Ipilù 5:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ə̀ tè nyi kə Njisə̀s pa ndamə fa chi, è nə̂ è və tsə̂mə̀ sê Zhə̀fè, pɨa chîə. È tè tsə̂mə̀ nyì kûmə̀ nə è tè ke ndô nə Zhə̀fè nyîə kyi àtyaʼ se sɔza vəyn ekwu. Zhə̀fè ə tə zɨ vəyn kûmə̀ nə è və tə tsosê ngɨŋə̂ vəyn, ə fo zə̂ynzè sê Zhə̀fè.

Ipilù 5:7 ပူးပေါင်းရင်းမြစ်များ

Matyò 27:46

Ə̀ nyì famə ashìŋə̀ kə Njisə̀s tè pɨa chi è kyə̀ ètɛ nə, “Èli, Èli, lama sapatanì?” mə è za pîə nə, “Zhə̀ fɨmfe, Zhə̀ fɨmfe, kûmə̀ ghè ə ò zàmaʼà mi ə?”

Matyò 27:50

Njisə̀s ə fɨnə pɨa chîə nâʼà èkyə̀ ètɛ ə kwuə.

Ŋwàʼlè ə̀ Mâk 15:34

Ə sechwìə sèta, Njisə̀s ə pɨa pîə nâʼà è kyə̀ è tɛ nə, “Èli, Èli, lama sapatanì?” Mə è za pìə nə, “Zhə̀ fɨmfe, Zhə̀ fɨmfe, kûmə̀ ghè ə ò kyiyne miə?”

Ŋwàʼlè ə̀ Mâk 15:37

Njisə̀s ə pɨa chîə ə zhwìsə̀ àzhwìsè e kwuŋsəke.

Tom èchùŋ kè kə Lûk tè nyaʼ 23:46

Njisə̀s ə chîə nâʼà è kyə̀ etɛ ə piə nə, “Pɛ, m fo àzhwìsè kɨmke ə ò gho!” È və wamnə̀ pə̂ nyi ə tɨmə àzhwìsè ə kwûŋsə̀ a.

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 11:35

Njisə̀s ə chìə.

Njɔyn 11:42

M ke ndô nə Ò ndamə zɨə ndò tsə̂m zɨme. Pîza m wàmnə̀ zôyn sə chùŋ ə̀ghɨ ghɨ̀yn ə ghe tyəm fâyn, kə ghənə pomə nə ə̀ tom ghô è Mi.”

Njɔyn 17:1

Ə pə̀ kə Njisə̀s wàmnè mɨ̂sè ghɛ nə ghɨ̂yn ə naynə̂ kɔʼsə̂ è kwùtwəyn ə tsə̀mə̀ nə, “Pɛ̂, shîŋə̀kè ə kwəyn zôyn. Fo pomsê ekayntəze sê Vayn vɛ, kə Vayn vɛ̂vè fo pomsê ekayntəze sê Ghò,

Ŋwàʼlè ə̀ Pɔ̂l sê ghɨə Lûmghè 8:3

Ghɛ zɛ lâŋkè tè vayn kàʼa ə ke nəyn, kûmə̀ nə wiyn ə wûə m̀sɔ̀ŋve tè kiva tyaʼke se njiə tsɨ̀sè ə pi. Nyiəmə Zhə̀fè ə tə nə̀yn ghɛze mə lâŋkè tè vayn kàʼa ə ke nəyn. È və tə tom Vâ vəyn ewìyn ə wûə m̀sɔ̀ŋ vɛ ə ve nə̂ pi nə È mɨse tyaʼa ghɛ pike. Kə Zhə̀fè tè nəyn nyiəmə, È və mɨ̀sə̀ àtyaʼ əghɛ ə pighe ə wùə m̀sɔ̀ŋ ewìyn.

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Ipilù 10:10

Kûmə̀ nə Njisə̀s Klâys ə tə nə̀yn ghɛ zɛ ə Zhə̀fè tè kyiŋə nə è nəyn, ze ə nə̀yn nə ghâsènì ə zo ə ghɛ ə pighe, tɔynə̂ efo zɛ ə è tè fo wiyn ə vəynve kè shîŋə̀ze mɔ̀ʼ.

Ipilù 10:5

Ə̀ za nyi eghɛ zɛ ə tè nyi kə Klâys pə̂ ə mbi, è və pìə sê Zhə̀fè nə: “Ò kyiŋə va nə ghɨghe ə se sènyam sê ghò, kyiŋə va nə ə fo tèfo sê ghò, pîza o fo mi è wiynve.

Ipilù 11:7

Ə̀ tè nəyn ekyî epomə̂zè nə Nuwà zɨ fɨ̀as zɛ ə Zhə̀fè tè fo kûmə̀ əghɛ ghɛ ə ghe nyi se tə kyàyn ndɔ̀ʼɔ è nyiəm fe è shize. Nyiəmə ə pofsə̂ mbi, Zhə̀fè ə njìə Nuwà sə wûə chichi kûmə̀ èkyî èpomə̂ ə vəynze.

Ipilù 12:28

Ghâsènì kyi sə fo àzɔ̀ŋnè sê Zhə̀fè kə fe fo luʼ efɔ̀ynvè sê ghâsènì mə ə vayn kaʼa nəʼse vəynve. Ə ghâsènì ə fo àzɔ̀ŋnè, ngɨmnə̂ fəynfe endom vɛ ə fe kɔŋə̀ ətəyn, è ngɨmnê eghaʼazè, è fâyn zɛ ə vâ Fèzhə̀ kyi sə̂ kyi,

Ipilù 13:20

M tsə̂mə̀ nə Zhə̀ fɛ ə fe fo pɔ̂ynè sê ghɨghe, ə Fezhə̀ fɛ ə fe tè kɛse nji pəyn è Pɛ̂pɛ ə̀ ghâsènì Njisə̀s Klâys mə è nyi ngyəyn èghaʼâ ə̀ sèndzè sê kwuze tɔynə̂ mndəm mə m̀kàyn mɛ ə ndamə faŋə,

Ipilù 2:14

Ghɔyn nə ghɨyn ə è tè pìə, nyi ke nâʼà ə̀ghɨ, kyi sènjyàse wìynse è ndə̂mə̀m. Ə̀ za nyi eghɛ zɛ ə ze tè nəyn, Njisə̀s è ngɨŋə̂ vəyn e sè nyi kepî wùə kə ghənə kə è kwu ə è pofse vəyn vɛ ə è nə̂ nə ghɨ ghə kwuə, mə za nyi ndə̂plè.

1 Njɔyn 4:3

Pîza ə̂ kwiynse pîndè nə Njisə̀s tè paʼà pə̀yn famə endom, ə nyi mə è kyi va zuʼ sə Fezhə̀sè. Ə zə nyi nə zuʼ sɛ ə è kyi ndô pə̂ se pàyn ə̀ Klâys. Ghàyn ə tə zɨ nə se tə pə̂, se se kâynè nyi ndò ə mbi zôyn.

2 Njɔyn 1:7

Ghɨə akaŋ ghə fɨ kwîə tsɛ̂ ə mbi, tsɨ̀ə kə nyi, pomə̂ va nə Njisə̀s Klâys ə tə pə̀ ə chi ewiyn ə wûəvè. Nâʼàpî ndè əfètə̂ ə̀ ghɨ nə ghɨyn nyi pàyn ə Klâys, lesə̂ əghɨ.