Ipilù 4:1 - Ŋwàʼlè ə̀ Fèzhə̀ Mkâyn Mə̂ Fèm

¹ Zhə̀fè ə tə tsɨ̀nə̀ nə ghâsènì tə kyîə àzɨ̀tè kɛ ə è tè wàmne kûmə̀ kəynke. Ə ghâsènì ə tɔ̂ʼnə̀ kə wùə se ghâsènì tə faŋ se kyî àzɨ̀tè kɛ ə Zhə̀fè tè tsɨ̀ne.

Ipilù 4:1 ပူးပေါင်းရင်းမြစ်များ

Matyò 24:48

Pîza ə wùə èfɨ̀aʼa vɛ nyi wùə èpi, ə è tsɨsə ə è və kwàʼtə̀ ke sə və ngɨŋ nə, pɛ̀ èfɨ̀aʼ nə ndamə tsɔ̀fə è kɛse kwɨlə̂,

Ətefɨ̂aʼ 3:19

M pîə sê ghàyn nə, ghàyn kwiyne təm ghanə ə ghàyn əghɛ ə pighe, ə ghàyn kɛse pəyn sê Zhə̀fè, kə Fe shu tsɨ̂sè ə̀ghɛ pi ghaynghe.

Ŋwàʼlè ə̀ Pɔ̂l sê ghɨə Lûmghè 11:20

E nyi səmɔʼ. Ə tè fɨafte tsɨsè fu kûmə̀ nə ghənə tè paʼà pomə, ə fɨnə pasə̂ ghàyn fu ewìyn ə fekàʼ kûmə̀ nə ghàyn tè nyi mə ghàyn ə pomə̂, pîza, ghàyn kyi va sə̂ pfɨnə̀ àngàŋtè. Ghàyn e pɨlə fânə̀.

Ŋwàʼlè ə̀ Pɔ̂l sê ghɨə Lûmghè 3:23

Nâʼà ghɨghe əkɨ̂m ə nə̀yn pi, wùə vîvè kwəynə̂ va se kyî epomsê ə Fezhə̀zè.

1 Kɔlìŋ 10:12

Ə ò kwàʼtə̀ nə ò fɛtê tyəm ndò ə ghò epomə̂, ò tɔ̂ʼnə̀ kə ò nə pfɨ ə pi.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

Ngàleshyà 5:4

Ghàyn ghɛ ə ghàyn kyiŋə sə̂ nyi chichi ə Zhə̀fè əshi tɔynə̂ endə̀m ə alàŋzè, ə ghà ke nə, ghànə chyâsè ngɨŋ saynse ghâynghə̀ Klâys. Ghàyn ə fɨ̀l tsɨ̀m sê fùʼ ə Fezhə̀kè.

2 Timotì 2:13

Ə ghâsènì fɨ̀aʼà va se vəyn è təm ə ghasènìghe əkɨ̂m, ə è tə pa nəyn kendò ghɛ zɛ ə è tsɨ̀nè se nə̀yn, kûmə̀ nə È vayn kàʼa ə è tə kwiynsê ngɨŋ ə̂ Vəyn.”

Ipilù 12:15

Ghàyn tɔʼne, kə wùə nə kwiynse àfùʼ kɛ ə Zhə̀fè tyə̀nə̀ sê vəyn. Ghàyn e fɨnə tɔ̂ʼnə̀, kə wùə tsɛ̂ fɨ ə ghàyn əfètəyn, ə è və nyi kə awə̂yn ə njwiəke ə ke ndəmə kɔʼɔ, ke ə pə̀yn è tsôstè tsɨəte è lɨf ə kəynke.

Ipilù 12:25

Ghàyn e tɔ̂ʼnə̀ kə wùə sê ghàyn nə tə se zɨtê sê vəyn vɛ ə è wàmnə̀. Ghɔ Isìlây ghè ə tè tə se zɨtê sê wùə vɛ ə è tè pəyn è tom ə̀ Fèzhə̀ fa mbi, zamə ə tàʼa faŋ se tsosə ghənə. E za tyə̀nə̀ nə ə ghâsènì ke tə se zɨə kyə̀ wùə vɛ ə è ndo ekwùtwəyn, ə ghâsènì tə kyî ètsôs ə və tsɨə tsɛ̂ və ghənə̂vè.

Ipilù 13:7

Ghàyn e kwâʼtə̀ ètu vayn vɛ ə ve tè ndàʼa ghɛ ə Fezhə̀zè sê ghàyn sə shi. Ghàyn e kwâʼtə̀ tèndam tɛ ə ghənə tè ndamə è ndom vɛ ə ghənə tè kwuə ətəyn. Ghàyn səyne kyî epomə̂ zɛ ə ghənə tè kyi.

Ipilù 3:11

Mə tə nyɔ̀ʼsè tɔŋve ə kàynə̀ nə, ‹Ghənə tə njiə va elùʼ vɛ ə m tè nyì se fo àzɨ̀tè sê ghənə ətəyn.›”

Ipilù 4:11

Ə ghâsènì mɔmse nâʼà è tyaʼa se nji elùʼ ezɨtə nə vɨ̂yn. Kə wùə se ghâsènì tə faŋ se nji kə ghənə tè shwìe kyiŋ se nji kûmə̀ nə ghənə tè kyi va kyî epomə̂zè.

Ipilù 4:9

E za nyi nə luʼve pa nyi ndò kə ghɨə Fezhə̀ tə njiə ətəyn ə kyi zɨ̂tèzè kèpî èkyì ezɨ̀tè zɛ ə Zhə̀fè tè zɨ̀te ə fetuʼ esɛ̀mbɛ.