Ipilù 3:1 - Ŋwàʼlè ə̀ Fèzhə̀ Mkâyn Mə̂ Fèm

¹ E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

Ipilù 3:1 ပူးပေါင်းရင်းမြစ်များ

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Njɔyn 20:21

Njisə̀s ə pìə kwəynsə̂ sê ghənə nə, “Ə pɔ̂ynè ə nyi sê ghàyn! M tomə ghàyn kèpî kə Pɨ̀a Vɨ̂mvè tè tom Mi.”

Njɔyn 20:27

È və pìə sê Tɔ̀mɔ̂s nə, “Ndə̀m paŋ fɛfe aghofe fâyn elùʼ ə naynə̂ ə̀gho ghɨmghə. Nɛ̀se pə̀yn gho kɛke ə ndə̀mə̀ ə mi etipì. Pomə, kə ò fɨyn mɛnê kɨsè, pomə.”

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

Ŋwàʼlè ə̀ Pɔ̂l sê ghɨə Lûmghè 11:17

Ə fɨaftə̂ sèngɔyn sə fekàʼ fə olìf fɛ ə nyi mə ə zho ndô, ndûə pasə̂ ewìyn ə fekàʼ fə olìf fɛ ə fe nyi ə mbvɨyn mə fe tsɨ̂yn ndəmə ke sə fəynfe ə ngɨŋ. Ghàyn ghɨ ghɛ ə̀ vachi ə̀ghɨ ə Njûsghè nyi kə sengɔyn sə fekàʼ fɛ ə fe ndəmə ə mbvɨyn mə fe kyîə kəpi m̀mo mə m̀ ndò pə̂yn ətə̂ tèghàŋ tə fekàʼ fechûŋfè.

Ŋwàʼlè ə̀ Pɔ̂l sê ghɨə Lûmghè 15:27

Ghənə ə tə fe nə ze tsɔ̂fə̀ ndò se nə̀yn nyiəmə, nə ə nyi eluʼ ə ghənə̂vè se tsàmtə ghənə. Kə ghɨ ə Njûsə̀ tè chyàtə pɔsê tə ghənə̂tè yighə̀ ghɨə ghɛ ə tè vachi ə̀ghɨə Njûsghè, e tè nyîə tsɔ̂fə̀ nə ghɨ ghɛ ə tè vachi ə̀ghɨ ə Njûsghè tsamte kepî ə̀ghɨ ə Njûsghè, è fɨave kə, efɨazhiəve, è kɛve, è ndzɨse.

Ŋwàʼlè ə̀ Pɔ̂l sê ghɨə Lûmghè 15:8

M tsâ se ghàyn nə Klâys tè pəyn sə wûə èfɨ̀aʼa sê ghɨ Njûsə̀ se tyə̀yn sê ghənə nə tsɨ̂nè ə Fezhə̀zè pfɨ̀ə tsɛ̂ va. È tè nəyn nyi se lwiynse etsɨnè zɛ ə Zhə̀fè tè nə̀yn sê pɨ̀a ə pɨ̀a ə ghənə̂ghè.

Ŋwàʼlè ə̀ Pɔ̂l sê ghɨə Lûmghè 9:24

Ghâsènì e nyi paʼsê anɔ̀yn əghɨ̀ kɛ ə è nyi mə È və tɔŋə fɨsê. Ə̀ vachi ke anɔ̀yn əghɨ̀ ə Isìlâykè ə È tɔŋə fɨse ghâsènì. È və tɔŋə fɨse ghâsènì yîghe əfètə̂ ə̀ghɨ̀ ghɛ ə̀ vachi ə̀ghɨ ə Njûsghè.

1 Kɔlìŋ 1:2

M nyâʼà sê nɔ̂yn ə ndɛ Fèzhə̀ kɛ ə̀ kyi Fezhə̀, ə ke nyi endaʼ ə Kolìnzè, è kɨsè sê ghɨghe əkɨ̂m ghɛ ə Zhə̀fè tɔŋə ə nə̀ nə ghənə nyi ə̀ghɨ ə vəynghe ŋwaʼaghe tɔynə̂ ə Klâys Njisə̀s. Fɨnə nyâʼà se ghɨghe əkɨ̂m nâʼà pi ghayn, mə nyi ghɛ ə ngɨmnə Pɛ̂pɛ ə̀ ghâsènì Njisə̀s Klâys. È nyi Pɛ̂pɛ ə̀ ghənə̂ kèpi kə è nyi Pɛ̂pɛ ə̀ ghâsènì əkɨ̂m.

