Ipilù 1:4 - Ŋwàʼlè ə̀ Fèzhə̀ Mkâyn Mə̂ Fèm

⁴ E za tyə̀nə̀ nə, Vayn nə vɨ̂nə nyiə ngaŋtə̂ tsɛ̂ sètsì, kyi kepî èzə, ze ngaŋtə tsɛ̂ əzə ə sètsì sə təynse.

Ipilù 1:4 ပူးပေါင်းရင်းမြစ်များ

Ɛfesùs 1:21

È ve tsɨs fumə zôyn, saʼa nâʼà sèzuʼ sèkɨ̂m è twɔʼve ekɨ̂m, ngaŋtə tsɛ̂ nâʼàpî fɔ̀yn èkwə̀ ə mbiə zôyn è mbi zɛ ə è tə pə̂.

Kòlosè 1:18

È nyi atu sê ghɨə pomə nâʼà ə̀kɨ̂m, ghe nyi kə ewiyn ə vəynve. Ə̀ fo vəyn ndamze sê ghɨə vəynghe, kûmə̀ nə ə̀ nyi vəyn wùə əshi vɛ ə Zhə̀fè tè zòmse, mə è tə nə̂ ə è və nyi sə teshìŋə̀ tèkɨ̂m. Zɨnə mə tè kyayn kə fɨave ekɨ̂m ə nyi ə vəyn etyə̂ àtyaʼ.

Kòlosè 2:10

Nyiəmə, ghàyn ə kyî ndam efɨ̂plèzè kûmə̀ nə ghâyn ghə̀ Klâys nyi əmɔʼ, ə nyi vəyn vɛ ə twɔʼve ekɨ̂m, è tuə tendaʼàvè ekɨ̂m nyi ə vəyn etyə̀.

2 Tèsàlonikà 1:7

Fe tə nə̂, ə ghàyn ghɛ ə ghàyn fe tsôsvè zôyn ə kyi zɨ̂tèkè, ə ghàs kyî kəpî. Zhə̀fè tə nə̂ èghɛ nə zɨ̂nə̀ ashìŋə̀ kɛ Pɛ̂pɛ Njisə̀s chwìtè ngɨŋə̂ vəyn, tso pə̂ ekwùtwəyn yî tsì sə vəyn sə atyaʼse.

Ipilù 1:9

Ò kɔ̂ŋɔ̀ kə ə̀ghɛ ə chichiə, pânə̀ ə̀ghɛ ə piə. Ə̀ za nyi eghɛ zɛ ə Zhə̀ fɛfe chɔʼ ghô ə fo ghò èsaŋnêzè ə nə̀ nə o kɔʼnə̂ tsɛ̂ nâʼàpî ndè vɛ ghayn ghənə nyi.”

Ipilù 12:17

Piə ghàyn kendô nə ə̀ tè nyi epàm ətəyn, è ve kɛsə kyiŋə èndom se kyi epɔsê ə pɨ̀aze, pɨ̀a ə tə. Nâʼàpî kə è tè kyiŋə pɔsê ətəynze è shîmè əshi, ndom tè va se kwiynê eghɛ zɛ ə è tè nyi mə è və nə̀yn.

Ipilù 2:9

Pîza ghâsènì fe Njisə̀s vɛ ə Zhə̀fè tè nə̀yn sə fendiŋə̀ nyì, è və kɛsə̂ sə wûə fɨnə ngaŋtə kwəynə va pî kə setsì sə vəynse, kə tɔynə̂ ə afùʼ ə Fezhə̀kè, ə è kwu, ə è sɔza ə̀ghɨ ə̀kɨ̂m. Kûmə̀ èkwu zɛ ə è tè tsɛ̀ tɔynê ətəyn, Zhə̀fè ə màʼtə̀ vəyn è pomsêzè, è kɨsè kɔʼsêzè.

1 Pità 3:22

È və zòmə̀ ə kɛsə kɔʼɔ ekwùtwəyn, sè tsɨs zôyn ə Zhə̀fè ekɔyntwɔve, saʼa sètsì sèkɨ̂m, fɨnə saʼa sèzuʼ sèkɨ̂m sɛ ə se kyi twɔʼve.