Ipilù 2:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Pîza ghâsènì fe Njisə̀s vɛ ə Zhə̀fè tè nə̀yn sə fendiŋə̀ nyì, è və kɛsə̂ sə wûə fɨnə ngaŋtə kwəynə va pî kə setsì sə vəynse, kə tɔynə̂ ə afùʼ ə Fezhə̀kè, ə è kwu, ə è sɔza ə̀ghɨ ə̀kɨ̂m. Kûmə̀ èkwu zɛ ə è tè tsɛ̀ tɔynê ətəyn, Zhə̀fè ə màʼtə̀ vəyn è pomsêzè, è kɨsè kɔʼsêzè.

Ipilù 2:9 ပူးပေါင်းရင်းမြစ်များ

Matyò 16:28

M pîə sê ghàyn səmɔʼ nə, ghɨ yiə nyi fâyn mə tə kwu va, ə̀ tsɛ̂ kə va mə ghənə ə fe Vâ wùə è pə̂ è fɔ̂yn ə vəynze ə chi.”

Matyò 6:28

“Kûmə̀ ghè ə ghàyn kyi fɨmsêzè kûmə̀ sèndzɨs sɛ ə ghàyn nə̀ maʼa? Ghàyn naynə̂ ke kə̂ ndwɔ̂ŋ azhìvè ndəmə: ve fɨ̂aʼà va fɛtə̂ va ndzɨse sè ngɨŋsə ghənə̂sè.

Ŋwàʼlè ə̀ Mâk 9:1

Njisə̀s ə fɨnə pîə se ghɨ nə ghɛ nə, “M pîə sê ghàyn səmɔʼ nə, ghɨ yiə tyəm ke nâʼà fayn zôyn, va se tə kwu ndɔ̀ʼɔ fe kə fɔ̂yn ə Fezhə̀vè pə̀yn ètyaʼa.”

Tom èchùŋ kè kə Lûk tè nyaʼ 9:27

M tsâ sê ghàyn səmɔʼ nə, ghɨə mɔʼɔ tyəm ke nâʼà fayn zôyn, va se tə kwu nâʼà səkɔs se zaʼâ kə ghənə fe fɔ̂yn ə Fezhə̀e.”

Njɔyn 1:29

Tuʼve ə zo Njɔyn ə fe Njisə̀s è pə̂ se vəyn, ə pìə nə, “Ə̀ vɨ̀nə nyi Vâ Ndzè ə̀ Fezhə̀. Ə̀ nyi Vəyn vɛ ə è njì tsɨsè pisə ghɨ̀ ə mbise!

Njɔyn 10:17

Pɨ̀a Vɨ̂m nyîə kɔ̀ŋɔ̀ Mi kûmə̀ nə M nyîə nyi èpɨaʼtêzè se fo ngɨŋ Zɨ̂mè se kwue, tsɔ̀fə kə M kɛse kyî èndam Zɨmze.

Njɔyn 12:32

Ə nə̀ kɔʼsə̂ mi ekwùtwəyn, ə m tɔŋɔ nâʼà ə̀ghɨ ə̀kɨ̂m, ə ghe pə̀yn sê mi.”

Njɔyn 3:16

kə Zhə̀fè tè kɔ̀ŋə tsɛsə̀ mbi, ə fo Vâ ə̀ Vəyn mə è tè nyì ke èmɔ̀ʼ kə nâʼàpî ndè vɛ ə è pomə sê Vəyn tə tàʼa kwu pîza ə è kyi ndam zɛ ə ze tə mîə va.

Njɔyn 8:51

M pîə sê ghàyn səmɔʼ nə, nâʼàpî ndè vɛ ə è nə̀ ghɛ zɛ M zaʼlə, kwuə va.”

Njɔyn 8:52

Ghɨ Njûs nə ghɛ ə pìə sê Vəyn nə, “Zôyn ghàs lote ke ndò nə ò nyiə kyi èpamə̂ ə satàynzè! Aplàghâm ə tè kwu, fɨ̀aʼtèsè ə kwuə, pîza Ò pîə nə nâʼàpî ndè vɛ ə è nə̀ ghɛ zɛ ə Ò zaʼlə, ə è tə taʼa kwu.

