Ipilù 13:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Nâʼàpî ndè kyi sə̂ ngɨmnə̂ malə̂. Kə wùə tə za ndom ə̀ vəyn kɨ̀sə zhwiə vəyn ə è ndu nyɨ̂ŋə̀ yî wùə ə ndò. Ghàyn kendô nə Zhə̀fè tə saʼa nâʼàpî ndè vɛ ə è nə̀ ghɛ ə nyələghe è ghɛ ə nyi mə malə̂ fɨə əpɨəyn.

Ipilù 13:4 ပူးပေါင်းရင်းမြစ်များ

1 Kɔlìŋ 5:13

Kè kə ŋwàʼlè ə̀ Fezhə̀ pìə nə, “Ghàyn chum fɨsê wùə èpi vɛ ə ghàyn ə fètəyn.” Zamə, ə Zhə̀fè tə saʼ ə̀ghɨ ghɛ ə ghe va ə ghâsènì anɔ̀yn.

1 Kɔlìŋ 6:18

Ghàyn tə kɛsê epàmə̂ ènyɨŋə̀ ə zəyn è ndômnèghè. Nâʼàpî èghɛ èkè zɛ ə wùə m̀sɔ̀ŋ nə̀, è vayn pofsê ewiyn ə vəyn, pîza wùə vɛ ə è nyɨ̀ŋə yî wùzhɔyn kɨ̀sə yî wùndômə̀, nə̀ pi è pofsə̂ èwiyn ə vəyn.

1 Kɔlìŋ 6:9

Pîə e za nyi nə ghàyn keva nə ghɨ ghɛ ə ghe va chichi tə kyiə va luʼve elùʼ efɔ̀yn ə Fezhə̀vè mə? Kə wùə tə lesê ngɨŋə̂ vəyn. Ghɨ ghɛ ə ghe nyîŋə̀ è zənə kɨ̀sə ə ndômnə̀, è ghɨ ghɛ ə ghe ngɨmnə fɨ̂aʼsèvè kɨ̀sə əghɛ ə ghe kimə saʼ ə malə̂zè è ndômnè ghɛ ə ghe nyîŋə̀ è ndômnè əmɔ̀ʼɔ,

1 Kɔlìŋ 7:38

E za nyi nə wùə vɛ è malə ngɔ̀yn ə̀ vayn èzhɔyn vɛ ə è nyìəm keva wùndômə̀ nə̀yn ke nâʼà èghɛ e chuŋè, vɛ è tàʼa malə è nəyn eghɛ, ze tsɔ̀fə̀ tsɛ̂ zɛmə.

1 Kɔlìŋ 9:5

E za nyi nə ə̀ va eluʼ vasve se njiə wùzhɔyn è pomə sə zhwi, sə̂ kwîə è vəyn kepî kə̂ əghɨtom ə mɔ̀ʼɔghe, è ghɔnyì ə Pɛ̂pɛghe, è Sefàs mə?

2 Kolìŋ 5:10

E nyi nyî kûmə̀ nə nâʼà ghâsènì ə̀kɨ̂m tə tyəmə̂ ə Klâys əshi, ə È saʼ ghâsènì. Nâʼàpî ndè tə kyiə àfɨa kɛ ə è nyì se kyi əghɛ ghɛ ə è tè nə kə è tè nyì fâyn ewìyn, kɨ̀sə ə̀ tè nyi əghɛ ə pighe, kɨ̀sə ə̀ tè nyi ghe chûŋə̀.

Ngàleshyà 5:19

Ghɛ ghɛ ə njà ewìyn kɔ̂ŋɔ̀ sə̂ nə̂ ghe panə kə ə ndayn. E tyə̂nə̀ fa ə tendom tɨnə nyiə nə, ghɨ ghe nyîŋə̀ è yîghe nâʼàpî zàyn, ndamə tendam teliŋte, ndamə kə sepu,

Ngàleshyà 5:21

kɔ̂ŋə̀ sə kyi àfɨa kɛ ə ghɨə mɔ̀ʼɔghe kyi, mɨə m̀lɨ m̀ ko, zhiə, mɨə tsɛsə̀. Nə̂ ə̀ghɛ ə mɔ̀ʼɔ kèpî kə ghɨ̂yn. M fo fɨ̀as sê ghàyn zôyn kèpî kə m tè fo sə shi nə, “Ghɨ ghɛ ə ghe nə̂ ghɛ nə ghɨ̂yn tə kyiə va kyəfè elùʼ efɔ̂yn ə Fezhə̀vè.”

