Njɔyn 1:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Ghɨ èghaʼâ ə Njûs ghɛ ə tè nyi ə Njèlusalɛ̀m tè tom əghɨ ə kɔʼsə nə eshyə̀ ndɛ̂ ètsə̀mə, è ghɨ esas ə ndɛ Levìghè nə ndu pfɨf sê Njɔyn Fo M̀mò nə, è nyi nde ə.

Njɔyn 1:19 ပူးပေါင်းရင်းမြစ်များ

Njɔyn 1:7

è və pə̀ tsâ sê ghɨə kûmə̀ èpayn nə zɨ̂yn kə ghɨghə kɨ̂m zɨ tom ə̀təyn ə pomə.

Njɔyn 10:24

Ghɨ Njûs yîghe ə pə̀ zùŋtə̀ ə Və ə ngwùŋ ə pfɨfə sê vəyn nə, “Tsàyn sê ghàs nə Ò ndə̀mə̀ tânə̀ zàyn ghàs nə ə kwaʼtə̀ kə ndò kê va səmɔʼ ə? Lote tsàyn sè ghàs səmɔʼ nə ə̀ nyi ghô vɛ ə chɔʼ ndə̂m ə?”

Njɔyn 10:31

Ghɨ nə ghɛ ə se fɨnə komtə̂ əchi se tɨmnə̂ vəyn ətəyn.

Njɔyn 11:19

mə ghɨə Njûsə̀ se tsɨ̀ ə pə̀yn se fe Maltà yî Mèli se pì nə ghənə kol təmə kə ànyìə ghənə̂ kwu.

Njɔyn 2:18

Ghɨ Njûs ə ghaʼâ ghɛ ə kɛsə̂ pə̂ sê Vəyn ə pfɨfə nə, “Ò kàʼa ə ò nəyn ghɛ ekaynə èkè se tyə̀yn sê ghàs nə ò kyi ndô tyaʼa se nə̀yn əghɛ ghɨ̀ynə.”

Njɔyn 2:20

Ghənə pfɨfə sê vəyn nə, “Ò nyiə nə̀ njîə kə m̀tuʼ mta se pɛ zə̂yn? Ə tè nji pìŋ m̀ghɨm mkyàʼ njòse tufə se pɛ ə Ndɛ Ètsə̀mə zɨ̂yn!”

Njɔyn 5:10

Ghɨə chisə ghe è ghɨə Njûs yîghe ə fe za, ə ke pì sê wùə ə̀təyn nə, “Ə nda nyi etuʼ endaʼ, mə lâŋà pomə̂ va nə ò kwîə tsɛ̂ è ghâmfè.”

Njɔyn 5:15

Wùə ə̀təyn ə ndûə tsâ sê ghɨ Njûs echisə ghɛ nə, ə fe tsuʼ Njisə̀s è zhi.

Njɔyn 5:16

Ghənə zhə̀tə̀ se tsə̀fsè ə Njisə̀s, kûmə̀ nə È tsuʼ wùə ə̀təyn etuʼ endaʼ.

Njɔyn 5:18

Wâmnè zɨnə ə nə̀, ghɨə Njûs ghe chisəghe è kyiŋə èndom se zhwiə Njisə̀s, kûmə̀ nə È paʼà kəm chike lâŋ etuʼ endaʼke, pîza ə pa pîə nə Zhə̀fè tè nyi Pɨ̀a Vəyn, famə endom, È və nə̀yn ngɨŋə̂ Vəyn sə̂ nyi èghɨ yî Zhə̀fè.

Njɔyn 6:41

Ghɨ ə Isìlây ətəynghe ə zhə̀tə̀ se tɨ̀mnə zɔ̀ kûmə̀ Njisə̀s kə È pì nə, “Ə̀ nyi Vəyn payn ə kwaŋ kɛ ə ke ndô pə̂yn ekwùtwəyn.”

