Ipilù 12:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghàyn e kwâʼtə̀ endom vɛ ə Njisə̀s tè fe tsôsvè ətəyn əgho ghɨ̀ ghɛ ə piə ətəyn pîza kolə kə ndò təmə. Ghàyn e tɔ̂ʼnə̀ kə ndɔ̀ʼɔ ghɛze tə tâsè ghàyn ə ze nəyn ə ghàyn ə fɨnə samsə̂ va Zhə̀fè.

Ipilù 12:3 ပူးပေါင်းရင်းမြစ်များ

Matyò 11:19

Va wùə ə pə̀, zhiə èfɨazhiəu, mɨə m̀lɨ, ə piə nə è vɛ è zhiə tsɛ̂sə̀, mɨə tsɛ̂sə̀, fɨyn nyi è soyn yî ghɨ ghɛ ə ghe tənə tâksè è ghɨ piə mɔ̀ʼɔ̂! Pîza, Zhə̀fè tyə̀nə̀ nə tɔf eghaʼâ ə vəynze nyi ke nâʼà səmɔʼ tɔynə̂ əghɛ ghɛ ə Fe nə̂ ə ghənə tendam.”

Matyò 12:24

Kə ghɨə Falàsîə tè zɨ ghɛ ətəyn, ə pìə nə, “È chûmə̀ fɨsə̂ tèpamə̂ tə satàyn nə tɨ̂nə̀ nyi ke kûmə̀ nə Peelzepùl, fɔ̀yn se pamə̂ tə satàyntè ə fo vəyn è tyaʼke nə è nəyn nyiə mə.”

Matyò 15:2

“Kûmə̀ ghè ə chùmtè èpàm sɛse chumtə̀ va zaʼlê zɛ ə pɨ̀a ə ghâsènì ghəshiə tè zà sê ghâsènì ə? Ghənə shûə va gho ghənə̂ghè endom vɛ ghənə kyi sə̂ shûə ətəyn tsɔ̀fə se zhi.”

Matyò 21:23

Njisə̀s ə kɛsə̂ ə ndûə njiə ə Ndɛ Ètsə̀mə sè zaʼlə̂ ə̀ghɨ fu, ghɨ kɔʼsə nə eshyə̀ ə ngaŋtəghe è chəʼsə Isìlâysè ə pə̀ pfɨfə sê vəyn nə, “Ò kyi atyaʼ àkè se nə̀yn ə ghɛ ghɨ̀yn ə? Ə̀ fo nde tyaʼ nə kɨ̂yn sê ghò ə?”

Matyò 21:46

Ghənə e kyiŋə èndom se kyîə vəyn pîza fânə̀ ànɔ̂yn kɛ ə ke tè nyì fu, kûmə̀ nə ghɨ anɔ̀yn ə təynghe tè fe Njisə̀s kə fɨ̀aʼtè.

Matyò 22:15

Ghɨə Falàsîghə ndò sè nə̂ èpɨaʼtê endom se nə̀yn nə Njisə̀s wàmnə tsas, ə kyi vəyn.

Tom èchùŋ kè kə Lûk tè nyaʼ 14:1

Ə̀ tè nyi etu endaʼ vîve, Njisə̀s ə ndùə ə ndɛ ə̀ wùə vîvè, ə nyi kepî àtu sê ghɨ Falàsîə se zhi, ghɨ ghɛ ə ghe tè nyi fumə ə ndə̀mə̀ èshi ə vəyn ewiyn nâʼà sə ŋaŋ.

Tom èchùŋ kè kə Lûk tè nyaʼ 15:2

Ghɨ Falàsî yîghe yî ghə̀ tyə̀ynsè sə alàŋsè ə fe za sè tɨmnə̂ zô, piə nə, “Wùə vɨ̀nə pomə̂ nə naʼapi əghɨ pighe ə pə̂ ə və ngwùŋ, fɨnə zhiə nâʼà yî ghə̀ ghənə.”

Tom èchùŋ kè kə Lûk tè nyaʼ 16:14

Ghɨ Falàsî yîghe ə zɨə za sè chaʼa Njisə̀s kûmə̀ nə ghənə tè kɔ̀ŋɔ̀ kɛu.

Tom èchùŋ kè kə Lûk tè nyaʼ 2:34

Simyòn ə pɔsə̂ ghənə ə ke pi sê Mèli nə, “Ò ke nə Zhə̀fè ə ndə̀m vayn vɨ̂yn nə è tə ndwisè ə̀ghɨə Isìlây ghè, ghe tsɨ̂ə kə nyi, ə è pfɨse yîə, ghe tsɨ̂ə kəpi za. Ə̂ è faŋ kepî sə chwiə zɛ ghɨə nə nyə̂ʼsə̀,

Tom èchùŋ kè kə Lûk tè nyaʼ 5:21

Tyə̀ynsè sə alàŋsè è ghɨə Falàsîə e sè pfɨfə se ngɨŋ sə ghənə̂sè nə, “Ə̀ vɨ̂nə nyi nde ə è sòylə̀ Zhə̀fè nyi ə? Ə̀ nyi kaʼa ə lɛse fo ndè pi sə wùəsè, ə tsɛ̂ kəva Zhə̀fè ə?”

