Njɔyn 1:38 - Ŋwàʼlè ə̀ Fèzhə̀ Mkâyn Mə̂ Fèm

³⁸ Njisə̀s ə kə̀mnə̀ èwiyn, ə fe kə ghənə chûmtə̀ Vəyn, ə pfɨfə nə, “Ghàyn kyiŋə ghè?” Ghənə ə pə̀ynsə̀ nə, “Ò ndamə ghayn ə Lapày?” (Lapày zɨ̀nə tyə̀nə̀ nə, Tyə̀ynsè.)

Njɔyn 1:38 ပူးပေါင်းရင်းမြစ်များ

Tom èchùŋ kè kə Lûk tè nyaʼ 10:39

Ə̀ tè nyi zâ Maltà e kyi ànyìə vəyn vîvè, zə vəynze e nyi Mèli. Mèli ə pə̀ tsɨsə kə ə Pɛ̂pɛ əshi se zɨtə̂ ezaʼlê ə vəynze.

Tom èchùŋ kè kə Lûk tè nyaʼ 14:25

Ə̂ pə̀ kə̂ Njisə̀s ndò kwiə ndùə, nɔ̂yn ə ghɨ̀kè e chûmtə̀ ndùə vəyn. È və kɛsə̂ pə̀ynsə̀ èwiyn ə piə sê ghənə nə,

Tom èchùŋ kè kə Lûk tè nyaʼ 15:20

È və wàmnə̀ za ə ndò se kɛsə̂ kwɨlə̂ ndùə sê pɨ̀a vəyn. Pɨ̀a vəyn ə fè vəyn, è pa pə̀ nâʼà sə aghaf, səynze ə ko vəyn, è və nyɨŋə ndùə paŋnə vəyn.

Tom èchùŋ kè kə Lûk tè nyaʼ 19:5

Njisə̀s ə pə̀ tânə̀ fu ə naynə̂ kɔʼsə̂ etûə fèkàʼ fɛ ə Sàkyə̂ tè nyi ətəyn ə piə sê vəyn nə, “Sàkyə̂, zàŋse tso pə, m kyi se pɨəyn ə ghò ndɛ ndàyn.”

Tom èchùŋ kè kə Lûk tè nyaʼ 22:61

Ke sa ashìŋə̀, Pɛ̂pɛ kə̀mnə̀ naynə̂ ndùə Pità ke ekyàʼ, è və kɛse kwaʼtə eghɛ zɛ è fe pi sè vəyn nə, “Ndomə̀mbvɨ nə piə e tɔŋə ndàyn mə gho mɛ mi shiŋə teta.”

Tom èchùŋ kè kə Lûk tè nyaʼ 8:38

Wùə vɛ ə pamə̂ tə satàyn tɛ fè fɨ ə vəyn ewìyn ə ndùə chyatə̂ Njisə̀s se ndù yî vəyn. Pîza Njisə̀s ə kwiynsə̂ ə piə sê vəyn nə,

Njɔyn 1:37

Chùmtè èpàm sə vəyn sɛ sèpɛ̀ ə zɨə èghɛ zɛ ə è pì ə zhə̀tə̀ chûmtə̀ Njisə̀s.

Njɔyn 1:39

È və pìə sê ghənə nə, “Ghàyn pəyn fe èluʼ vɛ ə m ndamə ətəyn.” Ə̀ tè se nyi mə ə̀ kɔʼɔ ndûə tèzhwi tekyàʼ èchwì. Ghənə ə ndùə yîghə̀ ghənə ə fe èlùʼ vɛ È ndamə ətəyn, ghənə ə faŋə fu se zaʼâ kə lɨma fɨm.

Njɔyn 1:49

Nàtanyèl ə pə̀ynsə̀ nə, “Tyə̀ynsè Ò nyì ke nâʼà Vâ ə̀ Fèzhə̀! Ò nyi fɔ̀yn ə̀ Isìlây!”

Njɔyn 12:21

Ghənə ə pə̀ sê Filìp, ə nyi wùə èndaʼ Pètsayndà, mə è ndò pə̂yn apàs endaʼa Ngalìlîkè. Ghənə ə pìə se vəyn nə, “Pɛ̀ apɨəyn, ghàs kyiŋə se fe Njisə̀s.”

Njɔyn 18:4

Njisə̀s tè nyîə ke nâʼàpî èghɛ èkè zɛ ə ze tè nyì se kyàyn se Vəyn. E və fɨə ndûə ə ghənə əshi ə pfɨfə sê ghənə nə, “Ghàyn kyiŋə ndè?”

Njɔyn 18:7

Njisə̀s ə fɨnə pfɨfə sê ghənə nə, “Ghàyn kyiŋə ndè?” Ghənə ə pə̀ynsə̀ kə nə, “Njisə̀s və Nazalɛ̀t.”

Njɔyn 3:2

Tuʼ fîfe è tuʼve, è və ndùə sê Njisə̀s ə pìə se Vəyn nə, “Tyə̀ynsè, ghàs ke ndô nə ò nyi tyə̀ynsè mə ə̀ tom Fezhə̀. Wùə vîvè vayn kàʼa è nəyn ghɛ ə kayntə ghɛ ə Ò nə̀ ə̀ tsɛ̂ kə va mə Zhə̀fè nyì yî vəyn.”

Njɔyn 3:26

Ghənə ə ke ndù sê Njɔyn ə tsà se vəyn nə, “Tyə̀ynsè, o kàʼa ò fɨyn kwâʼtè wùə vɛ ə ghâyn vəyn fe nyi engyinə̂ tsô Njondàyn za, ə vɛ ə ò tè wàmnə̀ kûmə̀ Vəyn. È nyîə fo m̀mo sê ghɨə zôyn, nâʼàpî ndè e ndûə se vəyn.”

Njɔyn 4:31

Ə̀ tè nyi mə chùmtè èpàm sə Njisə̀sè chyatə̂ Vəyn pîə nə, “Tyə̀ynsè, zhi fɨake.”

Njɔyn 6:25

Kə ghɨ ətəynghe tè fe Njisə̀s apàs enjwì əmɔ̀ʼɔke, ghənə ə pìə sê Vəyn nə, “Tyə̀ynsè, ò pə̀yn zɨ̂yn fa ə?”

Ətefɨ̂aʼ 10:21

Kè sə ashìŋə̀, Pità ə tso ndùə kotə̂ ə̀ghɨ təynghe ə piə sê ghənə nə, “Ə̀ nyi mi vɛ ə ghàyn kyiŋə. Ghàyn pə̀ se gha ghe?”

Ətefɨ̂aʼ 10:29

Ə̀ za nyi eghɛ zɛ ə Kɔ̀nilùs fè tom tɔŋɔ mi, m tàʼa pfɨf eghɛ nâʼà səkɔs, pîza ə pə̀ kə ndò. Tsa ə Kɔ̀nilùs nə, ò tom tɔŋɔ mi sə ghe ə?”