Ipilù 5:2 - Ŋwàʼlè ə̀ Fèzhə̀ Mkâyn Mə̂ Fèm

² Wùə èkɔʼsə nə eshyə̀ engaŋtə kwəynə nə vɨ̂yn nyi kàʼa ə è və pɔynə̂ sê ghɨ ghɛ ə ghe ke va ghɛghe nə̂ pofsə̂, kûmə̀ nə nâʼà vəyn sə və ngɨŋ nyi kepî wùə pɔŋɔ pɔylə̂.

Ipilù 5:2 ပူးပေါင်းရင်းမြစ်များ

Tom èchùŋ kè kə Lûk tè nyaʼ 22:32

pîza mə tsə̀m se ghò nə kə̂ pomə zɛze nə pfɨ mɨ̂sè. O kɛse pəyn se mi o nəyn kə təmə ghɔnɛ ghə tɛ.”

2 Kolìŋ 11:30

Ə m nyi sə̂ pfɨ̂nə̀ àngàŋtè, ə mə pfɨnə̀ kûmə̀ ə̀ghɛ ghɛ ə ghe tyə̀nə̀ nə m nyîə pɔ.

2 Kolìŋ 12:5

M nə̀ pfɨnə ngàŋtèkè kûmə̀ wùə nə vɨ̂yn, va sə̂ pfɨnə̀ kûmə̀ ngɨŋ zɨ̂mzè. M kaʼa m pfɨyn ke àngàŋtè kûmə̀ ngɨŋ zɨm ə fe nyi eghɛ se tyə̀yn nə m nyîə pɔ.

Ngàleshyà 4:13

Ghàyn ke nə m tè pə̀yn tsâyn tom è chùŋ sê ghàyn sə shi mə ə̀ nəyn ezaf kə m zafə.

Ɛfesùs 4:18

Ghənə zɨə kê va ghɛ, ke va ghɛ kûmə̀ èndam ə Fèzhə̀ kûmə̀ àngo ə ghənə̂kè mə ə̀ pə̀yn atu ə tɛ kɛ ə ghənə kyi.

1 Timotì 1:13

pi kə m tè nyi mə mə wàmnè ghɛ epighe sə mɨ kûmə̀ Vəyn, ə tsə̀fsə̀ Vəyn, ə fɨnə sôylə̀ Vəyn. Pîza Zhə̀fè tè nyîə kyi èkosê esəyn sê mi kûmə̀ nə m tè nyìəm kyi va kyî epomə̂zè, nyiəmə, nə̂ èghɛ nə zɨnə mə kepî va ghɛ zɛ m nə̂.

Ipilù 12:13

Ghàyn e kwiə kə endom e naynə ve kə fɨəyn kɛ ə ke nyi mə kə ndəm za tàʼa fɨ̀as ə mɨ̀sè, ə ke pɨl tɛ ndò.

Ipilù 2:17

Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.

Ipilù 2:18

Ə̀ zô nyi mə è kàʼa è tsamte ghɨ ghɛ ə mɔ̂mè pə̀ sê ghənə kûmə̀ nə mɔ̂mzè ə tə pə̀yn kepî sê vəyn, è və fe ètsôs.

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.

Ipilù 7:28

Ghɨ ghɛ ə Lâŋ ə Mosîskè tè pomə nə ndəm sə ghɨ̀ ə kɔʼsə nə eshyə̀ engaŋtə kwəynəghe, tè nyì ke ə̀ghɨ kə əghɨ mɔ̀ʼɔ, nə̂ kəpî pi. Pîza ə̀ tè nyi etsɨ̂nè zɛ ə Zhə̀fè tè nə̂yn è kâyntèzè mə ze pəyn epàmə̂ àlâŋ ə chɔʼɔ Vâ vəyn vɛ ə è nə̀yn nə è kwəynə mɨsè sə teshìŋə̀ tèkɨ̂m.

Ipilù 9:7

Pîza ə̀ tè njiə kə wùə èkɔʼsə nə̂ èshyə̀ engaŋtə kwəynə ə apfɨ̀ə əfètəynke, nə̂ zɨnə mə kè shîŋə̀ze mɔ̀ʼ ə pîŋ. È tè piə è njiə ndò, è və njìə m̀ndəm mə nyàmə̀m se njiə fo sê Zhə̀fè kə fe lɛse fo sèpi sə vəynse è pi sə ghɨ mɔ̀ʼɔ sɛ ə ghənə nyi mə ə nə̀yn pi, keva nə ə nə̂ pi.

Njə̂m 5:19

Ghɔnyì ghɨmə, ə wùə sê ghàyn ndò zâ səmɔʼ, wùə ə̀ mɔʼɔ ə kɛsə̂ pə̂ è vəyn,

1 Pità 2:25

kûmə̀ nə ghàyn tè tsɨ̀nə kwîə kə kə se ndzè sɛ ə se nyi mə sə njìsè, pîza zôyn Zhə̀fè ə kɛse nji pəyn ghàyn sê ngyəyn, mə za nyi wùə vɛ ə è naynə ghàyn.