Njɔyn 1:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ tè nyi ə zhə̀te, tsɔ̀fə kə Zhə̀fè fɛte mbi, Kyə̀ ə̀ Fezhə̀ tè kâyne nyi ndò. Kyə̀ ə̀təyn tè nyì yî Zhə̀fè. Kyə̀ nə zɛ tè nyi Fezhə̀.

Njɔyn 1:1 ပူးပေါင်းရင်းမြစ်များ

Matyò 1:23

“Ngɔ̀yn zhîzè, mə è paʼà tyəm nyîŋə̀ yî wùndômə̀, Nə̀ tyəmə̂ èndwɔ̂ ə è piə vâyn èndômə̀, Ə tsɨ zə vəyn nə, Ìmanuwɛ̀l.” Zə nə zɨnə nyi nə, “Zhə̀fè nyì ghâsènì.”

Tom èchùŋ kè kə Lûk tè nyaʼ 24:53

ə ke nduə faŋə kə ə Ndɛ Ètsə̀mə sè zɨsə̂ fo kə àzɔ̀ŋnè se Zhə̀fè.

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

Njɔyn 1:2

Ə̀ tè nyi ə zhə̀te, Kyə̀ ə̀təyn tè nyi luʼ emɔ̀ʼ yî Zhə̀fè.

Njɔyn 16:28

M tè ndò sê Pɨ̀a Vɨ̂m ə pə̀ ə mbi, zôyn M zâ mbi kɛsə̂ ndûə se Pɨ̀a Vɨm.”

Njɔyn 17:5

Pɛ̂! fo mi èpomsê ekayntəze zôyn, kèpî èpomsê ekayntə zɛ ə M tè kyi ghasè ghò tsɔ̀fə kə pom mbi.

Njɔyn 20:28

Tɔ̀mɔ̂s ə pìə se Vəyn nə, “Pɛ̂pɛ Vɨm, Zhə̀ fɨmfe!”

Njɔyn 8:58

Njisə̀s ə pə̀ynsə̀ sê ghənə nə, “M piə sê ghàyn səmɔʼ nə, ə tè piə piə Aplàghâm mə ‹M nyîə nyi!›”

Ŋwàʼlè ə̀ Pɔ̂l sê ghɨə Lûmghè 9:5

Ghənə nyi əghɔ ghɔynə pɨa pɨa ghasènìghe. Kə tè piə Klâys kə wùə m̀sɔ̀ŋ, È tè fɨ pə̂yn ə ghənə etàŋ. Tsîtèzè nyì sê Zhə̀fè sə teshìŋə̀ tèkɨ̂m, ə Vəyn vɛ fɨave ekɨ̂m nyi ə vəyn etyə̂ àtyaʼ. Ə ze ə nyi ke zamə.

Ɛfesùs 3:9

fɨnə ndâʼà paynsə̂ èndom vɛ ə fɨ̂aʼ ekayntə Fèzhə̀ nə zɨ̂nə̀ kwìə ətəyn nâʼàpî se ndè. Ə̀ nyi eghɛ zɛ ə Zhə̀ fɛ ə fe fɛtə fɨa vekɨ̂m tè ndə̀te sê ghɨ ə shiə kə ə nyi zôyn,

Filìpây 2:6

È tè nyì ke kə Zhə̀fè nyi, pîza ə tàʼa njìə kɔʼsê ə ngɨŋə̂ Vəyn se mɔ̀msè sə nyi èghɨ yî Zhə̀fè.

Kòlosè 1:15

Wùə vîvè paʼà tyəmə̂ fe Fèzhə̀ è shiə vəynghe. Pîza ghɨghə tə ke Zhə̀fè kə ghənə tè fe Klâys kûmə̀ nə è nyi afusè ə Fezhə̀kè.

Kòlosè 1:17

Tsɔ̀fə kə pom fɨave ekɨ̂m ekwùtwəyn, è kɨsè əchi, Klâys tè kàyne nyi ndò. Ə̀ nyi Vəyn vɛ ə è nə̂ nə nâʼàpi àkè ə nyi elùʼ vɛ ə ke kyi sə̂ nyi ətəyn.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

Ipilù 13:8

Njisə̀s Klâys kwiynə̂ tsɛ̂ va, è nyì ke èghɨ kə è va nyi zhɔynghɛ, è ndàyn, nyi sə̂ nyi ke zamə nâʼà kə ghè tə ghayn.

