Njɔyn 1:3 - Ŋwàʼlè ə̀ Fèzhə̀ Mkâyn Mə̂ Fèm

³ Tɔynə̂ ə Vəyn, Zhə̀fè ə fɛtə̂ èfɨa èkɨ̂m. Ə tè va sê Kyə̀ nə zɨ̂yn mə Zhə̀fè tè pâʼà fɛtê nâʼàpî ghè vɛ ə nyi mə ə fɛtê ə mbi èkɨ̂m

Njɔyn 1:3 ပူးပေါင်းရင်းမြစ်များ

Njɔyn 1:10

È tè nyi ə mbi, pî kə Zhə̀fè tè fɛtè mbi yî Vəyn, mbi ə tàʼa fe kê ə Vəyn.

Njɔyn 1:2

Ə̀ tè nyi ə zhə̀te, Kyə̀ ə̀təyn tè nyi luʼ emɔ̀ʼ yî Zhə̀fè.

1 Kɔlìŋ 8:6

Pîza ghâsènì, e ke nə, Zhə̀fè nyì ke fèmɔ̀ʼ, mə za nyi Pɨ̀a. Ə̀ fɛte Vəyn fɨave ekɨ̂m, ghâsènì e ndamə mə ə zaʼnə̂ kə se vəyn. Ə̀ fɨyn nyi ke Pɛ̂pɛ emɔ̀ʼ, mə ə̀ za nyi Njisə̀s Klâys, mə ə tè fɛte efɨa ekɨ̂m toynə̂ ə Vəyn, ghâsènì nə ndamə kə kûmə̀ vəyn.

Ɛfesùs 3:9

fɨnə ndâʼà paynsə̂ èndom vɛ ə fɨ̂aʼ ekayntə Fèzhə̀ nə zɨ̂nə̀ kwìə ətəyn nâʼàpî se ndè. Ə̀ nyi eghɛ zɛ ə Zhə̀ fɛ ə fe fɛtə fɨa vekɨ̂m tè ndə̀te sê ghɨ ə shiə kə ə nyi zôyn,

Ipilù 11:3

Ə̀ nəyn ekyî epomə̂zè nə ghâsènì ke səmɔʼ nə Zhə̀fè tè pom mbi kè è kyə̀ vəyn zə ècho. E za tyə̀nə̀ nə nâʼà pî ghè kə ghâsènì fe nyi mə ə fɛte èfɨake, mə ə fe va.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.

Etyə̂yn ə paynsêzè 3:14

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Làndisyà nə: ‘Ə̀ zɨ̀nə nyi tom mə è ndò sê vɛ ə tɔŋtə nə, Àmə̀yn. È fɨ̀aʼà è təm ə vəynghe əkɨ̂m, fɨnə pìə səmɔʼ kûmə̀ Fèzhə̀. Zhə̀fè tè fɛte nâʼàpî ghè ə mbi tɔynə̂ ə vəyn.

Etyə̂yn ə paynsêzè 4:11

“Pɛ̂pɛ vâsvè, è Zhə̀ Fasfe, ò nyiə kwəynə̂ se kyi epomsê, è kɔʼsêzè è tyaʼke, kûmə̀ nə ə̀ pom ghô fɨave ekɨ̂m, mə tɔynə̂ ə ghò ekɔ̀ŋ, ə pomə vəynve ə nə̀ nə və ndamə.”