Ipilù 4:2 - Ŋwàʼlè ə̀ Fèzhə̀ Mkâyn Mə̂ Fèm

² Ghâsènì se nyi mə ə zɨ tom èchùŋ kèpi èghɨ kə pɨ̀a ə ghasènìghe tè zɨ elùʼ ashəshəve. Ghənə tè zɨ nâʼà pî za, è zə tàʼa tsàmtè ghənə kûmə̀ nə ghənə tè zɨ ə tàʼa pomə̂ èkyî epomə̂zè.

Ipilù 4:2 ပူးပေါင်းရင်းမြစ်များ

Ətefɨ̂aʼ 13:46

Pîza Pɔ̂l yî Pànapàs ə pɨlə wàmnə̀ ndùə kə èshike fanə̀ va ghɛ zhîze. Ghənə tè piə nə, “Ghàyn ghɨ Njûsə̀, e tè tsɔ̀fə nə ghàs tsayn chi èghɛ ə Fezhə̀zè sê ghàyn sə shi. Pîza kə ghàyn kwiynse zəynze, ə tàʼa njiə sengɨŋ saynse kə əghɨ ghɛ ə ghe nyi kwəynê se kyi endam zɛ ə ze tə mîə va, e za nyi nə, ghàs nə̀ zâ ghàyn ə ghàs ndu sê ghɨ ghɛ ə̀ vachi ə̀ghɨ ə Njûsghè.

Ətefɨ̂aʼ 3:26

Zhə̀fè ə ke chɔʼə Wufɨ̀aʼa ə̀ Vəyn ə tomə sê ghàyn sə shi, nə È nəyn kə nâʼàpî ndè ə ghàyn əfètəyn za ndomte pite ə è kyi pɔsê nə zɨ̂nə̀.”

Ŋwàʼlè ə̀ Pɔ̂l sê ghɨə Lûmghè 2:25

Ə ghàyn ndə̀mə̀ lâŋkè, ə se zɛ ə ghàyn se nam əghɨghè ə kyi m̀kɔʼnè ə Zhə̀fè əshi. Pîza mə ghàyn chùmtə̀ va lâŋkè, ə se ə nam zɛ ə ghàyn se ə kiva tɔf zhîze.

Ŋwàʼlè ə̀ Pɔ̂l sê ghɨə Lûmghè 3:3

Pîza ghɨ ə Njûs yîghe kɔʼsə̂ va Zhə̀fè endom vɛ ə ghənə tè tsɨ̀ne sə̂ kɔʼsə̂ ətəyn. Wùə kàʼa è pfɨf nə, “E za nyi nə se ghənə sə̂ nə̂ va ghɛ zɛ ə ghənə fe nyì sə̂ nə̂ chwìtə̀ nə Zhə̀fè tə pɔŋə nə̂ va ghɛ zɛ ə è tè tsɨ̀ne nə è tə nə̂ ndò ə?”

1 Kɔlìŋ 13:3

Ə m kaʼa m fo fɨsə nâʼàpî àkè kɛ m kyi, se fɨnə fo nâʼà ewiyn vɨmve nə ə nyɔʼ, pîza mə m kiva kɔ̂ŋzè, ə zɨnə mə ə nə̂ va chùŋ zhîzè sê mi.

Ngàleshyà 3:2

Ghàyn tsayn ghɛe se mi. Ghàyn tsayn se mi nə̂, ghàyn tè kyi Sezuʼ sə Fezhə̀sè kûmə̀ kə ghàyn ndə̀mə̀ Laŋà mə ghàyn tè kyi kûmə̀ nə ghàyn zɨ tom èchùŋ ə pomə ə?

Ngàleshyà 3:8

Ŋwàʼlè ə̀ Fèzhə̀ ə tə pì tsɔ̀fə ə shîŋə̀ ə təynke kwəynə nə, Zhə̀fè tə nə̂ ə ghɨə ghɛ ə va ə ghɨ ə Njûsghè ə nyi chichi ə Zhə̀fè əshi tɔynə̂ ə ghənə ekyî epomə̂zè. Zhə̀fè ə ke ndàʼà ə tom èchùŋ sə shi sê Aplàghâm nə, ‘Fe tə pɔsə̂ tèndaʼ tèkɨ̂m tɔynə̂ ə vəyn.’

Ngàleshyà 4:13

Ghàyn ke nə m tè pə̀yn tsâyn tom è chùŋ sê ghàyn sə shi mə ə̀ nəyn ezaf kə m zafə.

1 Tèsàlonikà 1:5

kûmə̀ nə ghàs tè zaʼlə va tom èchùŋ sê ghàyn kè etùə ècho, ghàs ə tə ndàʼà kepî è tyaʼa, è Zuʼse Ŋwaʼase, è pomə̂ etɛze nə ze nyi səmɔʼ. Ghàyn ke ndô kə ghàs tè ndamə ə ghàyn ə fètəyn. Ndam nə zɨ̂nə̀ tè nyi se tsàmtə ghàyn.

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

1 Timotì 4:8

Se zaʼlê ewiyn vɛve, e tsɔ̂fə̀ ndò endom vîve, pîza se kê eghɛ ə Fezhə̀zè tsɔ̀fə̀ kə ndom tekɨ̂m kûmə̀ nə zɨnə mə tsâmtə̀ ndò wùə ezhoghɛ è pa ndamə, è kɨsè ashìŋə̀ kɛ ə è nyi mə è və kwu.

Ipilù 11:6

Wùə vîvè vayn kaʼa è nəyn nə Zhə̀fè ə saŋnə̂ mə è kyi va kyî epomə̂zè. Ə̂ kyiŋə pîndè sə̂ kɔʼsə̂ Fèzhə̀, ə è və kyi se pomə̂ nə Zhə̀fè nyîə ndamə fɨnə maʼtə̀ ə̀ghɨ ghɛ ə ngɨmnə vəyn.

Ipilù 3:12

Ghàyn tɔʼne ə ghɔ nyîə se fe nə kə wùə ə ghàyn ə fètəyn nə kyî ətəm əpiə è tàʼa pomə̂, ə è tə kɛsê epàm ə̂ Fèzhə̀ fɛ ə fe kyi ndamze.

Ipilù 4:6

Ghɨ ghɛ ə ghe tè zɨ tom è chùŋ nə zɨ̂yn sə shi tè paʼà nji elùʼ e zɨtə Fèzhə̀ nə vɛ kûmə̀ nə ghənə tə tə se zɨ sê Zhə̀fè, pîza ghɨ mɔʼɔ se nyi ndò zôyn se tə nji elùʼ nə vɛ.

Njə̂m 1:21

E za tyə̀nə̀ nə ghàyn kyi se mâʼà endam nyələze è kɨsè ndam epofze. Ghàyn tsose ngɨŋ saynse ə ghàyn pomə tom zɛ ə Zhə̀fè nyi mə fe ə ndə̀m ə ghàyn ətəm kûmə̀ nə tom ə̀təyn nyi kàʼa è sɔza ghàyn.

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.