Njɔyn 1:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ È tè nyi ə mbi, pî kə Zhə̀fè tè fɛtè mbi yî Vəyn, mbi ə tàʼa fe kê ə Vəyn.

Njɔyn 1:10 ပူးပေါင်းရင်းမြစ်များ

Matyò 11:27

Pɨ̀a vɨ̂m və fo fɨave ekɨ̂m sê mi. Wùə vîvè fɛte keva Vayn ə tsɛ̂ kəva Zhə̀fè Pɨ̀a, wùə e fɛte ke va Pɨ̀a ə̀ tsɛ̂ kəva Vayn è ghɨ ghɛ Vayn chɔʼ se tyə̀nə paynsê ə Pɨ̀a sê ghənə.

Njɔyn 1:11

È və pə̀ ə tə̂ zə Vəyn nə endaʼ pîza, ghɨə Vəynghe ə tàʼa fe kê ə vəyn.

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

Njɔyn 1:3

Tɔynə̂ ə Vəyn, Zhə̀fè ə fɛtə̂ èfɨa èkɨ̂m. Ə tè va sê Kyə̀ nə zɨ̂yn mə Zhə̀fè tè pâʼà fɛtê nâʼàpî ghè vɛ ə nyi mə ə fɛtê ə mbi èkɨ̂m

Njɔyn 1:5

Payn ətəyn panə əfètə̂ àlɨm, mə lɨm ətəynke vayn kàʼa ke ndɨmse zəynze.

Njɔyn 17:25

Pɨ̀a Vɨ̂m ve èchùŋ vɛ ə ò nyi chichi! Mbi ke va Gho, pîza M ke Ghò, ghənə è ke nə ə̀ tom Ghô Mi.

Njɔyn 5:17

Njisə̀s ə pə̀ynsə̀ sê ghənə nə, “Pɨ̀a Vɨ̂m ndamə fɨaʼa kə ndò, mə M pɔŋ kyi se fɨ̀aʼà kə zamə.”

Ətefɨ̂aʼ 14:17

Pîza faŋa va sə̂ tyə̂nə̀ paynsə̂ ngɨŋ ə vəyn tɔynə̂ əghɛ əchûŋ ghɛ ə è nə̂. È nə̂ gholze e tso, fɨazhiəve e fɨnə ndəmə̂ ə mbvɨyn kè nâʼà ashìŋə̀ echûŋkè. È və fo fɨazhiəve sê ghàyn, nə̂ təm ghaynghe saŋnə̂.”

1 Kɔlìŋ 1:21

Kûmə̀ nyiə mə, Zhə̀fè tɔynə̂ ə vəyn etɔf eghaʼâzè ə nə̀yn nə wùə vayn ndə̀ʼə kê vəyn tɔynə̂ ə vəyn etɔf eghaʼâ ə ngɨŋze. Zhə̀fè tè nyîə pɨlə saŋnə̂ tɔynə̂ əfètə̂ ‘àngo’ kɛ ə tè ndàʼa, è və sɔ̀zâ ə̀ghɨ ghɛ ə tè pomə.

1 Kɔlìŋ 2:8

Nâʼà wùə e saʼa emɔ̀ʼ fa mbi tè keva tɔf eghaʼâ nə zɨ̂nə̀. Ə tè nyi nə ghənə ke, mə ghənə tè paʼà paynte Pɛ̂pɛ vɛ ə è kyi pomsê ə Fezhə̀zè.

1 Kɔlìŋ 8:6

Pîza ghâsènì, e ke nə, Zhə̀fè nyì ke fèmɔ̀ʼ, mə za nyi Pɨ̀a. Ə̀ fɛte Vəyn fɨave ekɨ̂m, ghâsènì e ndamə mə ə zaʼnə̂ kə se vəyn. Ə̀ fɨyn nyi ke Pɛ̂pɛ emɔ̀ʼ, mə ə̀ za nyi Njisə̀s Klâys, mə ə tè fɛte efɨa ekɨ̂m toynə̂ ə Vəyn, ghâsènì nə ndamə kə kûmə̀ vəyn.

Kòlosè 1:16

E nyi nyiəmə kûmə̀ nə ə̀ nyi tɔynə̂ se Klâys, ə Zhə̀fè ə tè pom fɨave ekɨ̂m vɛ ə ve nyi ekwùtwəyn è kɨsè əchi. È və pom vɛ ə kaʼa fe è shize, è kɨsè vɛ ə vayn kaʼa fe è shize. Ə̀ tè pom vəyn e tu ə tendaʼàvè è kɨsè twɔʼve ekɨ̂m. Zhə̀fè tè pom efɨa èkɨ̂m tɔynə̂ ə vəyn, ə̀ nyi kûmə̀ vəyn ə Zhə̀fè tè pom fɨa nə vɨnə mə.

Ipilù 11:3

Ə̀ nəyn ekyî epomə̂zè nə ghâsènì ke səmɔʼ nə Zhə̀fè tè pom mbi kè è kyə̀ vəyn zə ècho. E za tyə̀nə̀ nə nâʼà pî ghè kə ghâsènì fe nyi mə ə fɛte èfɨake, mə ə fe va.

1 Njɔyn 3:1

Ghàyn fe kə Zhə̀fè kɔ̀ŋə̀ zaʼâ ghâsènì ə. Fe ə nə̀yn e tɔŋtə̂ ghâsènì nə ghɔ Fezhə̀ghè, mə ə̀ ndɨŋ nyi afɨa kɛ ə ghâsènì nyi kəynke. Pîza ghɨ ghɛ ə̀ nyi əghɨ ə mbighe fe kê va ghâsènì kə ghɔ Fezhə̀ghè kûmə̀ nə ghənə ke kepî va Zhə̀fè.