Ipilù 5:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

Ipilù 5:9 ပူးပေါင်းရင်းမြစ်များ

Matyò 17:5

Kə è tè pa wâmnə̀, mbàʼ sefɨfə nyaynəse ə tso ə ghənə ətu ə kɨyte ghənə, Kyə̀ ə fɨə fu ə fètə̂ sèmbàʼ pîə nə, “Ə̀ vɨ̂nə nyi Vayn vɛ M kɔ̂ŋə̀, È nə̀ M saŋnə̂. Ghàyn zɨə sê vəyn.”

Tom èchùŋ kè kə Lûk tè nyaʼ 13:32

È və piə sê ghənə nə, “Ghàyn ndù tsàyn sê sɔ̀ŋɔ̀ nə̂ fɛ nə, ‹M chûmə̀ fɨsə̂ tèpamə̂ tə satàyntè ndâyn ə m fɨyn tsuʼ ə̀ ghɨ se zaʼâ eyisəʼə. Ə nyi sə mtuʼ mta, ə m se mɨ̀sè efɨa zɨme.›”

Njɔyn 19:30

Njisə̀s ə mɨə mlɨ̂ me ngwaŋə̂m mə̂təynm ə pìə nə, “Zə mì. Kè sə ashìŋə̀, e və ngɨmsə̂ àtu ə Vəynke ə kwuə.”

Ətefɨ̂aʼ 3:15

Ghàyn ə nə̀, ə zhwiə wùə vɛ ə è pə̂ endam ə səmɔʼze sè ghɨghe, pîza Zhə̀fè ə nə̀, È və zòmə̀. Ghàs nyi setsɛ̀ èsaʼ eghɛ nə zɨ̂yn.

Ətefɨ̂aʼ 4:12

Ə̀ nyì ke Vəyn ènɨŋ ə È kàʼa ə È sɔza ə̀ghɨ, kûmə̀ nə Zhə̀fè pâʼà fɨyn fo wùə vîvè ə mbi kə è kàʼa ə è sɔza ghâsènì.”

Ətefɨ̂aʼ 5:32

Ghàs nyi setsɛ̀saʼ əghɛ nə ghɨ̂yn. Zuʼse Ŋwaʼase nyi kepî tsɛ̀èsaʼ. Mə nyi efo ə Fezhə̀zè sê ghɨ ghɛ ə ghe zɨə sê Vəyn.”

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 10:16

Pîza, ə̀ vachi əghɨ Isìlâyghè əkɨ̂m ə tè pomə tom èchùŋ ə̀təyn. Fɨ̀aʼtè Èsayà è ngɨŋə̂ vəyn nyi mə è və tə wàmnè kûmə̀ èghɛ nə zɨ̂yn nə, “Pɛ̂pɛ ə̀ zɨ nde tom zâszè ə pomə̂ ə?”

Ŋwàʼlè ə̀ Pɔ̂l sê ghɨə Lûmghè 15:18

M vayn kaʼa m wamne ghɛ zhize ə̀ tsɛ̂ kə va se wàmnè kûmə̀ èfɨaʼ zɛ ə Klâys nə̀yn, m nyi kàʼa m nəyn nə ghɨ ghɛ ə̀ vachi ə̀ghɨ ə Njûsghè ə nə̂ kə Zhə̀fè kyiŋə. Ghɛ ghɛ m wâmnè, è ghɛ ə m nə̂yn nyi əghɛ ghɛ ə ghənə kyi se wàmnè, è kɨsè se nə̀yn.

Ŋwàʼlè ə̀ Pɔ̂l sê ghɨə Lûmghè 2:8

Pîza ghɨə mɔ̀ʼɔ kwaʼtə̀ kə se ngɨŋ sə ghənə̂sè, tə se pomə̂ nə ghɛ zɛ ə Zhə̀fè pìə nyì səmɔʼ, ghənə e nə̂ ə̀ghɛ ghɛ ə Zhə̀fè pìə nə ghe tsɔ̂fə̀ va. Zhə̀fè tə tyə̂nə̀ ènyɔ̂ʼsè etɔŋ ə vəyn sê kyì əghɨ̀ nə ghɨ̂yn, ə È pɔynse ghənə.

Ŋwàʼlè ə̀ Pɔ̂l sê ghɨə Lûmghè 6:17

Pîza zɔ̀ŋnèkè nyì se Zhə̀fè. Ghàyn ghɛ ə ghàyn tè nyi kɔ̂svè etyə̂ ə̀ghɛ ə pighe, ghàyn ə zàmaʼà ndom nə vɛ mə, ə nyaʼâ chumtə̀ ə̀ghɛ ghɛ ə ghe nyi səmɔʼ è təm ghaynghe əkɨ̂m.

2 Kolìŋ 10:5

Ghàs pofsə̂ èsaʼnê, è wâmnè tə eghaŋsə nə ewìyn tɛ ə te nə̂ nə kə ghɨə ke Zhə̀fè. Ghàs chisə tèkwâʼtè tə ghɨ̀tè, nə̂ nə ghənə ə nə̂ ə̀ghɛ endom vɛ ə Klâys kyiŋə.

