Ipilù 5:1 - Ŋwàʼlè ə̀ Fèzhə̀ Mkâyn Mə̂ Fèm

¹ Naʼapi wùə èkɔʼsə nə èshyə̀ engaŋtə kwəynə èkè ə chɔʼ əfètə̂ ə̀ ghɨ nyiə njìə eluʼ ə ghɨ̀vè ə Zhə̀fè shi, fo tèfo fɨnə se sènyam kûmə̀ sepi sə ghənə̂sè.

Ipilù 5:1 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 15:17

Nyiəmə kə m nyi sə afɨa àmɔ̀ʼ ghasè Njisə̀s Klâys, M kyi ndô ghɛ zɛ ə ze nə̂ nə mə pfɨnə̀ àngàŋtè kûmə̀ èfɨaʼ zɨme sê Zhə̀fè.

1 Kɔlìŋ 15:3

M tsɛsə̀ fo pə̂ se ghàyn ghɛ zɛ ə tè fo sê mi, mə ə̀ lote nyi kàyntè èghɛ, mə ze nyi nə Klâys tè kwu kûmə̀ sèpi sə ghasènìse kè kə nyi mə ə nyàʼ ə ŋwàʼlè ə̀ Fə̀zhə̀ nə,

Ipilù 10:11

Naʼapi wùə èkɔʼsə nə̂ èshyə̀ èkè nyiə nə̂ èfɨa ə vəynze tuʼmè m̀kɨ̂m, fo kə èkyì efoze emɔ̀ʼ sə te shîŋə̀ te tsɨəte pîza mə fo nə tɨnə mə vayn kaʼa te shu tsɨsè pi.

Ipilù 10:12

Pîza Klâys tè fo ngɨŋə̂ vəyn sə efo shîŋə̀ze emɔ̀ʼ ə njìə tsɨsə̀ sèpi sə ghɨ̀sè sə teshìŋə̀ tèkɨ̂m, zamə è və tsɨsə apàs ekɔyn e twɔ ə Fezhə̀kè.

Ipilù 11:4

Ə̀ nyi ekyî epomə̂zè ə ze tè nəyn nə Apɛ̀l fo foze sê Zhə̀fè ə ze ə tsɔ̂fə̀ tsɛ̂ zɛ ə Kên tè fo. Zhə̀fè ə tə njì vəyn sə wùə chichi kûmə̀ èpomə ə vəynze. Ə̀ nyi ekyî epomə̂ ə vəynze ə ze tè nəyn nə Zhə̀fè nji vəyn sə wûə ə̀ chichi kûmə̀ nə Zhə̀fè tè nyiə saŋnə̂ è maʼte ə vəynze. Nâʼàpî kə Apɛ̀l tè nyi mə è və kwu, è pa wâmnə̀ kəndò sê ghâsènì tɔynə̂ epomə̂.

Ipilù 2:17

Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.

Ipilù 7:27

È vachi kə ghɨ kɔʼsə nə eshyə̀ engaŋtə kwəynə ə mɔ̀ʼɔghe ə ghe tè kyi sə̂ fo tèfo kûmə̀ sèpi sə ghənə̂sè tuʼmè m̀kɨ̂m, tsɔ̀fə se fɨnə fo kûmə̀ sepi sə ghɨ̀sè. È tè fo efo shîŋə̀ze emɔ̀ʼ ze ə kɨlə sèpi sə ghɨ̀sè sekɨ̂m, mə za nyi ngɨŋə̂ vəyn kə è fo.

Ipilù 8:3

Ə chɔʼɔ nâʼàpî wùə èkɔʼsə nə eshyə̀ è ngaŋtə kwəynə èkè nə è və fo èmaʼtè, se sènyam kə efo sê Zhə̀fè, nyiəmə wùə èkɔʼsə nə̂ èshyə̀ èngaŋtə kwəynə kyi kepî ndò se fo afɨa se Zhə̀fè.

Ipilù 8:4

Ə̀ tè nyi nə Njisə̀s ə nyi ə chi, mə è tè vachi wùə èkɔʼsə nə̂ èshyə̀ nâʼà səkɔs, kûmə̀ nə ghɨ kɔʼsə nə eshyə̀ghè nyîə nyi əchi mə ə fo èfo kè kə lâŋ ə ghɨ̀ ə Njûskè tè kyiŋə.

Ipilù 9:9

Zɨnə nyi chwìə kûmə̀ mbi ə̀ zôyn nə, fote è nyàm sɛ ə fo sê Zhə̀fè vayn kàʼa te nəyn nə təm ə ghɨ ghɛ ə ghe ngɨmnə Zhə̀fè ə saʼa va ghənə.