Ipilù 6:2 - Ŋwàʼlè ə̀ Fèzhə̀ Mkâyn Mə̂ Fèm

² nə ghɨ kyi se fi mmo, nə kyi sə̂ ndə̀mə̀ ə̀gho ə ghɨghə tu pɔsə̂ ghənə, nə ghɨ tə zômə̀, nə Zhə̀fè tə saʼa ə̀ghɨ ə kwùŋse ə mbi.

Ipilù 6:2 ပူးပေါင်းရင်းမြစ်များ

Ətefɨ̂aʼ 6:6

Ghɨə pomə tè pəyn è ghənə sê ghɨətom ə Njisə̀sghè, ghənə ə ndə̀mə̀ ə̀gho əghɨ nə ghɨ̂yn ətu ə tsə̀mə̀ sê ghənə.

Ətefɨ̂aʼ 24:25

Kə Pɔ̂l tè wàmnə̀ kûmə̀ èndam ə chichize, è ndom vɛ ə wùə kàʼa è və chisə̂ ngɨŋə̂ vəyn ətəyn, è saʼ zɛ ə ze nyi se tə pə̀yn, fâynzè ə ko Felès, è və pìə nə, “Zə kwəyn za! Ò kàʼa ò ndo zôyn. M nə̀ tɔŋɔ̂ kwəynsə̂ ghò ashìŋə̀ kɛ m kyi zhəmke.

Ətefɨ̂aʼ 23:6

Ə̀ tè nyi kə Pɔ̂l fe nə ghɨ yîghe fa anɔ̀yn nyi əghɨ ə Sandùsîə, yîghe nyi ə̀ghɨ Falàsîə, è və pɨa pîə nâʼà sə ŋaŋ nə, “Ghɔnyì ghɨmə, m nyi wùə ə̀ Falàsî, mə pɨ̀a ghɨmə tè nyi ə ghɨə Falàsîə. Ə saʼa mi fayn kûmə̀ nə m pomə̂ nə Zhə̀fè tə nə̂, ə ghɨ kwutəghe zomə.”

Ətefɨ̂aʼ 17:18

Nɔ̂yn əghɨ̀ ə Epikulùskè è Sètoyìkè ə zhə̀tə̀ se saʼnê əghɛ yî ghə̀ Pɔ̂l. Yîghe e pfɨfə nə, “Wùə vɨ̀nə mɔ̀msə̀ se pì nə ghe, keva nâʼà èghɛ zhî zə?” Yîghe ə pə̀ynsə̀ nə, “È mɔ̀msə̀ sə̂ wàmnə̀ eghɛ kûmə̀ m̀zhə̀ mə ghɨatumə̀m.” Ghənə tè wàmnə̀ nyî kûmə̀ nə Pɔ̂l tè ndàʼa tom èchùŋ kûmə̀ Njisə̀s è kɨsè zômə̀ ə Vəynze.

Ətefɨ̂aʼ 16:33

Kè fumə ashìŋə̀ etuʼve, wùə ètsɨ̀ŋnə nə vɨ̂yn ə njìə ghənə ə shùə tèfiŋ tə ghənə̂tè. Kè fumə ashìŋə̀, ə fo m̀mo sê vəyn è ghɨ vəynghe sas ə ndɛ.

Ətefɨ̂aʼ 16:15

Ə pə̀ kə fo môm sê vəyn è ghɨə vəyn ghe sas ə ndɛghe, è və ke ndàmnè ə ghàs ə və ndɛ. È tè piə nə, “Ghàyn pəyn pɨəyn ə mìə ndɛ, ezhoghɛ ə ghàyn nyi mə ə chɔʼnê nə m nyi wùə èpomə ə̀ Pɛ̂pɛ səmɔʼ.” È və chyatə̂ tsɛsə̀ ghàs, ghàs ə ndùə.

Ətefɨ̂aʼ 10:47

“Ghɨ ghɨnə nyi mə Zuʼse Ŋwaʼase ə pə̀yn sê ghənə kèpi kə se tè pə̀yn sê ghàs. Ə̀ nyiə kàʼa ə fɨyn tâsè ghè nə kə ghənə fi môm mə?”

Ətefɨ̂aʼ 2:41

Kûmə̀ nyi, ghɨ tsɨə ghe ə pomə̂ ewâmnè ə Pità nə zɨ̂yn, ə fiə m̀mo. Ghɨghe ə paʼsə̂ anɔ̀yn ə ghɨe poməke etuʼ nə vɛ se zaʼâ sekam sèta.

Ətefɨ̂aʼ 2:38

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Njɔyn 1:33

Pî kə m tè nyìəm ke va nə ə̀ nyi Vəyn. Pîza, Zhə̀fè kə Fe tè tom mi nə m fo môm è môm, tè nyi mə È və pì sê mi nə, ‹O tə fe ə Zuʼsə Fezhə̀sè tso pəyn ə se masə̂ ə wùə ətu, ə̀ nyi Vəyn vɛ ə È fo môm è Zuʼse ŋwaʼase.›”

Ŋwàʼlè ə̀ Mâk 16:16

Ə̂ pomə pîndè, ə fiə m̀mo, ə è tə kyî esɔzaze. Ə̀ faŋa pîndè se pomə̂, ə è tə kyî èpɔynsê.

