Ipilù 1:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ tè nyi sə mɨ, Zhə̀fè e wàmnə̀ sê ghə̀pɨ̀a ghasènìghe tɔynə̂ ə sèfɨ̀aʼtè. Fe tè wàmnə̀ kə ə tendom ə tendom, kə teshìŋə̀ teshìŋə̀.

Ipilù 1:1 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:55

ke eghɨ kə è tè pì sê pɨa ghâsènì ghə shiə, sê Aplàghâm, è ngwàʼ ə̀ vəyn zə èsas ə ndɛze sə teshìŋə̀ tèkɨ̂m.

Tom èchùŋ kè kə Lûk tè nyaʼ 1:72

Fe nə̀yn əghɛ nə ghɨ̂yn se tyə̀yn esəyn ko ə vəynze sê pɨ̀a ə ghâsènì ghə shiə, se fɨnə tyə̀yn nə fe pa kwâʼtə̀ kə ndò tsɨ̂nè ə vəynze sê ghənə.

Tom èchùŋ kè kə Lûk tè nyaʼ 24:27

È və wàmnə̀ zâ, ə pìə paynsə̂ əghɛ ghɛ ə tè pì ə Ŋwàʼlè ə Fèzhə̀ kûmə̀ ngɨŋə̂ vəyn, sè zhə̀tè kə ə ŋwàʼlè ə Mosîs se ndùə tayn əfètə̂ sèfɨ̀aʼtè.

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Njɔyn 16:13

Pîza, shîŋə̀ kɛ ə Zuʼsə səmɔʼse nə̀ pə̂, ə se chise ghàyn, ə ghàyn ə ke ə̀ghɛ əkɨ̂m ghɛ ə ghe nyi səmɔʼ. È pə̀ va sə̂ wàmnə̀ èghɛ vəyn zə ngɨŋe; è pə̀ se tsâ kə əghɛ mə ə pì ndô sê vəyn, ndàʼà ə̀ghɛ, ghe pa nyi se tə kyàyn.

Njɔyn 7:22

Mosîs ə tə fo Lâŋə̀ nə ghàyn ə pîə vâyn èndômə̀, ghàyn ə se ə̀nam ə vəynghe, (nâʼàpî kə ze nyi nə ə̀ tè paʼà zhə̀tè Mosîs lâŋ ətəynke, pîza ə̀ tè zhə̀te ə pɨ̀a ə pɨ̀a ghaynghe.) Pîza ghàyn e sè koytə̂ pîə etuʼ endaʼ se kəndò.

Njɔyn 9:29

Ghàs nyîə ke nə Zhə̀fè ə tə wàmnə̀ sê Mosîs, pîza kepî va nə wùə vɨ̀nə ndò ghayn zə!”

Ətefɨ̂aʼ 13:32

Ghàs e sè nyi zôyn se tsà tom èchùŋ sê ghàyn, ə nyi zɛ ə Zhə̀fè tè tsɨ̀ne ndəm sê pɨ̀a əghɨ Njûs ghəshiə. Fe ə lwiynse tsɨ̀nè ətəyn sê ghâsènì.

Ətefɨ̂aʼ 2:30

Ndàfît tè nyi fɨ̀aʼtè ə̀ Fèzhə̀, ke àfɨa kɛ ə Zhə̀fè tè tsɨ̀ne se fo se vəyn. Zhə̀fè tè nji mkâyn nə È tə njiə vayn ə feghàŋ fə ndɛfə Ndàfîtfè sə fɔ̀yn kè eghɨ kə Ndàfît tè nyi fɔ̀yn.

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.

Ətefɨ̂aʼ 3:21

È kyi ke se faŋ ekwùtwəyn se zaʼâ kə shîŋə̀kè kwəyn, ə nâʼà pi ghè pəyn sə fe, mə za nyi ashìŋə̀ kɛ ə Zhə̀fè tè wàmne etuʼ əshi tɔynə̂ ə fɨ̀aʼtè sə Vəynse echo.

