Ipilù 3:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Mosîs tè fɨ̀aʼa è təm ə vəynghe əkɨ̂m kə wùə èfɨaʼa ə ndɛ ə̀ Fèzhə̀ èkɨ̂m, tyə̂nə̀ ə̀ghɛ ghɛ ə Zhə̀fè tə wâmnə̀ ashìŋə̀ ə pəke.

Ipilù 3:5 ပူးပေါင်းရင်းမြစ်များ

Ipilù 3:2

È tè fɨ̀aʼa sê Zhə̀ fɛ ə fe tè chɔʼ vəyn è təm ə vəynghe əkɨ̂m kèpî kə Mosîs tè fɨ̀aʼa ə ndɛ ə̀ Fèzhə̀ è təmə vəynghe əkɨ̂m.

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.

Ipilù 8:5

Fɨ̂aʼ zɛ ə ghənə tè nə kə ghɨ ə kɔʼsə nə eshyə̀ghè nyi kə anyɨ̂ŋsè ə eghɛ zɛ ə ze nyi ekwùtwəyn. Ə̀ za nyi eghɛ zɛ ə Zhə̀fè tè fo fɨ̀as sê Mosîs etuʼ vɛ è tè kyiŋə se pɛ fendɛ fɛ sê Zhə̀fè. Fe ə pìə sê vəyn nə, “Tɔ̀ʼne se fe nə ò fɛte nəyn nâʼàpî èghɛ èkè kè endom vɛ ə tè tyə̀yn sê ghò etûə pfɨ̀yn.”

1 Timotì 1:12

M fo àzɔ̀ŋnè sê Pɛ̂pɛ ə ghâsènì Klâys Njisə̀s kə È fo tyaʼa nə mə nə̂ èfɨ̂aʼ nə zɨ̂nə̀, ə fɨnə fe mi kə wùə vɛ ə è kwənə, ə chɔʼɔ mi nə m nəyn fɨ̂aʼ ə vəynze,

Ipilù 9:24

Klâys tè paʼà nji ə Elùʼ Eŋwaʼve mə ə̀ pɛ əghɨ msɔ̀ŋghe, eluʼ mə tè nyi afusè elùʼ ə kə semɔʼke. Klâys tè ndù ke nâʼà ekwùtwəyn ə Zhə̀fè ə ngùŋ, è zo chyatə̂ fəynfe ə ghâsènì azhəm.

Ŋwàʼlè ə̀ Pɔ̂l sê ghɨə Lûmghè 3:21

Pîza, zôyn Zhə̀fè nyi mə Fə tyə̀yn ndom vɛ ə ghɨ kaʼa nyi chichi ə vəyn əshi. Ndom nə vɛ mə kiva ghɛ zhîze se nə̀yn è lâŋ ə Mosîskè. Lwɔ̂ŋ nə vɛ mə è fɨ̀aʼtèsè ə tə pì ghɛze kûmə̀ èndom nə vɛ mə sə shi.

Njɔyn 5:39

Ghàyn fɛtə̂ zaʼlə̂ Ŋwàʼlè ə̀ Fèzhə̀ kûmə̀ nə ghàyn kwàʼtə̀ nə ə fètə̂ ə̀təyn ghàyn nə̀ fe endam zɛ ə ze mîə va. Ŋwàʼlè ə̀ Fèzhə̀ nə zɨ̂yn è wàmnə̀ kəpî kûmə̀ Mi.

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Tom èchùŋ kè kə Lûk tè nyaʼ 24:27

È və wàmnə̀ zâ, ə pìə paynsə̂ əghɛ ghɛ ə tè pì ə Ŋwàʼlè ə Fèzhə̀ kûmə̀ ngɨŋə̂ vəyn, sè zhə̀tè kə ə ŋwàʼlè ə Mosîs se ndùə tayn əfètə̂ sèfɨ̀aʼtè.

1 Kɔlìŋ 4:2

Nâʼà eghɛ e tɛ zɛ ə kyiŋə se ghɨə fɨaʼa ə təynghe nyi nə, ghənə fɨaʼà sê pɛ̀ èfɨaʼ ə̀ ghənə è təm ə ghənə̂ghè əkɨ̂m.

Ətefɨ̂aʼ 7:37

Mosîs nə vɨ̂yn tè nyi wùə vɛ ə è tè pì sê ghɨə Isìlâyghè nə, ‹Zhə̀fè tə tomə fɨ̀aʼtè sê ghàyn kə mi mə è ndò kepî sê ghɨ ghaynghe.›

Tom èchùŋ kè kə Lûk tè nyaʼ 12:42

Pɛ̂pɛ ə pə̀ynsə̀ nə, “Wufɨ̀aʼa vɛ ə è zɨə pɛ̀ èfɨ̀aʼ ə̀ vəyn fɨnə tɔfə nyi vɨ̂yn? Ə̀ nyi vɛ ə pɛ̀ èfɨ̀aʼ ə̀ vəyn piə è ndùə èkwî, ə è ndəm vəyn əshi, ə è fo tyaʼa kə è və tɔ̂ʼnə̀ è ndɛ vəyn, fo efɨazhiəve sê ghɨ ashìŋə̀ kɛ ə ghənə kyiŋə ətəyn.

Matyò 25:21

Pɛ̀ efɨaʼ ə̀ vəyn ə piə sê vəyn nə, ‹Ò nə̀yn àchûŋ. Ò nyi ke nâʼà wùə èfɨ̀aʼa èchùŋ, fɨyn nyi səmɔʼ. Ò vâ nyîə nyi səmɔʼ sə̂ tɔ̂ʼnə̀ èkɛ etətə̂vè, M nə̀ fo ghò èkɛ e tsɨəve nə ò tɔʼne è vəynve. Nji pə ə chyàtə̀ ə mì esaŋnê.›

Matyò 24:45

Njisə̀s ə fɨnə pfɨfə nə, “Wùə èfɨ̀aʼa vɛ è zɨə pɛ̀ efɨ̀aʼ ə̀ vəyn fɨnə tɔfə nyi vɨ̀yn və? Ə̀ nyi vɛ ə pɛ̀ efɨaʼ ə̀ vəyn pî è ndùə èkwî, è və ndə̀mə̀ nə è və nyi àtu sê ghɨ mɔ̀ʼɔ, fo èfɨazhiəve sê ghɨə ashìŋə̀ kɛ ə ghənə kyiŋə.

Ipilù 1:1

Ə̀ tè nyi sə mɨ, Zhə̀fè e wàmnə̀ sê ghə̀pɨ̀a ghasènìghe tɔynə̂ ə sèfɨ̀aʼtè. Fe tè wàmnə̀ kə ə tendom ə tendom, kə teshìŋə̀ teshìŋə̀.

Ipilù 3:4

Ghâsènì nyîə ke nə nâʼàpî ndɛ èkè nyi mə ə̀ pɛ wùə pîza, nâʼà èfɨa èkɨ̂m e nyi mə ə̀ fɛte Fèzhə̀.

Etyə̂yn ə paynsêzè 15:3

zhəmə sènjàŋ sə Mosîsè, ə wùə èfɨaʼa ə̀ Fèzhə̀, è njàŋ sə Vâ Ndzèsè piə nə: “Pɛ̂pɛ Zhə̀fè, Pɛ̀ etwɔʼ ekɨ̂m. Ò nə̀ əghɛ ə ghaʼâ ə kayntəghe! Ò nyi fɔ̀yn se mbi èkɨ̂m. Ndom tɛte nyi chichi fɨyn nyi səmɔʼ!