Matyò 28:19

Ghàyn ndu zôyn sê ndaʼà tekɨ̂m nâʼàpî ghayn ə nəyn nə ghɨghe ə nyi sèchùmtè èpàm sɨmse. Ghàyn fo môm se ghənə ezə ə pɨ̀aze, è zə vaynze è zə ə Sezuʼse Ŋwaʼase.

2 Pità 3:7

Pîza kwutwəyn vɛ ə ve nyi zôyn, è chi kɛ ə ke nyi zôyn nyi mə ə̀ pisə̂ zâ Fèzhə̀ tɔynə̂ kəpî fɛ ə vəyn ewàmnè kə shîŋə̀kè tə kwəyn, ə è pofse ghənə è wusve. È pisə̂ zâ ghənə sê shîŋə̀ kɛ ə è tə saʼà pofsə ghɨ ghɛ ə ghe ke va vəyn.

Ipilù 11:35

Tɔynə̂ ekyî epomə̂zè, Zəynghe ə tə kɛse kyi ghɨ ə ghənə ghɛ ə ghe tè nyi mə ghə kwu kə zômsè. Ə tè fo tsôsè sê ghɨə mɔ̀ʼɔ nâʼà sə ŋaŋ kûmə̀ nə ghənə ə tə tə nə ghənə fiə va sɔ̂sèzè, ghənə ə tə pomə̂ se kwu se kyi endam echûŋzè ezhoghɛ ə kɛse zômə̀.

Ipilù 9:10

Fɨa nə vɨnə ə tsâ nyî, kyi ke èghɛ se nə̀yn èfɨa e zhiəve è kɨsè lɨ̀m, è lwɔ̂ŋ əmɔ̀ʼɔve sə̂ shûə ə̀gho, ə̀ vɨnə nyì ke elwɔ̂ŋ ə senjyà sə ewìynse, nyi se mì ashìŋə̀ kɛ Zhə̀fè kɛse fɛte fɨave sə fe.

2 Timotì 2:18

Ghənə ə zà ndom ə səmɔʼve, nə̂ nə kyî epomə̂ əghɨ̀ ə pomə yîghe ə nyi mə zə sàʼtè tɔynə̂ eghɛ zɛ ə ghənə pîə nə, Zhə̀fè nyi mə fə kàynè zômsè ghâsènì.

Kòlosè 2:12

Kə tè fo mômè se ghàyn, e tè nyi kəpiə ghàyn ə kwu, ə pfɨ̀mə̀ ghàyn, Zhə̀fè ə zômsə̀ ghàyn è Klâys. Zɨnə tè kyàyn se ghàyn kûmə̀ nə, ghàyn ə tə pomə̂ nə tyaʼa Fezhə̀ kɛ ə ke tè zòmse Klâys tə zômsə̀ kəpi ndò ghàyn.

Filìpây 3:21

È tyaʼ ə Vəyn kɛ ə ke naynə ghɛghe əkɨ̂m, è tə kwiynə̂ àchaʼ ewìyn ə ghâsènì kɨ̂nə̀, ewiyn vɛ ə ve kyi va tyaʼke, kə ghâsènì tə kyi kàyntè èwìyn kè kə È tè kyi ashìŋə̀ kɛ ə Zhə̀fè tè zòmse Vəyn.

1 Kɔlìŋ 12:13

Kèpi famə endom, ghâsènì əkɨ̂m, kɨ̀sə əghɨ ə Njûsə̀, kɨ̀sə əghɨ ghɛ ə va əghɨ Njûsghè, kɨ̀sə ekɔ̂s, kɨ̀sə ghɛ ə va ekɔ̂s, Zuʼ sɨ̂nə̀ semɔ̀ʼ ə tə fo ghâsènì môm kə ghâsènì ə nyi èwiyn emɔ̀ʼ, Zhə̀fè ə ndə̀mə̀ Sèzuʼ nə sɨ̂nə̀ semɔ̀ʼ ə ghâsènì əkɨ̂m ətəm.

1 Kɔlìŋ 10:2

Shîŋə̀ kɛ ə ghənə tè nyì fumə əfètə̂ sèmbàʼ è kɨsè ə enjwì ə fengwaŋve, ə tə fo môm se ghənə kə se chùmtè èpàm sə Mosîsè.

Ŋwàʼlè ə̀ Pɔ̂l sê ghɨə Lûmghè 2:16

E za tyə̀nə̀ nə ə Fetuʼ fə saʼfe, Zhə̀fè tə saʼa ə̀ghɨ ə̀kɨ̂m ətə̂ ə̀ghɛ ghɛ ə ghənə kwaʼtə̀, è ghɛ ə ghənə ndə̂tə̀ nə̂ ndô. È tə fo Njisə̀s è tyaʼ nə kɛmə nə È saʼ ghɨghe. Ə̀ ghɨnə nyi əghɛ ghɛ ə m tsâ sê ghɨghe ezhoghɛ ə m ndaʼà tom èchùŋ.

