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Tom èchùŋ kè kə Lûk tè nyaʼ 3:23

Njisə̀s tè piə è zhə̀tə̀ èfɨ̂aʼ əvəynze ə chi, ə sepìŋ m̀ghɨ̂m ta, nyi va Njosɛ̀f kè nâʼà kə ghɨ tè kwàʼtə, mə pɨ̀a Njosɛ̀f tè nyi Èli,

Tom èchùŋ kè kə Lûk tè nyaʼ 4:22

Naʼapi ndè ə fe kə nâʼà nə è və wàmnè àchûŋ, sè nyi èkayn nə̂, ə nyiə piə wâmnè e fɔmə zɨnə fɨ ke nâʼà ə vəyn echo nyi ə, ə ndò sə təyn ə kɛsə sè pfɨfə nə, “Piə vɨ̀nə nyi ke nâʼà va Njosɛ̀f nyi ə?”

Njɔyn 1:44

Filìp tè nyi mə è ndò ə tə̀ʼ ə̀ Pètsayndà kèpî ə tɔ̂ŋ zɛ ə Andɨ̀lò yî Pità tè ndamə ətəyn.

Njɔyn 12:21

Ghənə ə pə̀ sê Filìp, ə nyi wùə èndaʼ Pètsayndà, mə è ndò pə̂yn apàs endaʼa Ngalìlîkè. Ghənə ə pìə se vəyn nə, “Pɛ̀ apɨəyn, ghàs kyiŋə se fe Njisə̀s.”

Njɔyn 14:8

Filìp ə pìə sê vəyn nə, “Pɛ̂, ghàs kyiŋə kə èghɛ èmɔ̀ʼ, nə Ò tyəyn Pɨ̀a sê ghàs.”

Njɔyn 18:5

Ghənə pə̀ynsə̀ nə, “Ghàs kyiŋə Njisə̀s və Nazalɛ̀t.” È və pìə sê ghənə nə, “M vɨnə̀.” Njondàs vɛ ə è tè pəʼle Vəyn è tyəm kepî fumə yî ghə̀ ghənə.

Njɔyn 18:7

Njisə̀s ə fɨnə pfɨfə sê ghənə nə, “Ghàyn kyiŋə ndè?” Ghənə ə pə̀ynsə̀ kə nə, “Njisə̀s və Nazalɛ̀t.”

Njɔyn 19:19

Paylɛ̀t ə nyàʼà apàŋ afɨake nə, “Njisə̀s və Nazalɛ̀t, ə fɔ̀yn ə̀ ghɨ̀ə Njûsə̀” ə payntə̂ àpâŋ afɨa ətəynke ə Vəyn etuə awâmnè.

Njɔyn 21:2

Tuʼ fîfe, Shimuyn Pità, Tɔ̀mɔ̂s vɛ ə tè tɔŋtə̂ nə, (Apɨaʼsè), è Nàtanyèl (ə vɛ ə è tè ndô ə Kanà apàs endaʼ ə Ngalìlîkè), è ghɔ ə Zepɛ̀ndîə, è chùmtè èpàm sə Njisə̀s shîse sepɛ̀, ə zùŋtə̀ luʼve emɔ̀ʼ.

Njɔyn 6:42

Ghənə ə ke pì nə, “Wùə vɨ̀nə nyi Njisə̀s, ke nâʼà va Njosɛ̀f, mə ə̀ va Və? Ghâsènì nyîə ke pɨ̀a ə̀ Vəyn è nyìə Vəyn. È kwì zayn sə̂ pîə zôyn nə zhi ndo pə̂yn ekwùtwəyn ə?”

Njɔyn 6:5

Njisə̀s ə naynə̂ ka ə fe mə nɔ̂yn ə tsɨəke tè nyîə pə̂ se Vəyn, È və ke pfɨf se Filìp nə, “Ghâsènì nyiə nə̀ zhɔnə ghayn fɨazhiəve nə və tsɨ̂ə kwəynə̂ se fo sê ghɨ ghɨ̀nə ə?”

Njɔyn 6:7

Filìp ə pə̀ynsə̀ nə, “Kə nâʼàpî ndè nə kyî fɨ̂atə̀fè se zhi, ə kyi sə̂ kyi tsɛ sèshəyn se kɛ sepɛ̀ se zhɔyn efɨazhiəve kə ve kwəyn sê ghənə.”

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Ətefɨ̂aʼ 2:22

Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

Ətefɨ̂aʼ 22:8

Mə pfɨfə sê vəyn nə, ‹Ə̀ nyì ghò ndè ə Pɛ̂pɛ?› È və pə̀ynsə̀ nə, ‹Ə̀ nyi Mi Njisə̀s ə̀ Nazalɛ̀t vɛ ə ò fo ngəʼ sê Vəyn za.›

Ətefɨ̂aʼ 26:9

Nâʼà mi è ngɨŋ zɨ̂mè ə tə kwàʼtè nə m kaʼa m nəyn pîghè se pofsê ezə Njisə̀s və Nazalɛ̀tvè.

Ətefɨ̂aʼ 3:6

Pîza Pità ə pìə sê vəyn nə, “M kyi va kɛve nâʼà səkɔs se fo sê ghò, pîza nyi se fo kə afɨa kɛ ə m kyi. M piə sê ghò ə Njisə̀s Klâys və Nazalɛ̀t ezə nə ò ndwi ə̂ ò kwi.”