1 Kɔlìŋ 10:17

Kûmə̀ nə payn ə kwaŋke nyi ke àmɔ̀ʼ, mə ghâsènì əkɨ̂m pî kə tsɨ̂ə, nyì ke èwiyn emɔ̀ʼ kûmə̀ nə nâʼà ghâsènì əkɨ̂m chyàtə̀ kə àpayn ə kwaŋke amɔ̀ʼ.

1 Kɔlìŋ 9:23

M nə̂ ə̀ghɛ nə ghɨnə̀ ə̀kɨ̂m kə ghɨ setsɨ̀ setsɨ̀ zɨ tom èchùŋ kûmə̀ Klâys kè se nə̀yn nə tom èchùŋ zham nduke èshike kə̂ m pɔŋ kyî epɔsê zɛ ə ze nyi ətəyn.

2 Kolìŋ 1:7

Kwaʼtè zasze se ghàyn nə ghàyn nə̀ pfɨ̂ va ə ghàyn epomə̂ tɛ kə nyi, ghàs ke ndô nə kè kə ghàyn chyàtə̀ ə ghàs ezə ngəʼze, ghàyn chyàtə̀ kəpi ndò etsàmtè zɛ ə ghàs tè fi.

2 Kolìŋ 9:13

Fɨ̂aʼ nə zɨ̂nə̀ ə ghàyn nə̂ nyî tyə̂nə̀ ə̀təm əchûŋ ghɛ ə ghàyn kyi sê ghɨ, fɨnə nə̂ nə ghɨə tsɨəghe ə fo epomsê se Zhə̀fè kûmə̀ nə ghàyn ə ndə̀m təm ghaynghe ə tom èchùŋ ə̀ Klâys zɛ ə ghàyn ndàʼà, è kɨsè nə ghàyn nyîə chyâtə̀ èfɨa, fo ghənə, fɨnə fo ə̀ghɨ əmɔ̀ʼɔghe.

Ɛfesùs 3:6

Ghɛ e kayntə nə zɛ ə tè mɛnə sə shi nyi nə, ghɨ ghɛ ə̀ vachi ə̀ghɨ Njûs ghɛ ə ghe pomə tom èchùŋ tə tsɨ̂yntə̀ zhiə èfɔyn ə Fezhə̀vè yî ghɨə Isìlâyghè ə fɨyn tsɨ̂yntè nyi èpɨas əfètə̂ èwiyn emɔ̀ʼ, fɨyn nyi se tə tsɨ̀yntə kyiə epɔsê zɛ ə Zhə̀fè tsɨ̂nè tɔynə̂ ə Klâys Njisə̀s.

Ɛfesùs 4:1

M sè chyatə̂ ghàyn kûmə̀ èfɨ̀aʼ nə zɨ̂nə̀ ə Pɛ̂pɛ nə̂yn sê ghâsènì nə, ghàyn nə ndamə tèndam, te kwəynə̂ endom vɛ ə Zhə̀fè tè kyiŋə nə ghàyn ə ndamə ətəyn etuʼ vɛ fe tè tɔŋɔ fɨse ghàyn. Ghàyn ke nə m nyi nyî, nyi wùə ə ndɛ̂ chaʼ kûmə̀ efɨ̀aʼ zɛ m nə̂ sê Pɛ̂pɛ.

Ɛfesùs 4:4

Ghàyn nyi epɨ̂as ə əfètəyn ewìyn emɔ̀ʼ, Zuʼsə Fezhə̀ sɛ ə se fɨaʼà ewìyn nə vɛ e nyi ke səmɔʼ, kè eghɨ kə Zhə̀fè tè tɔŋɔ fɨse ghàyn ə mbi ə nə̀ ghàyn e ke ke èghɛ èmɔ̀ʼ nə, ghàyn tə sɔ̂ fɨə.