Ətefɨ̂aʼ 2:33

Zhə̀fè ə njì Vəyn elùʼ ekɔʼnəve, ə Vəyn ekɔyntwɔve. È və fo Vəyn è Zuʼse Ŋwaʼa sɛ ə È tè tsɨ̀ne nə È tə fo sê vəyn. Njisə̀s ə pɔŋ fo Zuʼse Ŋwaʼa nə sɛ se ghàs, ə̀ nyi səynse ə se nə̂ ghàyn e fe fɨnə zɨə nâʼàpî èghɛ èkè zɛ ə ze kyânə̀ ndâyn.

Ətefɨ̂aʼ 3:13

Zhə̀ fɛ ə Aplàghâmfè, è Azɨ̀k è Njàkɔ̂p kɔʼsə, mə za nyi Fezhə̀ fə pɨ̀a ghâsènì ghəshiə ə tyə̀yn pomsê ə wùə èfɨ̀aʼa ə Vəyn Njisə̀s. Ghàyn tè fo Vəyn əghɨ ghayn ghə sesaʼghə gho, ghàyn ə kwiynsə̂ Vəyn ə Paylɛ̀t əshi. Ə pə̀ pi kə Paylɛ̀t tè kyiŋə se zà ə Vəyn ghàyn ə kwiynsə̂ Vəyn

Ŋwàʼlè ə̀ Pɔ̂l sê ghɨə Lûmghè 5:18

Nyiəmə, pi nə zɛmə èmɔ̀ʼ ə Andàm tè nəyn, ə tə nə̀yn Zhə̀fè ə nə̀ ghɨghe əkɨ̂m ə pfɨə saʼ. Kèpî famə endom, ə̀ nyi nyiəmə kə ghɛ echûŋzè emɔ̀ʼ kə Klâys nə̀yn, ə tə nə̀yn nə ghɨghe əkɨ̂m ə nyi chichi ə Zhə̀fè əshi, se kyî endam.

Ŋwàʼlè ə̀ Pɔ̂l sê ghɨə Lûmghè 5:8

Ə̀ vachi zamə kə Zhə̀fè nə̀, kûmə̀ nə ndom vɛ ə è chwìtə̀ ətəyn nə è nyîə kɔ̂ŋə̀ ghâsènì nyi nə Klâys ə kwu ə ghâsènì elùʼ mə ghâsènì pa nyi ə̀ghɨ pighe.

Ŋwàʼlè ə̀ Pɔ̂l sê ghɨə Lûmghè 8:3

Ghɛ zɛ lâŋkè tè vayn kàʼa ə ke nəyn, kûmə̀ nə wiyn ə wûə m̀sɔ̀ŋve tè kiva tyaʼke se njiə tsɨ̀sè ə pi. Nyiəmə Zhə̀fè ə tə nə̀yn ghɛze mə lâŋkè tè vayn kàʼa ə ke nəyn. È və tə tom Vâ vəyn ewìyn ə wûə m̀sɔ̀ŋ vɛ ə ve nə̂ pi nə È mɨse tyaʼa ghɛ pike. Kə Zhə̀fè tè nəyn nyiəmə, È və mɨ̀sə̀ àtyaʼ əghɛ ə pighe ə wùə m̀sɔ̀ŋ ewìyn.

Ŋwàʼlè ə̀ Pɔ̂l sê ghɨə Lûmghè 8:32

Ə̀ vayn kàʼa ndəʼ nyi Fèzhə̀, ə fɛ ə fe tè tàʼa ghə̀ʼtè se fo Vâ vəyn se ghâsènì əkɨ̂m. È tè nji vəyn ə fo nə È kwu ə ghâsènì ətu ə̀kɨ̂m, nyiəmə, È tə fo va zayn fɨave ekɨ̂m vɛ ə ghâsènì pfɨfə sê vəyn ə?

2 Kolìŋ 5:15

Klâys tè kwu ke sê ghɨ ghəkɨ̂m, kə ghɨ ghɛ ə ghe ndamə nə pa ndamə va endom vɛ ə ve fɔmə sê ghənə, pîza ndamə kûmə̀ wùə vɛ ə è tè kwu ə ghənə ə tu, Zhə̀fè ə fɨnə zômsə̀ vəyn.