Ətefɨ̂aʼ 26:8

Kûmə̀ ghè ə ze tɛ ghaʼa ghàyn ghɨ Njûsə̀ se pomə nə Zhə̀fè zòmsə̀ ndò ghɨ ghɛ ə ghe nyi mə ghə kwuə?

Ətefɨ̂aʼ 24:21

Ə̀ tsɛ̂ kə va ghɛ zɨ̀nə̀ èmɔ̀ʼ m tè tɔŋte fɨsê kə m tè tyəm ashi ə se saʼa: ghàyn saʼa mi ndâyn kûmə̀ nə m pomə̂ nə ghɨə tə fɨnə zômə̀.”

Ətefɨ̂aʼ 24:15

M kyi kepî èkwaʼtè èghɨ sê Zhə̀fè kə ghɨ ghɨ̀nə kyi, te nyi nə, ghɨ ghəkɨ̂m kɨ̀sə ghe chûŋə̀ kɨ̀sə ghe pighe tə kɛsə̂ zômə̀.

Ətefɨ̂aʼ 4:2

Ghənə tè pə̀ zâ nyɔ̂ʼsə̀ ètɔŋ kûmə̀ nə Pità yî Njɔyn tè zaʼlə sê ghɨ nə Njisə̀s ə zòmə̀, ze tyə̂nə̀ nə ghɨə ghɛ ə nyi mə ə kwu tə zômə̀.

Njɔyn 5:29

ə fɨ pəyn ə ghənə ə tè shyə̀: ghɨ ghɛ ghe nyi mə ghə nə̀yn ghɛ ə chûŋə̀ tə zômə̀ ə ndam, ə ghɨ ghɛ ghe nyi mə ghə nə̀yn pi tə zômə̀ ə poynse ghənə.

Tom èchùŋ kè kə Lûk tè nyaʼ 14:14

Ə ò nə̀yn za, ə pɔsêzè pə̀yn sê ghò kûmə̀ nə ghənə tə kɛsə̂ ndâʼà va gho. Ə Zhə̀fè tə ndàʼ ghò etuʼ vɛ ghɨ ghɛ ghe nyi chichi ə və shi kɛse zômə̀.”

Tom èchùŋ kè kə Lûk tè nyaʼ 12:50

M kyi se kyiə mtsəfle sə shi. Ghɛ ətəynze e fo ngəʼ sê mi nâʼà sə ŋaŋ, m tsə̂mə̀ nə m̀ pə̀yn tsɛ!

Tom èchùŋ kè kə Lûk tè nyaʼ 11:38

Wùə Falàsî nə vɛ e nyi è kâyn se fe nə Njisə̀s ə zhi ndɔ̀ʼɔ è shu gho.

Tom èchùŋ kè kə Lûk tè nyaʼ 3:16

Njɔyn ə piə kə sê ghənə əkɨ̂m nə, “M fo m̀mo sê ghàyn kè nâʼà è mômə tsòm, pîza wùə pə̂ ndò ə mi epàm tsɛ̂ mi, m kwənə pi va se zhə̂nə̀ se kwɨ̀l sə sepfɨ sə ghòl sə vəynse, è tə nə̀ ə è və fo m̀mo sê ghàyn è Zuʼse Ŋwaʼase è kɨ̂sè èwuse.

Ŋwàʼlè ə̀ Mâk 7:8

Ghàyn ə maʼa lâŋ ə Fezhə̀kè, ə tɔ̀ʼɔ̀ kyiə kə èzaʼlê ə wûə m̀sɔ̀ŋze.”

Matyò 3:14

Pîza Njɔyn e mɔ̂msə̀ se nə̀yn nə Njisə̀s kwiyne kwâʼtè ə Vəynze pîə nə, “Ə̀ kyi ghò se fo m̀mo sê mi, ə pɨlə pə̀ ghò nə m fo môm sê ghò zayn zə?”

2 Kolìŋ 5:10

E nyi nyî kûmə̀ nə nâʼà ghâsènì ə̀kɨ̂m tə tyəmə̂ ə Klâys əshi, ə È saʼ ghâsènì. Nâʼàpî ndè tə kyiə àfɨa kɛ ə è nyì se kyi əghɛ ghɛ ə è tè nə kə è tè nyì fâyn ewìyn, kɨ̀sə ə̀ tè nyi əghɛ ə pighe, kɨ̀sə ə̀ tè nyi ghe chûŋə̀.

Ətefɨ̂aʼ 13:3

Ə pə̀ kə fɨ̀aʼtè sɛ è tyə̀ynsèsè mɨ̀sè tsə̂mzè è pam echo, ghənə ə ndə̀mə̀ ə̀gho ə Pànapàs yî Sɔ̂l ətu, ə tomə fɨsə̂ ghənə nə ndu ə nə̂ èfɨ̂aʼ ətəyn.