Ipilù 7:3

Ə paʼà tsàyn ə ŋwàʼlə̀ Fezhə̀ nə pɨ̀a vəyn tè nyi nde ə, nyìə vəyn e nyi ndè ə. Ə pâʼà pì pî ghɛze kûmə̀ ghə̀pɨ̀a vəynghe, ə tàʼa pi eghɛ kûmə̀ ètuʼ vɛ ə tè piə vəyn ətəyn, e vɛ ə è tè kwu ətəyn. E za tyə̀nə̀ nə è və faŋ sə wùə èkɔʼsə nə èshyə̀ sə teshìŋə̀ tekɨ̂m kèpî kə Va Fèzhə̀.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

1 Njɔyn 5:7

Kûmə̀ nə ə̀ nyi əghɨ ə̀ ta ə ghe tyəm tsɛ̀ èsaʼ ekwùtwəyn, ə̀ nyi pɨ̀a, è vayn, è Zuʼse Ŋwaʼase. Ghɨ nə ghɨnə mə ə ta nyi sə afɨa àmɔ̀ʼ. Ndomte nyi teta se kê ə səmɔʼ kûmə̀ Njisə̀s.

Etyə̂yn ə paynsêzè 1:11

ə pìə nə, “Nyàʼ ghɛ ghɨnə ə ò fe nyi ə tiynsə̂ ŋwàʼlè ə̀təyn sê ndɛ sə Fezhə̀sè esɛ̀mbɛ sɛ ə se nyi ə setɔ̂ŋ seghaʼâsè esɛ̀mbɛ mə za nyi Ɛfesùs, è Sɨ̀minà, è Pengamùm, è Tyàtilà, è Sandìs, è Fìlàndefìyà, è Làndisyà.”

Etyə̂yn ə paynsêzè 1:17

Shɨ̂ŋə̀ kɛ ə m tè fe vəyn, ə pfɨ̀ə ə və shi nyi ke kə m kwu ndô, pîza è və ndə̀mə̀ àgho ekɔyn e twɔ ə vəynke ə mìə atu ə pìə sê mi nə, “Kə ò fayn, ə̀ nyi mi nyi zhə̀te fɨyn nyi kwùŋse,

Etyə̂yn ə paynsêzè 1:2

Njɔyn ə tə tsàyn ghɛ ghɛ ə è tè fe nâʼà ə̀kɨ̂m, mə ghɛ zɛ ə è tè fe tè nyi ewâmnè ə Fezhə̀zè è kɨsè səmɔʼ zɛ ə Njisə̀s Klâys tè wàmnə̀ kûmə̀ zə̂ynzè.

Etyə̂yn ə paynsêzè 1:8

Pɛ̂ Zhə̀fè pi nə, “M nyi zhə̀te fɨyn nyi kwùŋse. Ə̀ nyi fəynfe ə fe nyi, mə fe tè nyiə nyi, nyi se tə pə̀yn, ə pɛ̀ àtyaʼ akɨ̂m.”

Etyə̂yn ə paynsêzè 19:13

È tè nyi mə è və màʼ pfɨ̂fè mə ə tsɨ̀ mndəm, zɨə vəynze e nyi nə, “Tom ə̀ Fèzhə̀.”

Etyə̂yn ə paynsêzè 2:8

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Sɨ̀minà nə: ‹Tom zɨnə ndò sê mi vɛ ə m nyi Zhə̀te fɨyn nyi kepî Kwùŋse, ə mi vɛ ə m tè kwu ə kɛsə̂ pə̂ endam.

Etyə̂yn ə paynsêzè 21:6

È və pìə kəpi sê mi nə, “Mə nə̀yn ghɛ ghɨ̀nə̀ ə̀kɨ̂m! M nyi Alfà fɨyn nyi Òmengà, ə zhə̀te, è kwùŋse. Nâʼàpî ndè vɛ ə pfɨ̀ŋ m̀mò zuʼsə vəyn, m nə̀ fo èndom nə è mɨ môm ə tɔŋ m̀mò zɛ ə è fo mô mɛ ə m̀ fo ndamze ndɔ̀ʼɔ è ndaʼ.

Etyə̂yn ə paynsêzè 22:13

M nyi Alfà fɨyn nyi Òmengà, Ashi è Kwùŋseke, ə Zhə̀te è Mɨ̀se.”

Etyə̂yn ə paynsêzè 3:14

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Làndisyà nə: ‘Ə̀ zɨ̀nə nyi tom mə è ndò sê vɛ ə tɔŋtə nə, Àmə̀yn. È fɨ̀aʼà è təm ə vəynghe əkɨ̂m, fɨnə pìə səmɔʼ kûmə̀ Fèzhə̀. Zhə̀fè tè fɛte nâʼàpî ghè ə mbi tɔynə̂ ə vəyn.