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

1 Timotì 2:6

vɛ ə è fo ngɨŋ ə Vəyn ə kwu se zhɔyn atu əghɨ̀ ə̀ kɨ̂mkè. Kə shîŋə̀ kɛ ə Zhə̀fè tè chɔʼ kwəyn, Zhə̀fè ə nə̀ nə Njisə̀s Klâys ə nyi chwìə nə zhi kyiŋə se sɔzà əghɨ ə̀kɨ̂m.

Ipilù 1:9

Ò kɔ̂ŋɔ̀ kə ə̀ghɛ ə chichiə, pânə̀ ə̀ghɛ ə piə. Ə̀ za nyi eghɛ zɛ ə Zhə̀ fɛfe chɔʼ ghô ə fo ghò èsaŋnêzè ə nə̀ nə o kɔʼnə̂ tsɛ̂ nâʼàpî ndè vɛ ghayn ghənə nyi.”

Ipilù 10:5

Ə̀ za nyi eghɛ zɛ ə tè nyi kə Klâys pə̂ ə mbi, è və pìə sê Zhə̀fè nə: “Ò kyiŋə va nə ghɨghe ə se sènyam sê ghò, kyiŋə va nə ə fo tèfo sê ghò, pîza o fo mi è wiynve.

Ipilù 11:5

Ə̀ tè nyi kûmə̀ èkyî èpomə̂ ə Enɔ̀kzè, ə ze tè nəyn, Zhə̀fè ə njìə kɔʼɔ è vəyn ekwùtwəyn ndɔ̀ʼɔ è kwu. Wùə ə tàʼa fɨnə fe nə è ndù ghayn kûmə̀ nə Zhə̀fè tè se nyi mə fə njì kɔʼ è vəyn. Ŋwàʼlè ə Fèzhə̀ pi nə Zhə̀fè tè pi e njìə Enɔ̀k mə è və nə̀yn fe saŋnə̂.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

Ipilù 2:7

Ò tè pom vəyn ə nə̀ vəyn nə è və kyi va tyaʼke kɔʼɔ zaʼâ sètsì sɛse, epàm ətəyn o fo vəyn è pomsêzè ə nə̀ nə ghɨghe ə kɔʼsə̂ vəyn.

Ipilù 7:25

Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.

Ipilù 8:3

Ə chɔʼɔ nâʼàpî wùə èkɔʼsə nə eshyə̀ è ngaŋtə kwəynə èkè nə è və fo èmaʼtè, se sènyam kə efo sê Zhə̀fè, nyiəmə wùə èkɔʼsə nə̂ èshyə̀ èngaŋtə kwəynə kyi kepî ndò se fo afɨa se Zhə̀fè.

1 Pità 1:21

Ə̀ nyi kûmə̀ Klâys nə vɨ̂yn ə ghàyn pomə sê Zhə̀ fɛ ə fe tè zômsè vəyn, ə ndə̀mə̀ vəyn elùʼ engaŋtəve, ghɛ ətəynze e nə̂, ghàyn e kyi èkyî epomə̂zè, è kɨsè kwaʼtè elɨmtəze sê Zhə̀fè.

1 Njɔyn 2:2

Ə̀ nyi vəyn vɛ ə tè fo sə efo kûmə̀ sèpi sɛ ə ghâsènì tè nəyn, È və kwuə se zhɔyn atu ə ghasènìke, ə̀ va ke ə ghâsènì ə tu, pîza sê ghɨghe ə kɨ̂m ə mbi.

Etyə̂yn ə paynsêzè 19:12

Shi ə vəynghe tè nyi kə andəm ewûske, è ve nyi mə è və sò fɔ ə tefɔ̀yn etsɨəve ə və atu. È tè nyîə kyi èzə kə ə nyâʼ ə vəyn wìyn, nâʼà wùə vîvè e ke va ghɛ zɛ ə ze tyə̂nə̀, ə̀ tsɛ̂ kə va vəyn.

Etyə̂yn ə paynsêzè 5:9

Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.