Ipilù 8:2 - Ŋwàʼlè ə̀ Fèzhə̀ Mkâyn Mə̂ Fèm

² È fɨaʼà kə wùə èkɔʼsə nə̂ èshyə̀ engaŋtə kwəynə, elùʼ eŋwaʼ engaŋtə tsɛve, ə̀ nyi àpfɨ̀ə mə ə̀ tè pɛ ke nâʼà Pɛ̂pɛ, ə̀ vachi ə̀ gho ə wûə m̀sɔ̀ŋghe.

Ipilù 8:2 ပူးပေါင်းရင်းမြစ်များ

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Ŋwàʼlè ə̀ Pɔ̂l sê ghɨə Lûmghè 15:8

M tsâ se ghàyn nə Klâys tè pəyn sə wûə èfɨ̀aʼa sê ghɨ Njûsə̀ se tyə̀yn sê ghənə nə tsɨ̂nè ə Fezhə̀zè pfɨ̀ə tsɛ̂ va. È tè nəyn nyi se lwiynse etsɨnè zɛ ə Zhə̀fè tè nə̀yn sê pɨ̀a ə pɨ̀a ə ghənə̂ghè.

2 Kolìŋ 5:1

Ghâsènì nyiə ke nə pfɨ̀ə kɨnə ə ghâsènì ndamə ətəyn fayn ə mbi mə za nyi ewiyn ə ghasènìve, ezhoghɛ ə sâʼ tsɨ̂se, ə Zhə̀fè fo ndɛ sê ghâsènì ekwùtwəyn ndɔ̀ʼɔ pom è ghoghe, è nyi se ndamə faŋ.

Kòlosè 2:11

Kə ghàyn nyì sə afɨa àmɔ̀ʼ ghâyn ghə̀ Klâys, Klâys ə se nam ghaynghe. Se ə nam nə zɨ̂nə̀ vachi zɛ ə ghɨ msɔ̀ŋghe se wùə. Ə̀ nyi Klâys ə è se nam ghaynghe ə Sezuʼ. È və njì tsɨsè tsɨnè zâyn zə èpi.

Ipilù 10:11

Naʼapi wùə èkɔʼsə nə̂ èshyə̀ èkè nyiə nə̂ èfɨa ə vəynze tuʼmè m̀kɨ̂m, fo kə èkyì efoze emɔ̀ʼ sə te shîŋə̀ te tsɨəte pîza mə fo nə tɨnə mə vayn kaʼa te shu tsɨsè pi.

Ipilù 10:21

Ghâsènì kyi wùə èkɔʼsə nə èshyə̀ èghaʼâ, è naynə̂ nâʼàpî ghè ə ndɛ̂ Fèzhə̀.

Ipilù 11:10

Aplàghâm tè lɨmtə kə sê tɔ̂ŋ èghaʼâ zɛ ə Zhə̀fè tè pɨaʼte, ə pɛ, Tɔ̂ŋ èghaʼâ ə̀təyn e nyi se ndamə faŋə kə ndò.

Ipilù 9:1

Kàyn mə shîmè tè nyîə kyi èlwɔ̂ŋ engɨmnəve, è kɨsè luʼve mə ə nəyn nə ə ngɨmnə̂ Fèzhə̀ ətəyn.

Etyə̂yn ə paynsêzè 21:3

Mə fɨnə zɨə kyə̀ è tɛ zhîzè kə è fɨ pə̂yn əfekyə̀ fə efɔ̀yn fɛ̂, è zə pìə sê mi nə, “Fekə, Zhə̀fè ndamə yî ghə̀ ghɨ zôyn. Fe nə nyi yî ghə̀ ghənə, ghənə e nyi ə̀ghɨ vəynghe. Zhə̀fè è ngɨŋ vəyn nə nyi yî ghə̀ ghənə, nyi Fèzhə̀ fə ghənə̂fè.