Njɔyn 1:12 - Ŋwàʼlè ə̀ Fèzhə̀ Mkâyn Mə̂ Fèm

¹² Pîza, sê ghɨ mɔʼɔ ghɛ ə ghe tè fi ndzɨsê Vəyn ə pomə sê vəyn, è və fo àtyaʼ nə ghənə ə nyi ə̀ ghɔyn ə Fezhə̀ghè.

Njɔyn 1:12 ပူးပေါင်းရင်းမြစ်များ

Matyò 10:40

Ə̂ fi ndzɨse pîndè ghàyn, ə̂ ə nyi mə è fi ndzɨsê mi, ə̂ fiə ndzɨsə̂ pindè mi, ə̂ ə nyi mə è fi ndzɨsê pɨ̀a vɨ̂m vɛ è tom mi.

Matyò 12:21

Ghɨə atum ghəkɨ̂m tə ndəmə̀ kə èkwaʼtè elɨmtə ə ghənə̂zè sê Vəyn.”

Matyò 18:5

Mə ə̂ fi ndzɨse pîndè kyì ə vayn vɨ̂yn ə Mì ezə, ə nyi mə è fi ndzɨsê Mi.

Njɔyn 1:11

È və pə̀ ə tə̂ zə Vəyn nə endaʼ pîza, ghɨə Vəynghe ə tàʼa fe kê ə vəyn.

Njɔyn 1:7

è və pə̀ tsâ sê ghɨə kûmə̀ èpayn nə zɨ̂yn kə ghɨghə kɨ̂m zɨ tom ə̀təyn ə pomə.

Njɔyn 11:52

È tè paʼà kwu ke sê ghənə. È və tè kwu kepî atu ə ghɔ Fezhə̀ ghɛ ə ghe chyâsè kə ghənə kɛse zûŋtè pə̂yn ə̀ nyi ke sə afɨa àmɔ̀ʼ.

Njɔyn 2:23

Ə tè nyi kə Njisə̀s nyi ə Njèlusalɛ̀m ashìŋə̀ azhi ə zaʼatsɛke, ghɨ etsɨəghe ə pomə̂ sê Vəyn, kûmə̀ ə̀ghɛ ə kayntə ghɛ ə ghənə fe kə è nə̀yn.

Njɔyn 20:31

Pîza ə tè nyàʼ ghɨ̂nə̀ kə ò pomə nə Njisə̀s nyi vɛ ə chɔʼ ndə̂m, ə Vâ Fèzhə̀. Ə ghàyn pomə sê Vəyn, ə ghàyn tə kyî èndam zɛ ə ze tə mîə va ə Vəyn ezə.

Njɔyn 3:18

Ghɨ ghɛ ə pomə sê Va ətəyn, tə pfɨ̂ə va saʼ, pîza ghɨ ghɛ ə tàʼa pomə kàyne nyi mə ə pfɨ̀ saʼ. Kûmə̀ nə ghənə paʼà pomə se Vâ Fèzhə̀ vɛ ə̀ nyì ke Vəyn.

Ətefɨ̂aʼ 3:16

Wùə vɨ̀nə ə ghàyn fe nyi, fɨyn fɛte ke, ə̀ nyi atyaʼ ezə Njisə̀szè è pomə̂ zɛ ə è kyi ezə təynze, nyi eghɛ zɛ ə ze fo tyaʼa sê kèngɛchi kɨ̀nə̀ ə nə̀ nə è tɛ. Ghàyn ghe fe sə ghàyn ə ngɨŋ.

Ŋwàʼlè ə̀ Pɔ̂l sê ghɨə Lûmghè 8:14

Ghɨ ghɛ ə ghe chûmtə̀ ndom vɛ ə zuʼsə Fezhə̀sè tyə̀nə̀ nyi əghɔ Fezhə̀ghè.