Njɔyn 10:20

Ghɨə tsɨəghe e pîə nə, “È nyîə kyi èpamə̂ ə satàynzè, È ndɨŋə zhya kə nâʼà ndò! kûmə̀ ghè ə ghàyn zɨtə sè və?”

Njɔyn 18:22

Kə Njisə̀s piə pə̂ nyi, wùə èfɨaʼa vîvè ə wulə̂ agho ə Vəyn ekyàʼ ə pfɨfə sê Vəyn nə, “Ò kwì zayn sə̂ wâmnə̀ sê wùə èkɔʼsə nə èshyə̀ èngaŋtə kwəynə nyiə?”

Njɔyn 5:16

Ghənə zhə̀tə̀ se tsə̀fsè ə Njisə̀s, kûmə̀ nə È tsuʼ wùə ə̀təyn etuʼ endaʼ.

Njɔyn 7:12

Ə̀ tè nyîə tsɨ̂mtə̀ wâmnə̀ kûmə̀ Vəyn nâʼà sə ŋaŋ ə fètə̂ ànɔ̀yn. Yîghe pîə nə, “È nyi ke nâʼà wùə èchùŋ.” Yîghe pîə nə, “Ngaŋ, È kwìə lesə̂ kə əghɨ səndô.”

Njɔyn 8:13

Ghɨə Falàsîə nə ghɛ ə pìə sê Vəyn nə, “Ò fɨyn tyəm kepî tsɛ̀ èsaʼ sê ngɨŋ Zɛ̂zè; pîza ə paʼà pomə tsɛ̀ esaʼ Zɛ̂zè.”

Njɔyn 8:52

Ghɨ Njûs nə ghɛ ə pìə sê Vəyn nə, “Zôyn ghàs lote ke ndò nə ò nyiə kyi èpamə̂ ə satàynzè! Aplàghâm ə tè kwu, fɨ̀aʼtèsè ə kwuə, pîza Ò pîə nə nâʼàpî ndè vɛ ə è nə̀ ghɛ zɛ ə Ò zaʼlə, ə è tə taʼa kwu.

Njɔyn 8:59

Ə pə̀ kə ghɨə tə zɨ zamə, ghənə ə komtə̂ ə̀chi se tɨmnə̂ Vəyn ətəyn, pîza Njisə̀s ə ndə̀ytə̀ ngɨŋə̂ Vəyn ə ndò fu ə Ndɛ Ètsə̀mə.

Njɔyn 9:40

Ghɨ ə Falàsîə yîghe ə ghe tè nyì fu yî ghə̀ Njisə̀s ə zɨə èghɛ zɛ ə È pì ə pfɨfə sê vəyn nə, “Ghàs ke ndô nə Ò pìə va nə ghàs ə pɔŋ fof ə?”

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

2 Kolìŋ 4:1

Zhə̀fè ə Vəyn ekosê esəynze ə fo fɨ̂aʼ zɨ̀yn nə ghâsènì nəyn, kûmə̀ zɨnə mə, ghâsènì kyi ndô təm ə təynghe se nə̀yn efɨaʼ ətəynze.

2 Kolìŋ 4:16

Ə̀ za nyi eghɛ zɛ ə ghàs pɔ va sə̂ nə̂ èfɨ̂aʼ nə zɨ̂yn. Naʼapi kə njà sewìyn sasse pɔylə ndùə, zuʼ sas se e tɛ nduə kə èshike.

Ngàleshyà 6:9

Kə ghâsènì nə pɔ se nə chùŋ, kûmə̀ nə ghâsènì tàʼa pɔ, ə shîŋə̀kè tə kwəyn, ə ghâsènì kwi, mə nyi emaʼtè ə ghasènìve.

2 Tèsàlonikà 3:13

Sê ghàyn ə ghɔ nyiə, kə ghàyn tə pɔ sə̂ nə̂ ə̀ghɛ ə chûŋghè.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

Ipilù 12:5

Kə ghàyn lɛse wàmnè zɛ ə Zhə̀fè tè wàmne se tɨ̀msə ghàyn kə əghɔ vəynghe. Wâmnè ətəyn tè nyi nə: “Vayn vɨ̂m, ə Pɛ̂pɛ piə ə è chwìtə̀ ghò, ò tɔ̀ʼɔ̀ zɨtə̂. Ə è piə pusə ghò kə Pɛ̂, kə ò zɨə àpi,

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

1 Pità 2:23

Ə̀ tè nyi nâʼàpî kə ghɨ sôylə̀ vəyn, è və tàʼa pə̀ynsè è sôylèzè. Ə̀ tè nyi kə ghɨ fo ngəʼ sê vəyn, è və tàʼa kàyntè əghɛ. È tè fo ke ngɨŋ ə vəyn sê Zhə̀ fɛ ə fe saʼa kə chichi.

Etyə̂yn ə paynsêzè 2:3

M ke ndô nə ò nyiə kolə ə̀təm, fe ètsôs, ve tsɨ̀ə kə nyî kûmə̀ mi, pɔ va.