Filìpây 3:14

M pa mɔ̂msə̀ kə se ndùə əshi se nduə fɨ elùʼ vɛ m ndûə, kə m kaʼa m kyi fɨa vɛ ə Zhə̀fè nyi mə Fə ndə̀m se mi ekwùtwəyn. È və tɔŋɔ̂ mi nə m ndu awulə tɔynə̂ ə Njisə̀s Klâys.

Kòlosè 1:12

Fo àzɔ̀ŋnè sê Pɨ̀a è saŋnêzè əghɛ ə̀kɨ̂m kə È nəyn ghàyn, ə ghàyn ə kwəynə̂ sə̂ pɔŋ kyi àfɨa kɛ ə È ndə̀m sê ghɨ Vəynghe elùʼ epayn.

Kòlosè 1:22

Pîza zôyn, tɔynə̂ ekwu zɛ ə Va vəyn Klâys tè kwu kə wùə m̀sɔ̀ŋ ə awâmnè, Zhə̀fè ə nə̀yn nə ghàyn ə nyi sèsoyn sə vəynse. Zhə̀fè tè nəyn zamə kə ghàyn ə nyi elùʼ vɛ ə è nyi, nyi ə̀ghɨ eŋwaʼghe, kyi va ndi ə̀ pi zhizè ə ghàyn ewìyn, vayn ko ghàyn è tsas zhîze.

Kòlosè 3:12

Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.

1 Tèsàlonikà 2:12

fo ghàyn təm ə tɛghe, pɔsə̂ ə̀təm ghaynghe, pîə kwəynsə̂ kə ndò nə ghàyn ə ndamə endom vɛ ə Zhə̀fè kyiŋə, ə Fèzhə̀ fɛ ə fe tɔŋə ghàyn nə ghàyn ə nyi ə̀ghɨ ə vəyn elùʼ efɔ̀yn, è kɨsè ə vəyn epomsê.

1 Tèsàlonikà 5:27

M chyatə̂ ghàyn tɔynə̂ ə Pɛ̂pɛ atyaʼ nə ghàyn tɔŋɔ ŋwàʼlè zɨ̀yn sê ghɨ poməghe nâʼà ə̀kɨ̂m.

2 Tèsàlonikà 1:11

Ə̀ za nyi eghɛ zɛ ə ghàs tsə̂mə̀ sê ghàyn shîŋə̀ tekɨ̂m nə Zhə̀fè ə ghasènìfe nəyn ə ghàyn ə ndamə èndam zɛ ə ze kwəynə mə za nyi zɛ ə fe tɔŋɔ ghàyn nə ghàyn ə ndamə. Ghàs tsə̂mə̀ nə fe fo tyaʼa ə ghàyn ə nə̂ ə̀ghɛ əchûŋ ghɛ ə ghàyn kɔ̂ŋɔ̀ sə̂ nə̂, ə fɨyn nəyn mɨ̂sè ə̀ghɛ ghɛ ə kyî epomə̂ zaynze ə Njisə̀s tyə̀nə̀ nə ghàyn ə nə̂.

2 Tèsàlonikà 2:14

Zhə̀fè tè tɔŋɔ ghàyn tɔynə̂ ə tom èchùŋ zɛ ə ghàs tè ndàʼa sê ghàyn kə ghàyn pəyn sə̂ pɔŋ kyi èpomsê zɛ ə Pɛ̂pɛ ə̀ ghâsènì Njisə̀s Klâys kyi.

1 Timotì 6:12

Mɔ̀mse nâʼà sə ŋaŋ se nyɨŋ ènyɨŋ epoməze, ə nyɨŋə zhiə èndam zɛ ə ze tə mîə va se ngɨŋ zɛ̂zè, kûmə̀ nə ə̀ nyi ekyì endam nə zɨnə mə ə Zhə̀fè tè tɔŋə ghô nə o nyi ətəyn kə ò tè tyə̀yn paynsê èkyî epomə̂ zɛze əghɨ tsɨəghe əshi.

