Ipilù 2:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Zhə̀fè ə tə nə̀yn kepî chwiə sə ghɛ ə kayntəghe, ə tekì ə tekì, ə fɨnə fo tèfo tə Sezuʼ Seŋwaʼase sê ghɨə kè kə fe kɔ̂ŋɔ̀ se tyə̀yn nə tom nə zɨnə nyì ke nâʼà səmɔʼ.

Ipilù 2:4 ပူးပေါင်းရင်းမြစ်များ

Ŋwàʼlè ə̀ Mâk 16:20

Chùmtè èpàm sə Njisə̀sè ə fɨə ndaʼà ndûə Tom Èchùŋ luʼ tekɨ̂m. Pɛ̂pɛ tè nyì yighə̀ ghənə, ə fo àtyaʼ nə ghənə nə̂ ə̀ghɛ əkayntəghe, se tyə̀yn nə ghɛ ghɛ ə ghənə tè pìə nyi səmɔʼ.

Ŋwàʼlè ə̀ Mâk 6:14

Ghɨghe ə zɨə ə̀ghɛ ghɛ ə Njisə̀s tè nə̂ luʼte tekɨ̂m, fɔ̀yn Ɛlɔ̀t ə pɔŋɔ zɨə. Ə tè nyi za, ghɨghe kwîə pîə nə ə nyi Njɔyn Fo M̀mò kə è kɛse zômə̀, nə za nyi eghɛ zɛ ə è kyi tyaʼa sə̂ nə̂ ə̀ghɛ nə ghɨnə̀ nyi.

Njɔyn 15:26

Tsàmtè nə̀ ndô pə̂ se Pɨ̀a. È nyi Sezuʼ sɛ ə se nə̀ nə̂ nə ghɨghe ə ke səmɔʼ. Kə M nə nə mə nyi ghâsè Pɨ̀a, M nə tomə vəyn sê ghàyn, ə nyi vəyn vɛ è nə tsâ ghɛ sê ghàyn kûmə̀ Mi.

Njɔyn 4:48

Njisə̀s ə pìə sê vəyn nə, “Wùə sê ghàyn tə pomə̂ va ə̀ tsɛ̂ kə va mə è və fe chwìə è ghɛ ekayntəghe.”

Ətefɨ̂aʼ 14:3

Pɔ̂l yî Pànapàs ə ndamə kɔʼɔ fumə nâʼà sə aghaf etyâkè, wàmnə̀ əghɛ ə chûŋ ghɛ ə Pɛ̂pɛ nyi mə è və nə̀yn se ghɨ fànə va nâʼà səkɔs. Pɛ̂pɛ Njisə̀s ə nə̀ ghənə ə tyə̀nə̀ chwìə, ə nə̀ ə̀ghɛ əkayntə ə tsɨəghe, se tyə̀yn nə ghɛ ghɛ ə chùmtè èpàm sə vəynse piə kûmə̀ èfo eghaʼ Vəynze nyi səmɔʼ.

Ətefɨ̂aʼ 4:10

Ghàyn ghɨ Isìlâyghè, ghàyn e ke nə wùə vɨ̂yn ə è tyəm ə ghàyn əshi tɛ kûmə̀ àtyaʼ ezə ə Njisə̀s Klâys və Nazalɛ̀tkè. Ə̀ nyi Vəyn vɛ ə ghàyn tè paynte awâmnè, È və kwuə, pîza Zhə̀fè ə nə̂, È və zòmə̀.

Ətefɨ̂aʼ 5:32

Ghàs nyi setsɛ̀saʼ əghɛ nə ghɨ̂yn. Zuʼse Ŋwaʼase nyi kepî tsɛ̀èsaʼ. Mə nyi efo ə Fezhə̀zè sê ghɨ ghɛ ə ghe zɨə sê Vəyn.”

Ɛfesùs 1:5

Zhə̀fè tè se nyi mə Fə ndə̀m nə Fe tə njìə ghâsènì sə və ə ghɔyn tɔynə̂ ə Njisə̀s Klâys, mə ə̀ kɔ̀ŋ kê vəyn ə saŋnə̂ ndə̀mə̀ nə zə nyi nyî.

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

Ɛfesùs 4:7

Pîza nâʼàpî ndè ə ghâsènì əfètəyn fɨ̂aʼnə̀ kyiə èfo ə vəyn kè eghɨ kə Klâys kɔ̀ŋɔ̀ se fo.

Ipilù 6:4

E pɔynə̂ va se ghɨ ghɛ ə nyi mə ə tə kyî chi payn ə Fezhə̀zè, ə mɔ̀mə̀ zɨə è fo ə Fezhə̀zè, ə fɨnə kyiə Sèzuʼ se Ŋwaʼa ə Fezhə̀sè,