Ipilù 5:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Nâʼàpî kə Njisə̀s tè nyi Vâ Fèzhə̀, è və tə zaʼlê sə̂ zɨə Fèzhə̀ əfètə̂ tètsòs tɛ ə è tè nyi ətəyn.

Ipilù 5:8 ပူးပေါင်းရင်းမြစ်များ

Filìpây 2:8

È və tə njì wiyn ə wûə m̀sɔ̀ŋve, ə tsosə̂ ngɨŋə̂ Vəyn əchi, ə pomə̂ se kwu. È və tə pomə pî se kwu, ekwu awâmnèzè.

Njɔyn 4:34

Njisə̀s ə pìə sê ghənə nə, “Fɨazhiə vɨmve nyi se nə̀yn efɨaʼ ə Vɛ ə È tom Mi nə M nəyn è kɨsè se mɨsè efɨ̂aʼ zɛ ə È tom nə M pəyn nəyn.

Njɔyn 15:10

Ə ghàyn ndə̀mə̀ lwɔ̂ŋ vɨmve, M mə pa kɔ̂ŋɔ̀ kə ndò ghàyn. E nyi kepî èghɨ kə M ndəmə̀ lwɔ̂ŋ ə Pɨ̀a vɨ̂mvè, è pa kɔ̂ŋɔ̀ kə ndò Mi.

Njɔyn 6:38

Kûmə̀ nə M paʼà tso pəyn ekwùtwəyn se nə̀yn eghɛ zɛ M kɔ̂ŋɔ̀, pîza se nə̀yn ə zɛ ə Pɨ̀a Vɨ̂m vɛ ə È tom Mi kɔ̂ŋɔ̀.

Ipilù 3:6

Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

Ipilù 1:8

Pîza ə̀ tè nyi kə fe wâmnə̀ kûmə̀ Va vəyn, fə pìə nə: “Fɔ̂yn vɛve ə Zhə̀fè tə ndamə faŋə kəndò! Ò saʼa ə̀ghɨ ghɛghe kɔ̂ŋə̀ va ghɨ mɔ̀ʼɔghe tsɛ̂ yîghe.

Ipilù 1:5

E nyi ke nâʼà nyî endom nə tsì vîvè va ə Zhə̀fè tyəm pî sê zə̂yn nə, “Ò nyi Vayn vɨm; se zhə̀tè ndàyn, m nyi Pɨ̀a sê ghò.” Zhə̀fè pâʼà tyəmə wàmnə̀ kûmə̀ tsìə vəyn ə pìə nə, “M tə nə̂ ə mə nyi Pɨ̀a sê vəyn, è nyi Vayn sê mi.”

Matyò 3:15

Pîza, Njisə̀s ə pə̀ynsə̀ sê vəyn nə, “Za ə zə nyi ke zamə kè fa ashìŋə̀. Famə endom, ə ghâsènì nə nəyn ə̀ghɛ ə̀kɨ̂m ghɛ ə Zhə̀fè kyiŋə.” Njɔyn ə se pomə̂ se fo Vəyn è môm.

Ipilù 1:2

Pîza, e sè nyi ə mtuʼ me kwùŋsə̂ mɨ̀yn mə Fə wàmnè sê ghâsènì tɔynə̂ ə Va vəyn. Zhə̀fè tè se nyi mə fə ndə̀m nə fe tə fo nâʼàpî ghè ə mbi sê Va vəyn, mə fe tè pom mbi è nâʼàpî è ghè ətəyn tɔynə̂ kə ə Va ə̀ vəyn nə vɨ̂yn.

Njɔyn 10:18

Wùə vîvè va ə è kàʼa è nji tsɨsè èndam zɨme se Mi. Ə̀ kɔ̀ŋɔ̀ kə nâʼà Mi se kwu. M nyîə kyi àtyaʼ se fo endam Zɨme, fɨyn kyi àtyaʼ se kɛsə fiə pə̀yn. Ə̀ zɨnə nyi eghɛ zɛ ə Pɨ̀a nyi mə È və fo tyaʼa nə Mə nə̂.”