Njɔyn 1:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Tuʼve ə zo Njɔyn ə fe Njisə̀s è pə̂ se vəyn, ə pìə nə, “Ə̀ vɨ̀nə nyi Vâ Ndzè ə̀ Fezhə̀. Ə̀ nyi Vəyn vɛ ə è njì tsɨsè pisə ghɨ̀ ə mbise!

Njɔyn 1:29 ပူးပေါင်းရင်းမြစ်များ

Matyò 1:21

È nə̀ piə vayn ndômə̀ ə ò tsɨ zə vəyn nə Njisə̀s, kûmə̀ nə è tə sɔ̀zâ ə̀ghɨ ə vəynghe ə ghənə sepi.”

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Njɔyn 1:35

Tuʼve ə zo kwəynsə pə̂, Njɔyn e tyəm fu yî chùmtè èpàm sə vəynse sepɛ̀.

Njɔyn 1:36

È və fe Njisə̀s kə è tsɛ̀, ə pìə sê ghənə nə, “Ghàyn nayne kə, ə̀ tsɛ̀ Vâ Ndzè ə̀ Fèzhə̀ za.”

Njɔyn 1:43

Ə fetuʼ fə mɔ̀ʼɔfe, Njisə̀s ə chɔʼnə̂ se ndù apàs endaʼ ə Ngalìlîkè. È və fe Filìp ə pìə sê vəyn nə, “chùmte Mi!”

Njɔyn 2:1

Tuʼ mè ə tsɛ̀ m̀pɛ̀, malə̂ e nyi ə tɔ̂ŋ ə̀ Kanà apàs endaʼ ə Ngalìlîkè, nyìə Njisə̀s e nyi fu.

Njɔyn 3:16

kə Zhə̀fè tè kɔ̀ŋə tsɛsə̀ mbi, ə fo Vâ ə̀ Vəyn mə è tè nyì ke èmɔ̀ʼ kə nâʼàpî ndè vɛ ə è pomə sê Vəyn tə tàʼa kwu pîza ə è kyi ndam zɛ ə ze tə mîə va.

Njɔyn 4:42

Ghənə ə pìə sê wùzhɔyn nə vɛ nə, “Ghasə pomə se Njisə̀s zôyn, ə va chi kûmə̀ èghɛ zɛ ə ò pì, kûmə̀ nə ghàs è ngɨŋ sas se ə zɨ zaʼlə ə Vəyn, ə kê səmɔʼ nə È lote nyi Sɔ̀zà ə̀ mbi.”

Njɔyn 6:51

M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”

Ətefɨ̂aʼ 13:39

E za tyə̀nə̀ nə ə̀ pomə pi ndè sê vəyn, ə è sɔza vəyn ə və ghɛ piə. Saʼ ə Mosîszè tè vayn kàʼa e sɔ̀zâ wùə.

Ətefɨ̂aʼ 8:32

Ndiŋ ə ŋwàʼlè nə kɛ ə è tè tɔŋɔ tè wàmnə̀ endom vɨnə, nyiə nə: “È tè nyi kə ndzè zɛ ə tè njì se se, è kɨ̀sə kə va ndzè ə è kyi mɔŋ ezhoghɛ ə kɔmə nyuŋsə vəynse, è zə tàʼa pìə eghɛ.

1 Kɔlìŋ 15:3

M tsɛsə̀ fo pə̂ se ghàyn ghɛ zɛ ə tè fo sê mi, mə ə̀ lote nyi kàyntè èghɛ, mə ze nyi nə Klâys tè kwu kûmə̀ sèpi sə ghasènìse kè kə nyi mə ə nyàʼ ə ŋwàʼlè ə̀ Fə̀zhə̀ nə,

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Ngàleshyà 1:4

Klâys ə tə fo ngɨŋ ə vəyn ə kwuə kûmə̀ sèpi sə ghasènìse se sɔza ghâsènì fa ə mbi èpi, se nə̀yn eghɛ zɛ ə Zhə̀fè pɨ̀a ə̀ ghâsènì tè kyiŋə.

