Ipilù 1:3 - Ŋwàʼlè ə̀ Fèzhə̀ Mkâyn Mə̂ Fèm

³ Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

Ipilù 1:3 ပူးပေါင်းရင်းမြစ်များ

Matyò 22:24

“Tyə̀ynsè, piə lâŋ ə Mosîskè pì sê ghàs nə, ‘Ə ànyì ə̀ wùə kwu, kyi zhwi pîza kyi va ghɔnə, ə ànyìə wùə èkwuə ə kyi se njiə zhwiə kwu ə̀təyn, nə yî vəyn piə ghɔynghe sê ànyìə vəynvê kwuə nə vɛ ə’

Ŋwàʼlè ə̀ Mâk 16:19

Ə pə̀ kə Pɛ̂pɛ Njisə̀s wàmnè mɨ̂sè sê chùmtè èpàm sə vəynse, Zhə̀fè ə nə̀ è və kɔʼɔ ekwùtwəyn, ə tsɨsə̂ ə Fəynfe ekɔyntwɔve.

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 1:29

Tuʼve ə zo Njɔyn ə fe Njisə̀s è pə̂ se vəyn, ə pìə nə, “Ə̀ vɨ̀nə nyi Vâ Ndzè ə̀ Fezhə̀. Ə̀ nyi Vəyn vɛ ə è njì tsɨsè pisə ghɨ̀ ə mbise!

Njɔyn 1:4

Ndam ze ekɨ̂m ndô pə̂ sê Kyə̀ ə̀təyn, ə̀ nyi èndam ətəynze ə ze pə̂yn èpayn sê ghɨ ghəkɨ̂m.

Ətefɨ̂aʼ 2:33

Zhə̀fè ə njì Vəyn elùʼ ekɔʼnəve, ə Vəyn ekɔyntwɔve. È və fo Vəyn è Zuʼse Ŋwaʼa sɛ ə È tè tsɨ̀ne nə È tə fo sê vəyn. Njisə̀s ə pɔŋ fo Zuʼse Ŋwaʼa nə sɛ se ghàs, ə̀ nyi səynse ə se nə̂ ghàyn e fe fɨnə zɨə nâʼàpî èghɛ èkè zɛ ə ze kyânə̀ ndâyn.

Ətefɨ̂aʼ 7:56

È və pìə nə, “Ghàyn fe! M fe kə kwutwəyn chwî ə fɨnə fe Vâ Wùə, È ve tyəm ə Zhə̀fè ekɔyntwɔve.”

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 8:34

Ə̀ tə pîə ndè nə ghâsènì ə pfɨ̀ saʼa? Njisə̀s Klâys tè kwu, ə zòmə̀, ə tsɨsə̂ ə Zhə̀fè ekɔyn twɔve, ə̀ nyi fumə ə è tə nə̂ ə è və chyatə̂ Fèzhə̀ ə ghâsènì elùʼ.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

Kòlosè 3:1

E nyi zôyn kəpi, kə Zhə̀fè zòmsè Klâys, ghàyn ə zômə̀ kepî ghâyn ghə̀ vəyn. Nyiəmə, ghàyn e kyi ə̀təm efɨa vɛ ə ve nyi ekwùtwəyn, eluʼ vɛ ə Klâys tsɨs ə və fekyə̀ fə efɔ̀ynfè ə Zhə̀fè ekɔyn etwɔve.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 1:13

Zhə̀fè tè paʼà pì sê tsì vəyn vîvè nə: “Tsɨsə apàs ekɔyn twɔ kɨmke se zaʼâ kə m nəyn ə pàyn sɛse ə nyi afɨa kɛ ə ghɨə tɔmtə gholə ə ghənə̂ghè ətəyn, kə ò tɔmte ghol ghɛghe ətəyn.”

Ipilù 10:12

Pîza Klâys tè fo ngɨŋə̂ vəyn sə efo shîŋə̀ze emɔ̀ʼ ə njìə tsɨsə̀ sèpi sə ghɨ̀sè sə teshìŋə̀ tèkɨ̂m, zamə è və tsɨsə apàs ekɔyn e twɔ ə Fezhə̀kè.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

Ipilù 4:14

Ə ghâsènì fɛte kyî èkyî èpomə̂ ə ghasènìze ə zə tɛ, kûmə̀ nə ghâsènì nyîə kyi wùə èkɔʼsə nə̂ èshyə̀ engaŋtə kwəynə èghaʼâ kə è tè kɔʼ ekwùtwəyn. Wùə èkɔʼsə nə èshyə̀ èngaŋtə kwəynə nə vɨ̂yn nyi Njisə̀s, ə Va Fèzhə̀.

Ipilù 7:27

È vachi kə ghɨ kɔʼsə nə eshyə̀ engaŋtə kwəynə ə mɔ̀ʼɔghe ə ghe tè kyi sə̂ fo tèfo kûmə̀ sèpi sə ghənə̂sè tuʼmè m̀kɨ̂m, tsɔ̀fə se fɨnə fo kûmə̀ sepi sə ghɨ̀sè. È tè fo efo shîŋə̀ze emɔ̀ʼ ze ə kɨlə sèpi sə ghɨ̀sè sekɨ̂m, mə za nyi ngɨŋə̂ vəyn kə è fo.

