Njɔyn 1:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 1:14 ပူးပေါင်းရင်းမြစ်များ

Matyò 1:16

Njàkɔ̂p tè nyi pɨ̀a Njosɛ̀f. Njosɛ̀f tè nyi ndomə̀ Mèli vɛ ə è tè piə Njisə̀s vɛ tɔŋtə nə Klâys.

Tom èchùŋ kè kə Lûk tè nyaʼ 2:11

Ə̀ piə Tsàmtè se ghàyn ndâyn ə tɔ̂ŋ ə̀ Ndàfît, ə̀ nyi Klâys Pɛ̂pɛ.

Tom èchùŋ kè kə Lûk tè nyaʼ 2:7

È və pîə va vəyn və̂ ngɔ̀yn, ə nyi vâyn ndômə̀, ə ngolə̂ vəyn ə èpɨ̂aŋ ə sendzɨse ə nyɨ̀ŋsə̀ vəyn ə ngwùʼ zɛ ə nyamse tè zhiə ətəyn kûmə̀ nə luʼe tè kɛse va ə ndɛ zɛ ə ghɨ kwiə tè pə̀ ndamtə̂ ətəyn.

Tom èchùŋ kè kə Lûk tè nyaʼ 9:32

Ə tè nyi za, Pità yî ghɨə mɔʼɔ ghɛ̂ e pɨənə nâʼà sə ŋaŋ. Ghənə ə zə̀mə̀ ə fe èpomsê ə Njisə̀szè è ndômnèghè əpɛ̀ ghɛ ə tè tyəm yîghə̀ Njisə̀s.

Njɔyn 1:1

Ə̀ tè nyi ə zhə̀te, tsɔ̀fə kə Zhə̀fè fɛte mbi, Kyə̀ ə̀ Fezhə̀ tè kâyne nyi ndò. Kyə̀ ə̀təyn tè nyì yî Zhə̀fè. Kyə̀ nə zɛ tè nyi Fezhə̀.

Njɔyn 11:40

Njisə̀s ə pìə sê vəyn nə, “Piə mə fə pì sê ghò nə ə ò pomə, ə ò fe pomsê ə Fezhə̀zè ə?”

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 14:9

Njisə̀s ə pə̀ynsə̀ pfɨfə nə, “Piə e za nyi nə mə ndam ghâsènì sə aghaf nyî ə Filìp, ò ke va Miə? Nâʼàpî ndè vɛ è nyi mə è və fe mi, nyi mə è və fe Pɨ̀a, kûmə̀ ghè ə ghàyn fɨnə pîə nə, ‘Tyə̀yn Pɨ̀a sê ghàs ə?

Njɔyn 17:22

Mə fo pomsê ekayntəze sê ghənə, ə nyi zɛ ə Ò tè fo sê Mi, kə ghənə tsɨyntè nyi ke sə wûə èmɔ̀ʼ, eghɨ kə ghasè ghò nyi ke se eghɛ èmɔ̀ʼ.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Njɔyn 18:37

Paylɛ̀t ə pfɨfə sê Vəyn nə, “Piə e za tyə̀nə̀ nə ò nyi fɔ̀yn ə?” Njisə̀s ə pə̀ynsə̀ nə, “Ə̀ pì ghô nə M nyi fɔ̀yn. Ə tè piə Mi nə M pəyn ə mbi, kə Mə nyi tsɛ̀ èsaʼ səmɔʼ. Naʼapî ndè vɛ ə è nyi wùə ə̀ səmɔʼ nyîə zɨə sê Mi.”

Njɔyn 2:11

Njisə̀s tè nə̀yn eghɛ e kaynte ə vəyn zə shi nə zɨ̂nə̀ endaʼ ə Kanà apàs endaʼ ə Ngalìlîkè. Ə̀ nyì fumə kə è tè tyə̀yn paynsê èpomsê ə vəynze, chùmtè èpàm sə vəynse ə pomə̂ sê vəyn.

