Ipilù 11:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Ə̀ nyi ekyî epomə̂zè ə ze tè nəyn nə Apɛ̀l fo foze sê Zhə̀fè ə ze ə tsɔ̂fə̀ tsɛ̂ zɛ ə Kên tè fo. Zhə̀fè ə tə njì vəyn sə wùə chichi kûmə̀ èpomə ə vəynze. Ə̀ nyi ekyî epomə̂ ə vəynze ə ze tè nəyn nə Zhə̀fè nji vəyn sə wûə ə̀ chichi kûmə̀ nə Zhə̀fè tè nyiə saŋnə̂ è maʼte ə vəynze. Nâʼàpî kə Apɛ̀l tè nyi mə è və kwu, è pa wâmnə̀ kəndò sê ghâsènì tɔynə̂ epomə̂.

Ipilù 11:4 ပူးပေါင်းရင်းမြစ်များ

Matyò 23:35

Ə ghàyn zhwi ghənə, ə zɨnə mə nəyn nə Zhə̀fè tsɨfse ghàyn kûmə̀ nə ndə̂mmə̂ ghɨ̀ ghɛ ə nyi chichi nâʼà ə̀kɨ̂m ə ghàyn tè zhwi tso ə ghàyn ə tu. Kè se zhə̀tə̀ è Apɛ̀l vɛ ə tè zhwi ndɔ̀ʼɔ è pofse ghɛze, se kɔʼɔ tàyn ə Sàkàlyâ, ə va Pàlàkayà vɛ ə ghàyn tè zhwi. Sàkàlyâ vɛ ə ghàyn tè zhwi ə Ndɛ Ètsə̀mə è kɨsè alaŋ efoke.

Tom èchùŋ kè kə Lûk tè nyaʼ 11:51

se zhə̀tə̀ kə è Apɛ̀l se kɔʼɔ tàyn ə Sàkàlyâ kə ə tè zhwi ə sefɨayle sə alaŋ efo ə ndɛ̂ Fèzhə̀kè. M piə sê ghàyn nə ngwàʼ nə zɨnə mə tə tsâ echo əghənəe sê Zhə̀fè.

Taytùs 1:16

Ghənə kaŋkaŋa pîə nə ghənə ke ndo Zhə̀fè, pîza ndam ə ghənə̂zè e tyə̂nə̀ nə ghənə ə tə vəyn. Ndam tə ghənə̂tè nyîə kwə̂mnə̀, ghənə e tɛ ètuve, mə ghənə vayn kàʼa nəyn nâʼà èghɛ zhîze mə ə̀ nyi eghɛ echûŋzè.

Ipilù 11:2

Ə̀ tè nyi tɔynə̂ ekyî epomə̂ nə zɨ̂yn ə ghɨ etuʼ ə shighe tè nəyn Zhə̀fè e saŋnə̂ yighə̀ ghənə.

Ipilù 12:1

Se ghâsènì, ghâsènì kyi setsɛ̀ sə saʼse anɔ̀yn mə sə kyìŋ nga ghâsènì. Ghâsènì kyi se maʼa nâʼà pî àpɨ̀aʼa àkè kɛ ə ke tàsə̀ ghâsènì ə fɨyn mâʼà nâʼà pî pi èkè zɛ ə è kolə ghâsènì ə wəynse nyiŋ ènyɨŋ zɛ ə Zhə̀fè ndə̀m nə ghâsènì ə nyɨŋə.

Ipilù 12:24

Ghàyn ə pə̀yn sê Njisə̀s vɛ ə è tè pɨaʼte kàyn mə èfɛ̂m. Ghàyn ə pə̀yn ə mndəm mə Njisə̀s mɛ ə tè wə mə ə m̀ tsɨ̀nə̀ fɨa echûŋve tsɨ̂ə tsɛ̂ àfɨa kɛ ə ndə̂m mə Apɛ̀lmè tè tsɨ̀ne.

Ipilù 5:1

Naʼapi wùə èkɔʼsə nə èshyə̀ engaŋtə kwəynə èkè ə chɔʼ əfètə̂ ə̀ ghɨ nyiə njìə eluʼ ə ghɨ̀vè ə Zhə̀fè shi, fo tèfo fɨnə se sènyam kûmə̀ sepi sə ghənə̂sè.

Ipilù 9:22

Ə̀ tè nyi etuʼ vɛ ə Lâŋà chisə ghɨ, ə̀ tè kwùʼ nyi ke m̀fɨa m̀shàʼ nyi ə tè shùə va è ndə̂mə̀, mə ə vayn kaʼa lɛse fo pi mə ə paʼà tsosê ndə̂mə̀m.

2 Pità 2:8

Lôt tè ndamə ə ghənə əfètəyn kə wùə èchùŋ, təm ə vəynghe e fo ngəʼ sê vəyn nâʼà sə ŋaŋ, kè tuʼ mè m̀kɨ̂m kûmə̀ ə̀ghɛ ə pi ghɛ ə è tè zɨə, fɨnə fe kə ghənə tè nə̂.

Njût 1:11

Ngəʼ e ghaʼa nyi ə ghənə tu! Ghənə ə chùmtè ndom vɛ ə Kên tè nji kə è tè zhwi ànyìə vəyn. Kè kûmə̀ èkɔ̂ŋ ekɛze, ghənə ə fo ngɨŋ sə ghənə̂sè se tsas sɛ ə Palàm tè nəyn. Ghənə ə tə se pomə̂ sê Zhə̀fè, ə pofsə̂ sèngɨŋ sə ghənə̂sè kèpî kə Kolà tè tə ə pofsə̂ ngɨŋə̂ vəyn.