Ipilù 11:18

pî kə Zhə̀fè tè nyi mə fə pì se vəyn nə, “Ə̀ nyi tɔynə̂ ə Azɨ̀k ə ò tə kyiə ngwàʼ ze zə ndɛ”

Ipilù 11:2

Ə̀ tè nyi tɔynə̂ ekyî epomə̂ nə zɨ̂yn ə ghɨ etuʼ ə shighe tè nəyn Zhə̀fè e saŋnə̂ yighə̀ ghənə.

Ipilù 12:25

Ghàyn e tɔ̂ʼnə̀ kə wùə sê ghàyn nə tə se zɨtê sê vəyn vɛ ə è wàmnə̀. Ghɔ Isìlây ghè ə tè tə se zɨtê sê wùə vɛ ə è tè pəyn è tom ə̀ Fèzhə̀ fa mbi, zamə ə tàʼa faŋ se tsosə ghənə. E za tyə̀nə̀ nə ə ghâsènì ke tə se zɨə kyə̀ wùə vɛ ə è ndo ekwùtwəyn, ə ghâsènì tə kyî ètsôs ə və tsɨə tsɛ̂ və ghənə̂vè.

Ipilù 2:2

Ghâsènì nyîə ke nə tom zɛ ə tsìsè tè pəyn è zə̂yn tè nyi səmɔʼ, Zhə̀fè nə̀ fo ètsôs vɛ ə ve kwuəynə nâʼàpî se ndè vɛ ə è tàʼa zɨə tom nə zɨ̂yn.

Ipilù 2:3

E za tyə̀nə̀ nə, kə ghâsènì se nyi mə zɨə ghɛze kûmə̀ èsɔza ekayntə zɛ ə Zhə̀fè fo, ə ghâsènì tàʼa zɨ, ə ghâsènì tə tàʼa tə fɨ ə ngəʼ zɛ ə Zhə̀fè nyi se tə fo. Tom nə zɨ̂yn nyi mə ə̀ tè ndàʼa ke nâʼà Pɛ̂pɛ sə shi, ghɨ ghɛ ə ghe tè zɨ, ə tə tyə̀yn paynsê sê ghàs nə ze nyi ke nâʼà səmɔʼ.

Ipilù 3:5

Mosîs tè fɨ̀aʼa è təm ə vəynghe əkɨ̂m kə wùə èfɨaʼa ə ndɛ ə̀ Fèzhə̀ èkɨ̂m, tyə̂nə̀ ə̀ghɛ ghɛ ə Zhə̀fè tə wâmnə̀ ashìŋə̀ ə pəke.

Ipilù 4:8

Ə̂ tè nyi nə Njoshwà ə nji ndu è ghənə elùʼ ezɨtəve, mə Zhə̀fè tè paʼà wâmnè epàmə̂ sèpìŋ setsɨəse kûmə̀ fètuʼ fə mɔ̀ʼɔfe.

Ipilù 5:5

E nyi kepî eghɨ kə Klâys tè tàʼa chɔʼɔ ngɨŋə̂ vəyn sə nyi wùə èkɔʼsə nə èshyə̀ engaŋtə kwəynə, fɨyn kyi m̀kɔʼnè mɛ ə wùə èkɔʼsə nə èshyə̀ engaŋtə kwəynə kyi sə̂ kyi. Pîza Zhə̀fè tè pì sê vəyn nə, “Ò nyi Vayn vɨm; se zhə̀tè ndàyn, m nyi Pɛ̂.”

Ipilù 9:19

Ə̀ tè nyi kə Mosîs tsàyn lwɔ̂ŋvè ekɨ̂m vɛ ə Zhə̀fè fo sê ghɨghe əkɨ̂m, è və tsɨ̀ə ngɔyn ə fekàʼ fə isòpfè mə ə kol paʼsê è leshì ə paŋəke mndəm mə sènyàm sə mbɔ̀lɔʼ se ndômə̀sè è mə sèpfɨm mə ə fiəs è môm ə wə ŋwàʼlè Àlâŋ ətəyn ə fɨnə wə ə̀ghɨ ətəyn.