Njɔyn 3:16

kə Zhə̀fè tè kɔ̀ŋə tsɛsə̀ mbi, ə fo Vâ ə̀ Vəyn mə è tè nyì ke èmɔ̀ʼ kə nâʼàpî ndè vɛ ə è pomə sê Vəyn tə tàʼa kwu pîza ə è kyi ndam zɛ ə ze tə mîə va.

Njɔyn 3:18

Ghɨ ghɛ ə pomə sê Va ətəyn, tə pfɨ̂ə va saʼ, pîza ghɨ ghɛ ə tàʼa pomə kàyne nyi mə ə pfɨ̀ saʼ. Kûmə̀ nə ghənə paʼà pomə se Vâ Fèzhə̀ vɛ ə̀ nyì ke Vəyn.

Njɔyn 6:51

M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”

Njɔyn 8:32

Ghàyn nə̀ kê èghɛ zɛ ə ze nyi səmɔʼ, ə səmɔʼ ə̀təyn tə zhəyn za ghàyn.”

Ətefɨ̂aʼ 13:33

Tsɨ̂nè nə zɨ̂nə ə kɔʼ kwəyn sê ghàs ghɔ etɔ̀ŋ ə ndɛ ghənə̂ghè, endom nə Zhə̀fè ə tə nə̀yn Njisə̀s ə zòmə̀. E nyi ke èghɨ kə nyi mə nyàʼ əfètəyn àkùmte ə ŋwàʼlè ə̀ sè Njàŋkè nə: ‘Mə njì ghò sə mìə Vayn, se zhə̀tə̀ ndàyn, m nə nyi Pɨ̀a vɛ̂vè.’

Ŋwàʼlè ə̀ Pɔ̂l sê ghɨə Lûmghè 8:3

Ghɛ zɛ lâŋkè tè vayn kàʼa ə ke nəyn, kûmə̀ nə wiyn ə wûə m̀sɔ̀ŋve tè kiva tyaʼke se njiə tsɨ̀sè ə pi. Nyiəmə Zhə̀fè ə tə nə̀yn ghɛze mə lâŋkè tè vayn kàʼa ə ke nəyn. È və tə tom Vâ vəyn ewìyn ə wûə m̀sɔ̀ŋ vɛ ə ve nə̂ pi nə È mɨse tyaʼa ghɛ pike. Kə Zhə̀fè tè nəyn nyiəmə, È və mɨ̀sə̀ àtyaʼ əghɛ ə pighe ə wùə m̀sɔ̀ŋ ewìyn.

Ŋwàʼlè ə̀ Pɔ̂l sê ghɨə Lûmghè 9:5

Ghənə nyi əghɔ ghɔynə pɨa pɨa ghasènìghe. Kə tè piə Klâys kə wùə m̀sɔ̀ŋ, È tè fɨ pə̂yn ə ghənə etàŋ. Tsîtèzè nyì sê Zhə̀fè sə teshìŋə̀ tèkɨ̂m, ə Vəyn vɛ fɨave ekɨ̂m nyi ə vəyn etyə̂ àtyaʼ. Ə ze ə nyi ke zamə.

1 Kɔlìŋ 15:47

Andàm ə̀shi vɛ ə tè fɛte mchi tè pə̀yn mchi, Andàm e kòmtə ə pə̀ ekwùtwəyn.

2 Kolìŋ 12:9

chyatə pî ashìŋə̀ akè, È və pìə kə sê mi nə, “Fùʼ kɨmke ə kwəyn se ghò kûmə̀ nə tyaʼke fɛtə̂ tyə̂nə̀ èwiyn ashìŋə̀ kɛ ə pɔylê ewìynze nyi.” E za tyə̀nə̀ nə m nə pfɨnə̀ àngàŋtè nâʼà sə ŋaŋ kûmə̀ ə̀ghɛ ghɛ ə m pɔlə̂ ətəyn kə tyaʼa Klayskè nji ə ke ə ndamə ə mì ewìyn.

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Kòlosè 1:19

E nyi nyî kûmə̀ nə Zhə̀fè ə tə kɔ̀ŋ Vəyn ə ndə̀mə̀ Vəyn nə È və nyi èghɨ kə̂ Vəyn nâʼàpi ə ghe.