Ngàleshyà 3:13

Klâys ə tə zhɔyn tuə ghasènìke se ndi zɛ ə Lâŋà pə̀yn è zə̂yn endom nə è və tə fi ndi ə̀təyn ə ghâsènì elùʼ, kè kə nyi mə ə nyàʼ nə, “Ndi ə̀ Fèzhə̀ nyì nâʼàpî sê ndè vɛ ə nyi mə ə ghaŋsê vəyn awâmnè.”

1 Timotì 2:6

vɛ ə è fo ngɨŋ ə Vəyn ə kwu se zhɔyn atu əghɨ̀ ə̀ kɨ̂mkè. Kə shîŋə̀ kɛ ə Zhə̀fè tè chɔʼ kwəyn, Zhə̀fè ə nə̀ nə Njisə̀s Klâys ə nyi chwìə nə zhi kyiŋə se sɔzà əghɨ ə̀kɨ̂m.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

Ipilù 2:17

Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

1 Pità 1:19

Pîza Fe tè zhɔyn ghàyn è ndə̂m mə̂ Klâysə̀m, ə̀ nyi m̀ndəm kyi àtyaʼ. Klâys tè nyì ke kə vâ ndzè, kyi va ndi nâʼà səkɔs.

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

1 Njɔyn 2:2

Ə̀ nyi vəyn vɛ ə tè fo sə efo kûmə̀ sèpi sɛ ə ghâsènì tè nəyn, È və kwuə se zhɔyn atu ə ghasènìke, ə̀ va ke ə ghâsènì ə tu, pîza sê ghɨghe ə kɨ̂m ə mbi.

1 Njɔyn 3:5

Ghàyn ke nə Klâys tè pə̀yn ə mbi se kəʼsê ə sepi sə ghasènìse. È pâʼà tyəmə̂ nə̂ pi zhîzè.

1 Njɔyn 4:10

Ndom vɛ ə ghâsènì kàʼa kê kûmə̀ èkɔ̂ŋ nyi nə, Ə̀ vachi nə ghâsènì tè kɔ̀ŋə ndô Zhə̀fè, pîza nə è tè kɔ̀ŋə ndô ghâsènì ə tomə Va Vəyn nə è pəyn kwu ə ghâsènì ə tu kûmə̀ sèpi sə ghasènìse.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,

Etyə̂yn ə paynsêzè 12:11

Ghɔnyì ə ghâsènì nə ghɨ̀nə̀ ə nò ə zhiə vəyn tɔynə̂ m̀ndəm mə Va Ndzèm, tɔynə̂ ə səmɔʼ zɛ ə ghənə tè tsâ, è kɨsè nə ghənə tè nyîə nyi èpɨaʼtêzè se kwu ezhoghɛ ə kwuze pə̂yn.

Etyə̂yn ə paynsêzè 13:8

Nâʼà ə̀ghɨ ə̀ kɨ̂m ə chi tə ngɨmnə̂ zə̂ynzè, ə̀ tsɛ̂ kə va ghɨ ghɛ ə tè nyi mə ə nyàʼ zɨə ghənə̂zè tsɔ̀fə kə pom mbi əfètə̂ ŋwàʼlè ə̀ghɨ ndaməghe mə ə̀ ghənə kyi Vâ Ndzè vɛ ə tè zhwi.

Etyə̂yn ə paynsêzè 14:1

Mə ke naynê ə fe Vâ Ndzè ə mì ə shi, è ze tyəm ə pfɨnə̀ Zayɔ̀n, e ghɨghe kam ewə̀ è mghɨm kyàʼ njòse kyàʼ mə ə nyàʼ zə ə vəynze, è zə Pɨ̀a vəynze ə ghənə echo àtu.

Etyə̂yn ə paynsêzè 14:10

ə Zhə̀fè tə nə ə Fe ə fɨsə̂ èndwɔ̂ sê ghənə, ə fe fo tsôsvè sê ghənə nâʼà sə ŋaŋ, kè kə mlɨ̂ mə ètɛ ndɔ̀ʼɔ sɔmnə ə Zhə̀fè ndə̀m ə wà ə fo nə ghənə mɨ. Zhə̀fè tə nyâplə̀ ghənə è wusve, è fɨa kyîke ke lɛ̂ pâŋə̀ fuə mə ə tɔŋtə̂ nə sɔlfɔ̀ ə tsì sə eŋwaʼase əshi, è kɨsè ə Vâ ndzè əshi.

