Njɔyn 1:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Njɔyn 1:17 ပူးပေါင်းရင်းမြစ်များ

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 18:37

Paylɛ̀t ə pfɨfə sê Vəyn nə, “Piə e za tyə̀nə̀ nə ò nyi fɔ̀yn ə?” Njisə̀s ə pə̀ynsə̀ nə, “Ə̀ pì ghô nə M nyi fɔ̀yn. Ə tè piə Mi nə M pəyn ə mbi, kə Mə nyi tsɛ̀ èsaʼ səmɔʼ. Naʼapî ndè vɛ ə è nyi wùə ə̀ səmɔʼ nyîə zɨə sê Mi.”

Njɔyn 5:45

Kə ghàyn nə kwaʼtə̀ nə ə̀ nyi Mi vɛ ə M tə ghâmə̀ ghàyn sê Pɨ̀a Vɨ̂mvè nə ghàyn tè pâʼà fi Mi. Mosîs, ə vɛ ghàyn ndə̀m kwaʼtè zaynze ə vəyn ewìyn nyi vɛ ə è tə lotə pîə nə ghàyn nə̀ pofsə̂ ndò.

Njɔyn 7:19

Mosîs ə tə fo Lâŋkè sê ghàyn, mə è tè paʼà fo? Pîza kè nâʼà wùə èmɔ̀ʼ ə ghàyn əfètəyn ə tàʼa ndə̀m ə kəynke. Kûmə̀ ghè ə ghàyn mɔ̀msə̀ se zhwiə mi ə?”

Njɔyn 8:32

Ghàyn nə̀ kê èghɛ zɛ ə ze nyi səmɔʼ, ə səmɔʼ ə̀təyn tə zhəyn za ghàyn.”

Njɔyn 9:29

Ghàs nyîə ke nə Zhə̀fè ə tə wàmnə̀ sê Mosîs, pîza kepî va nə wùə vɨ̀nə ndò ghayn zə!”

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.

Ətefɨ̂aʼ 7:38

Ə̀ nyì vəyn vɛ ə è tè nyì tsɨ̂yntè yî ghɔyn Isìlâyghè endaʼ ashəshəze. È tè nyi fu yî pɨ̀a ghâsènì ghəshiə ashìŋə̀ kɛ tsì zɛ ə Zhə̀fè tè tom tom ə pfɨ̀ynə̀ Sinày wàmnè sê ghənə. Tom nə zɨnə ə Mosîs tè fi sê tsì nyi zɛ ə ghâsènì pa chùmtə̀.

Ŋwàʼlè ə̀ Pɔ̂l sê ghɨə Lûmghè 6:14

Pi kiva sə̂ kyi àtyaʼ ə ghàyn ə tu. Ghàyn va etyə̂ àlâŋ pîza ghàyn nyi ə Zhə̀fè etyə̂ àfùʼ.

2 Kolìŋ 1:20

Ə̀ nyi vəyn vɛ ə è nyi “Èyn” sê tsɨnè tə Fezhə̀ tekɨ̂m. Ə̀ za nyi eghɛ zɛ tɔynə̂ ə Njisə̀s Klâys, ghâsènì pìə nə “Zə nyi ke zamə”, kə pomsê ətəynve ə ndûə se Zhə̀fè.

Ngàleshyà 3:17

Ghɛ zɛ ə m mɔmsə̀ se pì nyi nə, Zhə̀fè ə tə zhi kàynə̀m yî Aplàghâm ə tsɨ̀nə̀ nə è nə̀ faŋə va se nə̀yn kə è tsɨ̀nè. Lâŋ kɛ ə tè fɛte epàm ə sèpìŋ ghɨte kyàʼ è pìŋsè m̀ghɨm mta vayn kàʼa ə ke kəʼse kàyn nə mɛ, vayn kàʼa ə ke zəs tsɨ̂sè ètsɨnè ə Fezhə̀zè.

Ipilù 9:22

Ə̀ tè nyi etuʼ vɛ ə Lâŋà chisə ghɨ, ə̀ tè kwùʼ nyi ke m̀fɨa m̀shàʼ nyi ə tè shùə va è ndə̂mə̀, mə ə vayn kaʼa lɛse fo pi mə ə paʼà tsosê ndə̂mə̀m.