Kòlosè 2:3

Ə̀ nyi Klâys ə è kàʼa è nəyn ə ghàyn fɛte kê ə̀ghɛ ə Fezhə̀ghè. Ghɛ nə ghɛ mə nyîə ngəs kyi m̀kɔʼnè.

Kòlosè 2:9

Kə ghàyn pomə nə tyə̀ynsè sə akaŋ nə sɛ mə lese ghàyn kûmə̀ nə tyaʼke è tsɨ̂nè ə̀ Fèzhə̀zè nyì ndô əfètəyn èwìyn ə wûə m̀sɔ̀ŋ ə Klaysvè.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

Ipilù 1:5

E nyi ke nâʼà nyî endom nə tsì vîvè va ə Zhə̀fè tyəm pî sê zə̂yn nə, “Ò nyi Vayn vɨm; se zhə̀tè ndàyn, m nyi Pɨ̀a sê ghò.” Zhə̀fè pâʼà tyəmə wàmnə̀ kûmə̀ tsìə vəyn ə pìə nə, “M tə nə̂ ə mə nyi Pɨ̀a sê vəyn, è nyi Vayn sê mi.”

Ipilù 10:5

Ə̀ za nyi eghɛ zɛ ə tè nyi kə Klâys pə̂ ə mbi, è və pìə sê Zhə̀fè nə: “Ò kyiŋə va nə ghɨghe ə se sènyam sê ghò, kyiŋə va nə ə fo tèfo sê ghò, pîza o fo mi è wiynve.

Ipilù 2:11

Njisə̀s, kə è nə̀yn nə ghɨghə zo kə ghənə ə fɨyn kyi va pi, ə yî ghɨ nə ghɨnə̀ ə kyi ke pɨ̀a emɔ̀ʼ. Ə̀ za nyi eghɛ zɛ ə è tɔŋtə ghənə nə ghɔnyì yiə, ghomə va.

Ipilù 5:5

E nyi kepî eghɨ kə Klâys tè tàʼa chɔʼɔ ngɨŋə̂ vəyn sə nyi wùə èkɔʼsə nə èshyə̀ engaŋtə kwəynə, fɨyn kyi m̀kɔʼnè mɛ ə wùə èkɔʼsə nə èshyə̀ engaŋtə kwəynə kyi sə̂ kyi. Pîza Zhə̀fè tè pì sê vəyn nə, “Ò nyi Vayn vɨm; se zhə̀tè ndàyn, m nyi Pɛ̂.”

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.

1 Njɔyn 4:9

Zhə̀fè tè tyə̀yn ekɔ̂ŋ ə vəyn sê ghâsènì kə Fe tom Va Vəyn èmɔ̀ʼ ə mbi, kə ghâsènì ə kyi èndam tɔynə̂ sê vâ vəyn nə vɨ̂yn.

2 Njɔyn 1:7

Ghɨə akaŋ ghə fɨ kwîə tsɛ̂ ə mbi, tsɨ̀ə kə nyi, pomə̂ va nə Njisə̀s Klâys ə tə pə̀ ə chi ewiyn ə wûəvè. Nâʼàpî ndè əfètə̂ ə̀ ghɨ nə ghɨyn nyi pàyn ə Klâys, lesə̂ əghɨ.

Etyə̂yn ə paynsêzè 19:13

È tè nyi mə è və màʼ pfɨ̂fè mə ə tsɨ̀ mndəm, zɨə vəynze e nyi nə, “Tom ə̀ Fèzhə̀.”

Etyə̂yn ə paynsêzè 21:3

Mə fɨnə zɨə kyə̀ è tɛ zhîzè kə è fɨ pə̂yn əfekyə̀ fə efɔ̀yn fɛ̂, è zə pìə sê mi nə, “Fekə, Zhə̀fè ndamə yî ghə̀ ghɨ zôyn. Fe nə nyi yî ghə̀ ghənə, ghənə e nyi ə̀ghɨ vəynghe. Zhə̀fè è ngɨŋ vəyn nə nyi yî ghə̀ ghənə, nyi Fèzhə̀ fə ghənə̂fè.