1 Timotì 6:2

Kɔ̂s vɛ ə ve fɨaʼà sê ghɨ, ə nyi əghɨ poməghe kyi va sə̂ chîynə̀ ghənə. Kûmə̀ nə ghə̀ pɛ̀ efɨ̀aʼ nə ghɛ nyi kepî əghɨ ə poməghe kə ghənə. Ghənə kyi sə̂ pɨlə fɨ̂aʼà è tyaʼa kûmə̀ nə mâʼtè ətəyn ndùə sê wùə, ə nyi wùə e pomə, ghənə e kɔ̀ŋɔ̀ vəyn. Ò kyi sə̂ zaʼlə̂ fɨnə ndaʼà ə̀ghɛ nə ghɨ̂yn sê ghənə.

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

2 Timotì 2:7

Kwàʼte ghɛ zɨ̂nə̀ ə m pìə nyi, kûmə̀ nə Pɛ̂pɛ nə̀ nə̂, ə ò zɨ kê ə̀ghɛ ətəynghe nâʼà ə̀kɨ̂m.

Ipilù 10:19

Ghâsènì ke ndô zôyn səmɔʼ ə ghɔnyìə ghɨmə nə ə tə njiə Eluʼ Eŋwaʼ Engaŋtə Kwəynəve kûmə̀ m̀ndəm mə Njisə̀sə̀m.

Ipilù 10:21

Ghâsènì kyi wùə èkɔʼsə nə èshyə̀ èghaʼâ, è naynə̂ nâʼàpî ghè ə ndɛ̂ Fèzhə̀.

Ipilù 10:23

Ə ghâsènì fɛte kyî mə ə nə̂ʼlə̀ va eghɛ zɛ ə ghâsènì kwàʼtə̀ lɨmtə, fɨnə wâmnə̀ kûmə̀ zəynze, kûmə̀ nə ghɛ zɛ ə Zhə̀fè tsɨ̀nè, è nə̀ nə̂ kə kə è pì.

Ipilù 13:22

M chyatə̂ ghàyn ə ghɔnyì ghɨmə nə ghàyn zɨte ghɛ zɛ ə m wâmnə̀ sê ghàyn se fo ghàyn è təm ə tɛghe. M pâʼà nyàʼ ghɛ se tsɨ̀ fa ŋwàʼlè zɨ̀yn ə m nyâʼ sê ghàyn.

Ipilù 2:11

Njisə̀s, kə è nə̀yn nə ghɨghə zo kə ghənə ə fɨyn kyi va pi, ə yî ghɨ nə ghɨnə̀ ə kyi ke pɨ̀a emɔ̀ʼ. Ə̀ za nyi eghɛ zɛ ə è tɔŋtə ghənə nə ghɔnyì yiə, ghomə va.

Ipilù 2:17

Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.

Ipilù 3:12

Ghàyn tɔʼne ə ghɔ nyîə se fe nə kə wùə ə ghàyn ə fètəyn nə kyî ətəm əpiə è tàʼa pomə̂, ə è tə kɛsê epàm ə̂ Fèzhə̀ fɛ ə fe kyi ndamze.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

Ipilù 6:20

Kûmə̀ ghâsènì, Njisə̀s ə tə nji fumə elùʼ sə shi sê ghâsènì, ə ke pə̀yn sə nyi wùə èkɔʼsə nə̂ èshyə̀ èngaŋtə kwəynə sə teshìŋə̀ tèkɨ̂m kèpi endom vɛ ə Mèlkisendèk tè nyi ətəyn.

Ipilù 7:26

Ə̀ nyì ke Njisə̀s wùə kɔʼsə nə èshyə̀ èngaŋtə kwəynə vɛ ə è kwuəynə se tsàmtə ghâsènì. È nyiə nyi èŋwaʼze, kyi va tsasze, zo, ndɔ̀ʼɔ è tyəm nəyn pi mə Zhə̀fè ə fɨse vəyn əfètəyn ə̀ ghɨ̀ ə pighe ə njì kɔʼɔ è vəyn ekwùtwəyn.