Njɔyn 6:52

Kə ghɨ ghɛ tè zɨ zamə, ghənə ə zhə̀tə̀ efɨsə endwɔ̀zè sè saʼnə̂ è ngɨŋsə ə ghənə̂sè pîə nə, “Wùə vɨ̂nə kàʼa è fo zayn wiynə vəyn nə ghâsènì zhi ə?”

Njɔyn 7:1

Epàm əghɛ ghɨ̀nə̀ ə̀kɨ̂m, Njisə̀s e sè kwîə ka ə telùʼ ə telùʼ apàs endaʼa Ngalìlîkè, kɔ̀ŋɔ̀ va se kwiə ndu apàs endaʼa Njòdyâkè, kûmə̀ nə ghɨə Njûsə̀ fu tè kyiŋə se zhwiə Vəyn.

Njɔyn 7:11

Ghɨ ghaʼa ə Njûsə̀ tè nyîə kyiŋə vəyn fu elùʼ azhi pfɨfə nə, “È vàyn zə?”

Njɔyn 7:15

Ghɨ ghaʼâ Njûsə̀ tè nyi èkaynze ə pìə nə, “Wùə vɨ̀nə kwì zayn sə ngəsê ke ə̀ghɛ ghɨ̀yn mə è paʼà tyəmə ndùə ə ndɛ ŋwàʼlè àlâŋ ə?”

Njɔyn 8:22

Ghɨə Njûs ə chisəghe e sè pîə nə, “È pi nə ghâsènì vayn kàʼa ə ndu elùʼ vɛ È ndùə, ze kaʼa zə nyi nə è kyiŋə se zhwiə ngɨŋə̂ Vəyn mə?”

Njɔyn 8:48

Ghɨ Njûs ghè ə ke pì sê Njisə̀s nə, “Ghàs tè paʼà nə̀yn àchûŋ se pì nə Ò nyi wùə Sàmalyà, kyi èpamə̂ ə satàynzè ə?”

Njɔyn 8:52

Ghɨ Njûs nə ghɛ ə pìə sê Vəyn nə, “Zôyn ghàs lote ke ndò nə ò nyiə kyi èpamə̂ ə satàynzè! Aplàghâm ə tè kwu, fɨ̀aʼtèsè ə kwuə, pîza Ò pîə nə nâʼàpî ndè vɛ ə è nə̀ ghɛ zɛ ə Ò zaʼlə, ə è tə taʼa kwu.

Njɔyn 8:57

Ghɨ ətəynghe ə pìə se Vəyn nə, “Ò paʼà nyìəm zaʼâ pî pìŋ m̀ghɨm m tâyn, mə O kàynè fe Aplàghâm ə?”

Ətefɨ̂aʼ 13:25

Ə̀ tè nyi kə Njɔyn mɨ̂sə̀ ndùə fɨ̂aʼ ə vəynze, è və pfɨfə sê ghɨ nə, ‹Ghàyn kwàʼtə̀ nə m nyi nde? M va wùə vɛ ə ghàyn lɨmtə. Ghàyn nayne kə, È pə̂ ə mi epàm, m kwəynə̂ va se zhə̀yntə sèkwɨ̀l sə sepfɨ sə ghòl sə Vəynse.›”

Ətefɨ̂aʼ 19:4

Pɔ̂l ə pìə nə, “Fo ə Njɔyn zə mmòze tè nyì sê ghɨ ghɛ ə ghe tè kwiyne ə ghənə ə sepi, è və tsà se ghɨə Isìlâyghè nə ghənə pomə sê vɛ ə è pə̀ ə vəyn pàm, mə za nyi Njisə̀s.”

1 Njɔyn 1:5

Tom zɨ̀nə ə ghàs ndàʼà sê ghàyn zôyn nyi mə ghàs zɨ sê Njisə̀s Klâys. È nyi nə: Zhə̀fè nyi epayn, kyi va ghɛze se nə̀yn è lɨma nâʼà səkɔs.