Etyə̂yn ə paynsêzè 14:4

Ə̀ ghɨnə nyi ə ndômnè ghɛ ə ghe tè ndəm ngɨŋ sə ghənə̂sè sə̂ nyɨ̂ŋə̀ va è zəynghe, ə faŋə kə zamə è zə ghənə̂zè. Ə̀ nyi ghənə ə tè chùmtə Va Ndzè nâʼàpî ghayn kə è tè nduə. Zhə̀fè ə tə zhɔyn fɨsê tu ə ghənə̂vè ə fètə̂ ə̀ghɨ̀ msɔ̀ŋghe ə chi, ə fo ghənə kə m̀tam mə shîəm sê Zhə̀fè è Vâ Ndzè.

Etyə̂yn ə paynsêzè 15:3

zhəmə sènjàŋ sə Mosîsè, ə wùə èfɨaʼa ə̀ Fèzhə̀, è njàŋ sə Vâ Ndzèsè piə nə: “Pɛ̂pɛ Zhə̀fè, Pɛ̀ etwɔʼ ekɨ̂m. Ò nə̀ əghɛ ə ghaʼâ ə kayntəghe! Ò nyi fɔ̀yn se mbi èkɨ̂m. Ndom tɛte nyi chichi fɨyn nyi səmɔʼ!

Etyə̂yn ə paynsêzè 17:14

Ghənə tə səʼə̀ àngyə̀s sê Va Ndzè, ə Va Ndzè no zhi ghənə kûmə̀ nə è nyi Pɛ̂pɛ sê ghə Pɛ̂pɛ əkɨ̂m, fɨyn nyi Fɔ̀yn se fɔ̂yntè kè tekɨ̂m, è nyi yî ghə̀ ghɨ vəyn ghɛ ə Zhə̀fè nyi mə fe ə tɔŋə̂, ə chɔʼɔ, ghənə e chûmtə̀ vəyn è təm ə ghənə̂ghè əkɨ̂m.”

Etyə̂yn ə paynsêzè 19:7

Ə ghâsènì ə saŋnə̂, sɨŋnə̂; ə ghâsènì ə tsɨ̂tə̀ Fèzhə̀ kûmə̀ nə shîŋə̀kè ə kwəyn kə Va Ndzè malə, mə zhwìə vəyn se nyi mə è və pɨaʼtê ngɨŋ ə vəyn.

Etyə̂yn ə paynsêzè 19:9

Tsì ə ke pì sê mi nə, “Nyàʼ ghɛ zɨ̂nə̀: Saŋnêzè nyì sê ghɨ ghɛ ə ndâmnè nə ghənə pəyn zhiə malə̂ ə̀ Vâ Ndzèkè.” Tsì ə̀təyn ə zomtə̂ nə, “Ə̀ zɨnə nyi ewâmnè ə səmɔʼɔ ə Fezhə̀zè.”

Etyə̂yn ə paynsêzè 21:14

Mbàyn ə̀ tɔ̂ŋ èghaʼâ ə̀təyn tè nyi mə ə pɛ etûə ə̀chi ə ghaʼlə̂ echi ə ndɛve njò sepɛ̀. Zə əghɨ̀ ə tom ə Vâ Ndzèghè tè nyi mə ə nyàʼ etûə ə̀chi nə ghɛ, nâʼàpî èchi èkè è kyi ezə emɔ̀ʼ.

Etyə̂yn ə paynsêzè 21:27

Pîza fɨake tə njiə va əfètə̂ tɔ̂ŋ èghaʼâ nə zɨ̂yn, mə ke zo va. Wùə vɛ è nə̂ ghɛ eliŋə kɨ̀sə wùə àkaŋ tə njiə va ətəyn. Ə̀ tə njiə kə ə̀ghɨ ghɛ ə nyâʼ zə ə ghənə̂ghè ə ŋwàʼlè èndamə ə̀ Va Ndzè famə ə tɔ̂ŋ èghaʼâ.