Ipilù 7:28

Ghɨ ghɛ ə Lâŋ ə Mosîskè tè pomə nə ndəm sə ghɨ̀ ə kɔʼsə nə eshyə̀ engaŋtə kwəynəghe, tè nyì ke ə̀ghɨ kə əghɨ mɔ̀ʼɔ, nə̂ kəpî pi. Pîza ə̀ tè nyi etsɨ̂nè zɛ ə Zhə̀fè tè nə̂yn è kâyntèzè mə ze pəyn epàmə̂ àlâŋ ə chɔʼɔ Vâ vəyn vɛ ə è nə̀yn nə è kwəynə mɨsè sə teshìŋə̀ tèkɨ̂m.

Ipilù 9:11

Pîza Klâys nyi mə è və pə̀yn. È nyi wùə èkɔʼsə nə èshyə̀ èngaŋtə kwəynə vɛ ə è pə̀yn è ghɛə chûŋ ghɛ ə ghâsènì kyi zôyn. È fɨaʼà fepfɨ̀ə fe kɔʼnə̂ fɨnə kwəynə̂ mɨ̂sə̀ tsɛ fɛ ə ghɨ èkɔʼsə nə eshyə̀ ə mbi ghɨnə fɨ̀aʼà ətəyn. Luʼ ətəyn nyi mə pâʼà fɛte wùə m̀sɔ̀ŋ, ə̀ vachi àpâs ə mbi kɨ̂nə̀ ə Zhə̀fè tè pom.

Ipilù 9:15

Ə̀ za nyi eghɛ ze ə Klâys nyi wùə vɛ ə è pɨaʼte kâyn me fɛ̂m se nə̀yn nə ghɨ ghɛ ə Zhə̀fè tɔŋɔ kyi pɔsê endamə faŋə zɛ ə fe tsɨ̂nè. E nyi nyî kûmə̀ nə Klâys ə tə kwu se sɔza əghɨ ə sepi sɛ ə ghənə tè nə̂ ə shɨŋ zɛ ə kàyn mə èmɨmè tè pa kyi àtyaʼ.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

1 Pità 3:5

Ə̀ vɨnə nyi endom vɛ ə zənə etuʼ ə shiə ghɛ ə ghe tè kɔʼse Zhə̀fè, kyi èkwaʼtè elɨmtəze sê Zhə̀fè tè lafə ətəyn. Ghənə tè nyîə tsosə̂ sèngɨŋ sə ghənə̂sè əchi zɨə sê ndom ə ghənə̂ghè.

1 Pità 5:1

Ə mi kèpî kə chəʼ, ə wùə vɛ ə m tsâ sê ghɨ kə Klâys tè fe ngəʼ, mə m nyi wùə mə pomsê ə Klâyszè tə pə̂ kəpî sê mi, m chyatə̂ ghàyn nə,

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

1 Njɔyn 1:3

Ghàs tsà ə̀ghɛ ghɨ̀nə̀ sê ghàyn, ə ghɛ ə ghàs nyi mə ə fe ə fɨnə zɨə, kə ə ghâsènì tsɨynte faŋ ke sə afɨa àmɔ̀ʼ ə ghâsènì è Pɨ̀a yî Va Vəyn Njisə̀s Klâys.

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.

Etyə̂yn ə paynsêzè 17:14

Ghənə tə səʼə̀ àngyə̀s sê Va Ndzè, ə Va Ndzè no zhi ghənə kûmə̀ nə è nyi Pɛ̂pɛ sê ghə Pɛ̂pɛ əkɨ̂m, fɨyn nyi Fɔ̀yn se fɔ̂yntè kè tekɨ̂m, è nyi yî ghə̀ ghɨ vəyn ghɛ ə Zhə̀fè nyi mə fe ə tɔŋə̂, ə chɔʼɔ, ghənə e chûmtə̀ vəyn è təm ə ghənə̂ghè əkɨ̂m.”

Etyə̂yn ə paynsêzè 18:20

“Ghàyn ghɛ ə ghàyn ndamə ekwùtwəyn, ghàyn e saŋnə̂. Ghàyn e saŋnə̂ ə ghɨə Fezhə̀ è ghɨətomə, è fɨ̀aʼtèsè kûmə̀ nə Zhə̀fè ə kà saʼ ə̀ Papilɔ̀yn pɔynsə̂ vəyn əghɛ ghɛ ə è tè nə̀yn sê ghàyn!”