Ipilù 8:1

Ghɛ zɛ ə ghàs paynsə̂ pîə nyi nə ghâsènì nyiə kyi wùə èkɔʼsə nə eshyə̀ engaŋtə kwəynə nyiə kə vɨ̀nə mə, vɛ è tsɨs ə ekɔyn etwɔ ə fekyə̀ fə efɔ̀yn ə Fezhə̀vè ekwùtwəyn.

Ipilù 9:16

Ə ò kyiŋə se pì eghɛ kûmə̀ àtəf, ə o kyi se tyə̀nə̀ paynse nə wùə vɛ ə è təf təf ətəynke nyi mə è və kwu,

Ipilù 9:26

Ə ze tè nyi za, mə Klâys ə tə zɨ ngəʼ sə teshɨ̀ŋə̀ te tsɨəte se zhə̀tə pə̀yn ashìŋə̀ kɛ ə tè pom mbi. Pîza zôyn kə pìŋ sə ekwuŋsə sə mbi sɨynəse sè paʼsə pə̂, è və pə̀yn shîŋə̀ ze mɔ̀ʼ se nə̀yn nə ə lese fo sèpi sə ghɨ̀sè mə è fo ə ngɨŋə̂ vəyn sə efo.

1 Pità 1:21

Ə̀ nyi kûmə̀ Klâys nə vɨ̂yn ə ghàyn pomə sê Zhə̀ fɛ ə fe tè zômsè vəyn, ə ndə̀mə̀ vəyn elùʼ engaŋtəve, ghɛ ətəynze e nə̂, ghàyn e kyi èkyî epomə̂zè, è kɨsè kwaʼtè elɨmtəze sê Zhə̀fè.

1 Pità 3:22

È və zòmə̀ ə kɛsə kɔʼɔ ekwùtwəyn, sè tsɨs zôyn ə Zhə̀fè ekɔyntwɔve, saʼa sètsì sèkɨ̂m, fɨnə saʼa sèzuʼ sèkɨ̂m sɛ ə se kyi twɔʼve.

2 Pità 1:16

Ghɛ ghɛ ə ghàs tè ndàʼa sê ghàyn kûmə̀ è pə̂yn ə Pɛ̂pɛ ə ghasènìze Njisə̀s Klâys è kɨsè kə è tə pə̂ è tyaʼke, ə̀ tè vachi m̀ghâŋghàŋə̀ mə èzôm mɛ ə wùə ètɔfə vîvè fɛte. Ə̀ tè nyi epayn ə vəynze nyaynəze kə ghàs tè fe ke nâʼà è shi ghasghe.

2 Pità 1:17

Ghàs tè nyîə nyi fumə kə Pɛ̂ Zhə̀fè tè fo kɔʼsêzè è pomsêzè sê vəyn, ə̀ tè nyi ə shɨŋ nə zɛ kə kyə̀ tè ndò pəyn sê Pomsê Eghâʼazè tɔŋə̂ vəyn pîə nə, “Ə̀ vɨ̂nə nyi vâyn èkɔ̀ŋ vɨ̂mè, m saŋnə kûmə̀ vəyn nâʼà sə ŋaŋ.”

1 Njɔyn 1:7

Pîza, ə ghâsènì kwîə əfètə̂ èpayn kèpi eghɨ kə Zhə̀fè nyi əfètə̂ èpayn, ə ghâsènì ə tsɨ̂yntè nyi ke sə afɨa àmɔ̀ʼ, ə ndə̂m mə̂ Njisə̀sə̀m, ə Va Fèzhə̀ shuə zosê ghâsènì ə ghâsènì ə sepi sekɨ̂m.

1 Njɔyn 3:5

Ghàyn ke nə Klâys tè pə̀yn ə mbi se kəʼsê ə sepi sə ghasènìse. È pâʼà tyəmə̂ nə̂ pi zhîzè.

Njût 1:25

Ə pomsêzè ekɨ̂m ə nyi sê vəyn vɛ ə̀ nyì ke vəyn Zhə̀fè, ə vəyn vɛ ə è nyi sɔ̀zà ə̀ ghâsènì tɔynə̂ ə Njisə̀s Klâys Pɛ̂pɛ ə̀ ghâsènì. Zhə̀fè tè kyi epomsê, è ghaʼze, è tyaʼke. È tè saʼa è tyaʼ eghaʼâkè tsɔ̀fə kə ə se pomə mbi, è pa nyi ke zamə, nyi se faŋ sə̂ nyi ke zamə nâʼà kə ghè tə ghayn. Ə ze ə nyi ke zamə.

Etyə̂yn ə paynsêzè 3:21

Ə̀ nò zhi pîndè, ə m fo vəyn è tyaʼke nə è tsɨsə ə mì etipì, ə mì ə fekyə̀ fə efɔ̀ynfè. Kè kə M se nyi mə mə nò ə zhiə sè tsɨs zôyn ə Pɨ̀a vɨ̂mvè etipì, ə Vəyn elùʼ efɔ̀yn.

Etyə̂yn ə paynsêzè 4:11

“Pɛ̂pɛ vâsvè, è Zhə̀ Fasfe, ò nyiə kwəynə̂ se kyi epomsê, è kɔʼsêzè è tyaʼke, kûmə̀ nə ə̀ pom ghô fɨave ekɨ̂m, mə tɔynə̂ ə ghò ekɔ̀ŋ, ə pomə vəynve ə nə̀ nə və ndamə.”