Etyə̂yn ə paynsêzè 21:9

Tsì èmɔ̀ʼ əfètə̂ sètsì sə Fezhə̀ sɛ èsɛ̀mbɛ ə se tè kyi kwaŋ vɛ èsɛ̀mbɛ mə ə lwiynse lɨ̀mè ətəyn za, ə̀ nyi mə̂ynmè ə m̀ pə̀ ètsôs tekwəmnə tekwuŋsə tɛ èsɛ̀mbɛ, ə pə̀ pìə sê mi nə, “Pə, m tyən zhwîə ndom sê ghò vɛ ə è nyì se njiə Va Ndzè.”

Etyə̂yn ə paynsêzè 5:6

Mə ke fe Va Ndzè è ve tyəm ə fètəyn fètəyn ə fəkyə̀ fə efɔ̀ynfè, mə fɨa endamə vɛ èkwàʼ è chəʼ sɛ ə kyɨ̀ŋ nga Va Ndzè ə̀təyn. Va Ndzè ə̀təyn tè kyaʼà kəpi nyi mə ə zhwi zə̂ynzè. È tè kyi sendɔŋ èsɛ̀mbɛ è shiə ə sɛ̀mbɛ, ə nyi sèzuʼ sə̂ Fezhə̀sè esɛ̀mbɛ kə ə tom chike akɨ̂m.

Etyə̂yn ə paynsêzè 5:8

È və fiə pə̀ pîə ashìŋə̀ àkè, fɨa endamə vɛ è kwàʼ è chəʼ sɛ mghɨm pɛ̀ njòse kyàʼ ə tɨmə ə̀ngwuʼ ə Vâ ndzè ə̀təyn əshi. Naʼapi ndè e kyi ènduŋ è kaŋa mə ə fɛte è ngôl, è endiŋze ə ətəyn mə zə lwiyn. Ndiŋ ətəynze tè nyi tetsə̂m tə ghɨə Fezhə̀.”

Etyə̂yn ə paynsêzè 6:1

Zôyn, mə fe kə Va Ndzè vɛ zhòm lɛ ə shike ə fètə̂ èlɛ vɛ èsɛ̀mbɛ. Mə zɨə kə fɨa endamə kyîke əfètə̂ èfɨa endamə vɛ ekwàʼ pɨa èkyə̀ è kûmə̀ kə eghol epɨaze ə pìə nə, “Pə fe kə!”

Etyə̂yn ə paynsêzè 6:16

ə pɨa pìə sê pfɨynse è nyɔyn vɛ nə, “Ghàyn pfɨ ə ghàs ətu ə ndətə ghàs kə wùə vɛ ə è tsɨs əfekyə̀ fə efɔ̀ynfè fe ghàs, ə Va Ndzè tàʼa fo ètsôs sê ghàs kûmə̀ etɔŋ e zafəve.

Etyə̂yn ə paynsêzè 7:14

Mə pə̀ynsə̀ sê vəyn nə, “M ke va ə Pɛ̀ apɨəyn, ə̀ ke ke ghò.” È və ke pì sê mi nə, “Ə̀ ghɨ̂nə nyi əghɨ ghɛ ə ghe tè mɔ̀mse, ə tsɛ̀ fɨə e tsə̀fsè ekwəmnə zɛ. Ghənə shù ndzɨs sə ghənə̂sè è ndə̂m mə Va Ndzèm, se fɨfə kə nyî.

Etyə̂yn ə paynsêzè 7:17

kûmə̀ nə Va Ndzè vɛ ə è tsɨs əfètə̂ fèkyə̀ tə nə̂ ə è və nyi ngyəyn ə̀ ghənə̂. È tə njìə ndùə è ghənə ə setɔŋ sə mmò sɛ ə se fo ndamze, ə Zhə̀fè zəs shîmè m̀kɨ̂m ə ghənə əshi.”