Filìpây 2:12

Ghɔnyì ghɨmghe kɔ̀ŋghè, ghàyn tè nyiə zɨə èghɛ zɛ ə m tè pìə kə m tè nyì ghâsènì. Pi zôyn kə m va ə ghàyn ə ngwùŋ, e nyîə ngəsə̂ tsɔ̂fə̀ nə ghàyn nəyn fɨ̂aʼ zɛ m tè pi nə ghàyn nəyn. Ghàyn e kyi èfâyn ə ghàyn ə fètəyn, tsosə̂ sèngɨŋ saynse əchi ə Və shi. Ghàyn momse nâʼà ètyaʼke se nə̀yn efɨaʼ zɛ ə Zhə̀fè kyiŋə nə ghàyn nəyn kə sɔza zɛ ə ghàyn nyi mə ə kyî ə nyi mə ze ə lwiyn kwəyn.

2 Tèsàlonikà 1:8

Ə̀ tə pə̂ nyi kə è tso pə̂ yî tsì sə vəyn nə sɛ, ə wûsmə pɛ̂, ə è fɨ̂aʼ è wus nə vɨnə̀ se fo ètsôs sê ghɨ ghɛ ə ghənə tè tə Zhə̀fè, nə̂ va ghɛ zɛ ə tom èchùŋ kûmə̀ Pɛ̂pɛ ə̀ ghâsènì Njisə̀s Klâys pìə.

2 Tèsàlonikà 2:16

Ə Pɛ̂pɛ ə ghâsènì Njisə̀s Klâys nâʼà è ngɨŋ ə vəyn yî Zhə̀fè Pɨ̀a ghâsènì vɛ ə è tè kɔ̀ŋə ghâsènì ə fo ghâsènì è təmə tɛghe, è kwaʼtè elɨmtə zɛ ə ze tə mîə va tɔynə̂ ə vəyn afùʼ.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

Ipilù 1:14

E za tyə̀nə̀ nə, tsìsè nyi kə sezuʼ kə se fɨaʼà sê Zhə̀fè, tsâmtə̀ ə̀ghɨ ghɛ ə Zhə̀fè nyì se sɔzà.

Ipilù 11:40

Ze tè nyi nyî kûmə̀ nə Zhə̀fè tè nyi mə fə pɨaʼtê fɨake sê ghâsènì, ke kɔʼnə̂ tsɛ̂. È tè nəyn nyiəmə kə fe kaʼa ə fe nəyn ə ghənə nyi chichi paʼsə̂ kə è ghâsènì əmɔʼ.

Ipilù 11:8

Ə̀ tè nyi tɔynə̂ ekyî epomə̂zè kə Aplàghâm tè zɨ sê Zhə̀fè kə fe tɔŋə vəyn nə è ndu endaʼ zɛ ə Zhə̀fè tsɨ̀nè nə fe nə̀ fo sê vəyn. È və zɨə ə ndò ndûə nyiəm ke pî va ndaʼ ətəynze.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

Ipilù 2:10

Ə̀ tè nyì ke nâʼà èghɛ echûŋzè nə Zhə̀ fɛ ə fe tè fɛte fɨave ekɨ̂m, ə nə̂ kəpî nə ze ə pɔynə̂ kə fɨa ətəynve ə nyi kendò, è və nə̀ nə Njisə̀s fe tsôsvè se kwəynê ə mɨsè, kə è nji pəyn è ghɨə tsɨəghe ə vəyn epomsê, kûmə̀ nə ə̀ nyì Njisə̀s kə è chwìtə̀ ndom esɔzave sê ghənə.

Ipilù 2:3

E za tyə̀nə̀ nə, kə ghâsènì se nyi mə zɨə ghɛze kûmə̀ èsɔza ekayntə zɛ ə Zhə̀fè fo, ə ghâsènì tàʼa zɨ, ə ghâsènì tə tàʼa tə fɨ ə ngəʼ zɛ ə Zhə̀fè nyi se tə fo. Tom nə zɨ̂yn nyi mə ə̀ tè ndàʼa ke nâʼà Pɛ̂pɛ sə shi, ghɨ ghɛ ə ghe tè zɨ, ə tə tyə̀yn paynsê sê ghàs nə ze nyi ke nâʼà səmɔʼ.

Ipilù 9:12

Klâys tè paʼà njì ndəm mə nyàm nyiə kə pfɨ kɨ̀sə nyàm ə̀ mbɔ̀lɔ se nji è mənə̀m Elùʼ eŋwaʼ engaŋtə kwəynəve. È tè pɨl nji ke mndəm mə Və̂ynmè ə nji fu, shîŋə̀ze èmɔ̀ʼ, ə zhɔnə àtuə ghasènìke kè eshîŋə̀.

Ipilù 9:15

Ə̀ za nyi eghɛ ze ə Klâys nyi wùə vɛ ə è pɨaʼte kâyn me fɛ̂m se nə̀yn nə ghɨ ghɛ ə Zhə̀fè tɔŋɔ kyi pɔsê endamə faŋə zɛ ə fe tsɨ̂nè. E nyi nyî kûmə̀ nə Klâys ə tə kwu se sɔza əghɨ ə sepi sɛ ə ghənə tè nə̂ ə shɨŋ zɛ ə kàyn mə èmɨmè tè pa kyi àtyaʼ.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

Njût 1:21

Ghàyn ndu ke èshike sə̂ ndamə èndam zaynze endom vɛ ə ghɨ ghɛ ə kɔ̂ŋə̀ Zhə̀fè kyi sə̂ ndamə kə ghàyn lɨmtə nə Pɛ̂pɛ ə̀ ghâsènì Njisə̀s Klâys pəyn tyəyn ekosê esəyn sê ghâsènì tɔynə̂ endam zɛ ə è tə fo sê ghâsènì mə ze tə mìə va.