Ŋwàʼlè ə̀ Pɔ̂l sê ghɨə Lûmghè 8:16

Zuʼsə Fezhə̀sè tsɨ̂yntə̀ ngɨŋə̂ vəyn è zuʼsə ghasènìse, se tsàyn nə ghâsènì nyi ə ghɔ Fezhə̀ghè.

Ŋwàʼlè ə̀ Pɔ̂l sê ghɨə Lûmghè 8:19

Nâʼà efɨa èkɨ̂m vɛ ə Zhə̀fè Pom nyîə lɨmtə̂ se shîŋə̀ nə kɛ ə Zhə̀fè tə tyə̂nə̀ paynsə̂ ghɔ Vəynghe.

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

Ngàleshyà 4:6

Kə ghàyn se nyi ə̀ghɔyn sê Zhə̀fè, fə fo Zuʼsə Va vəynse ə ghâsènì ətəm, Zuʼsə təynse e pɨa wâmnə̀ è kyə̂ ètɛ tɔŋtə̂ Fèzhə̀ nə, “Pàpa, Pàpa vɨm.”

Kòlosè 2:6

Kə ghàyn nyi mə ghàyn ə tə pomə̂ Klâys Njisə̀s kə Pɛ̂pɛ vâyn, ghàyn e pa nə̂ kə ə̀ghɛ kə è kyiŋə.

2 Pità 1:4

Ə̀ nyi èndom nə vɨ̂yn ə Zhə̀fè lwiynse tsɨ̂nè tɛ ə fe tè tsɨ̀ne nə fe tə fo tèfo tə m̀kɔʼnètè mə kɛve vayn kàʼa ə ve zhɔyn, ə te tsamte ghâsènì kə ə tə fɨ ə ghɛ əpi ghɛ njà èwìyn kyiŋə fa mbi. Zɨnə mə nə̀ nə̂ kə ghâsènì ə nyi chichi kə Fezhə̀.

1 Njɔyn 3:1

Ghàyn fe kə Zhə̀fè kɔ̀ŋə̀ zaʼâ ghâsènì ə. Fe ə nə̀yn e tɔŋtə̂ ghâsènì nə ghɔ Fezhə̀ghè, mə ə̀ ndɨŋ nyi afɨa kɛ ə ghâsènì nyi kəynke. Pîza ghɨ ghɛ ə̀ nyi əghɨ ə mbighe fe kê va ghâsènì kə ghɔ Fezhə̀ghè kûmə̀ nə ghənə ke kepî va Zhə̀fè.

1 Njɔyn 3:10

Zôyn ghàs kàʼa tsayn ghɨ ghɛ ə̀ nyi ə ghɔ Fezhə̀ghè, è ghɛ ə nyi ə ghɔ ndə̂plèghè. Nâʼàpî ndè vɛ ə è ndamə va chichi, kɔ̂ŋə̀ va ghɨ epomə̂ ə mɔ̀ʼɔghe, è paʼà ndò pəyn chi se Zhə̀fè.

1 Njɔyn 3:2

Soyn ghɨm ghe kɔ̀ŋə̀, ghâsènì kàyne nyi ə̀ghɔ Fezhə̀ghè, pîza Fe paʼà nyìəm chwitè nə ghâsènì tə pə̂ ə nyi zàyn shîŋə̀ kɛ ə Klâys tə kɛsə pə̂. Pîza ghâsènì ke ndô nə shîŋə̀ kɛ ə Klâys tə pə̂ ətəyn, ghâsènì tə nə̂ ə nyi ke kə Vəyn, kûmə̀ nə ghâsènì tə fe vəyn kè kə è nyi.

1 Njɔyn 3:23

Làŋ ə Fezhə̀ nə kɨnə nyi nə, ghâsènì pomə̂ ə Va vəyn ezə Njisə̀s Klâys, kɔ̀ŋɔ̀ sèngɨŋ sə ghasènìse. Ə̀ nyì kepî èkɔ̂ŋ nə zɨ̂yn ə Klâys nyi mə è və fo sê ghâsènì.