Ɛfesùs 5:5

Ghàyn nə ke səmɔʼ nə ghɨ ghɛ ə ghe chûmə̀ zənə kɨ̀sə ghɛ ə ghe chûmə̀ ndômnèghè, è ghɛ ə ghe nə̂ ghɛ nyələ mɔ̀ʼɔ, è ghɛ ə shiə ə ghənə fɨə (ə̀ nyi endom vîve sə̂ kɔʼsə̂ èfɨaʼsè) vayn kàʼa ə nji elùʼ efɔ̀yn nə Klaysvè yî Zhə̀fè.

1 Tèsàlonikà 4:6

Fâ fètəyn èghɛ, kə wùə se ghàyn tə nəyn pofsê sê ghɔnyì ghaynghe, pî sə chɨ̂ynə̀ ə̀ ghɔ nyì ghaynghe. Ghàs ə tə pì chi ghɛ ghɨ̀nə se ghàyn, ə fo fɨ̀as se ghàyn nâʼà sə ŋaŋ nə Pɛ̂pɛ tə fo ètsôs se ghɨ ghɛ ə nə̂ kyì əghɛ nə ghɨ̂yn.

1 Timotì 3:12

Nâʼàpî wùə è fɨaʼa èkè ə ndɛ̂ Fèzhə̀ kyi sə̂ kyi ke wùzhɔyn emɔ̀ʼ, fɨnə tɔ̂ʼnə̀ è ghɔ vəynghe è sas ə ndɛ vəynze nâʼà àchûŋ.

1 Timotì 3:2

Wùə è chisə ə ndɛ ə̀ Fèzhə̀ kyi sə̂ nyi wùə mə ə chîə ngaynə̂ va vəyn, è kyi sə̂ kyi ke wùzhɔyn emɔ̀ʼ, nə̂ va ghɛghe tsɨ̂ə tsɛ àndiŋ, nyi kàʼa è kyi ngɨŋə̂ vəyn, ngɨmnə̂ ngɨŋ ə vəyn, tɔ̂ʼnə̀ è ghɨ ə motə pə, fɨyn ke sə zaʼlə̂ nâʼà àchûŋ,

1 Timotì 3:4

Ə̀ kyi sə̂ nyi wùə fɛtə tɔ̂ʼnə̀ è ghɨə vəyn ghə ndɛghe. È kyi sə̂ nyi wùə ghɔ vəynghe ngɨmnə̂ vəyn, fɨnə zɨə se vəyn əghɛ ə̀kɨ̂m.

1 Timotì 4:3

Ghɨ nə ghɨ̂yn zaʼlə̂ ə̀ghɨ nə kə ghənə ə malə̂, fɨnə pìə nə ghənə pamə tèkyì te fɨazhiə tîte. Pîza mə Zhə̀fè fɛte efɨa ezhiə nə vɨ̂yn nə ghɨ ə pomə ghɛ ə nyi mə ə kê səmɔʼ ə zhiə mə ə fo zɔ̀ŋnèkè sê Zhə̀fè.

1 Timotì 5:14

M kyiŋə nə zhwiə kwu ghɛ ə pa nyi sèngɔ̀yn kɛse malə̂, ə piə ghɔnə, ə tɔ̂ʼnə̀ è sastə ndɛ tə ghənə̂tè kə pàyn sə ghasènìse ə kyi va ndom sə̂ wâmnə̀ ə̀ghɛ ə piə kûmə̀ ghâsènì.

Taytùs 1:6

Chəʼ kyi sə̂ nyi wùə mə è kyi va ləʼke; è kyi sə̂ kyi ke zhwi emɔ̀ʼ, ghɔ vəynghe e kyi sə nyi ə̀ghɨ epoməghe, mə ə ke va ghənə kə ghɔyn ghɛ ə ghe tsəfə, tɛ ètuke.

Ipilù 12:16

Ghàyn e tɔ̂ʼnə̀, kə wùə nə̂ fɨ ə ghàyn əfètəyn mə è nə̀ ə̀ghɛ ə nyələghe, kɨ̀sə kə wùə vɛ ə è keva Zhə̀fè kə Esò vɛ ə è tè pəʼle ndumə ə vəynve sə akaŋ afɨazhiəke amɔ̀ʼ.

Etyə̂yn ə paynsêzè 22:15

Pîza ghɨ ghɛ ə ghe nyi əpɨəyn ə tɔ̂ŋ èghaʼâ nyi ghɛ ə nyi mə ə nə̀yn ghɛ ə kwəmnəghe kə; ghɛ ə nə̂ ghɛ ə pfɨyntəghe, è ghɛ ə nə̂ ghɛ ə nyələghe, è ghɛ ə ghe zhwiə ghɨghe, ghɛ ə ghe ngɨmnə fɨ̂aʼsèvè, è ghɛ ə wamə kwaŋve, nə̂ ə̀ghɛ akaŋghe.